水草情迷

近日看網友的貼文, 總覺得很多網友都有一種傾向, 就是"養草大哂", 其他都要讓開, 現且提出讓各網友檢討及討論, 希望不會得罪個別朋友; 自問養草資歷尚短, 藉此互相指教改進, 以下是養草中幾類人:

1. 只要水草不要藻:
水草和藻都是植物, 在合適的環境下, 兩者都會生長, 但有些朋友只容計水草生長, 一點藻也不能接受, 便想盡辦法落藥, 長時間熄燈, 殺無赦, 結果藻沒法去盡, 魚兒及草都相繼去了!

2. 只要水草不要魚:
為了給水草提供更好的水質以便水草成長, 魚兒成了陪襯品, 長期不餵魚, 很久才餵一次, 令魚兒捱餓受苦, 這樣糟質魚兒實在太殘忍了!

3. 為了水草, 不顧安全:
在沒有電器常識下胡亂改裝電器產品, 是非常危險的!


4. 只有缸內無缸外:
看過一些朋友的貼圖或影片, 缸內風景優美, 缸外卻淩亂不堪, 濾水器, 電線, co2喉管, 燈, 肥料, 用具..., 自己主觀只看見缸內美麗的水草, 卻看不見缸外物件的不雅.
記得我也曾經如此, 但幸好老婆旁觀者清, 每次我為了改善缸內環境而胡亂在缸外擺放物件時, 都會被她叫停.

有一次我介紹朋友看了一段草缸影片, 他看過後告訴我, 影片中的水草發燒友全家只得一個草缸靚! 我是水草迷看影片時一點也不察覺, 因為注意力全在缸中物呢!

新年期間, 朋友來家中, 看見草缸站近缸前仔細看了良久, 告訴我草缸真美, 又告訴我有一次她往別人家中, 看見一個也是這樣美麗的草缸, 但她不敢行近看, 因為缸邊有很多不明物件放置, 她怕弄跌呢!

希望提出這些討論, 自己其實也面對上述情況, 希望大家分享如何能取得一個真正全面平衡生態環境.

有理！
因為D人普遍比較心急嗎！

湊起熱鬧, 也和回應下:

1. 其實我覺得只要藻類不是太離譜, 我都覺得不用為了它們而去煩惱, 除非好似我咁, 生到成缸藍綠藻, 真係無法先關燈下藥. 我缸內也有黑毛藻, 有些生在牛毛氈頂, 我當它們是牛毛氈的陪襯添. 有2粒黑毛藻更是我的至愛, 它們是在我的缸底獨立生長, 並沒有依附著任何物體, 現在已經養大到差不多有直陘1.5cm了...

2. 其實唔餵魚真係好殘忍的, 你話3幾日唔餵佢地都仲話, 長期唔餵又真係唔得... 魚都係生命, 你養得佢地就又俾0野佢地食下0既...

3. 呢點我經常講, 但從來無人放在心裡, 我諗都係找次有魚友家中發生火警才有人相信我講的說話, 由其是那些鹵素燈管不分呀, 什麼叫HQI都唔識的人都話要去改燈. 我聽見到覺得心寒, 算啦! 不聽老人言, 吃虧在眼前

4. 呢句真, 個缸幾靚都無用, 就好似做戲咁, 鏡頭內樣樣0野都靚, 但鏡外就樣樣都係假的. 不過咁, 我都花了好多時間才能做到現在缸內外都整潔, 又真係好難0既, 唔可以怪人, 香港地少人多, 想找多些空間去keep0野又幾難0既...

對第4點,我就把所有野放晒落一個抽屜,又整潔又唔會唔記得0的野放左係邊~~~

係呀, 我以前都亂放東西, 很亂,很亂, 雖是很方便快捷, 但當要找出來用就不知在那了, 現在用幾個抽屜今開:藥物,工具,雜物,等.好多了.
至於藻,魚,水草等應保持平均,我養的七彩水草缸,可不能下藥,不能不餵,不用不開燈.
D.I.Y. 電器可要小心, 我是由於修讀電子工程, 所以比較子解電子設備吧.

TO : ANDY
請問你缸七彩係幾多溫度的？
THX

其實也有持相反想法的人，我就是一切以魚行先，在我眼中水草只是陪襯品，最重要的是魚的健康及狀態。

我有一個辦法, 就是時不時邀請家人提供草缸的意見, 他們的意見通常是最老實不客氣, 甚至會令你不快, 但想深一層又不失是一個好提議.

27-30C

TO ANDY:
請問長期27度D七彩頂唔頂得住？
THX