水草情迷

勁急.. 有隻飛鵝跌左落個缸到...
食得嗎?? 有毒嗎???
唔該...

好果係養龍的話就正啦!仲可以增色!但一般魚食唔落, 遲d仲會影嚮水質添!

有魚"釘"緊...
但係隻野仲好生猛... 所以仲掙扎緊..
如果食得落.. 俾佢地食嗎??
唔該唔該..

P.S. 我D 王子非常惡同畏食... 係得佢地"釘"緊...

食左可能會飛.........哦!

太遲啦...
佢地已經食左啦....
情況就好似之前睇果個食老鼠畫面..
開頭試探.. 其間吸引其他魚隻注意,
個個眼金金咁望住隻野... 氣氛萬分緊張..!!!!!
突然水花四淺, 有條非洲皇子飛左出水面!!!
零空則身咬住... 後空翻插水, 水花太多.. 但姿態尾妙!!!
嘩... 之後就仲勁過餓左幾日果D 鱷魚...!!!! 完全另一個氣氛...!!!
成班"難民"實行圍毆政策... 間直七一上街...!!!
個個鐘晒去後園進行一生魚既第一次..!!
不足15秒!!!! 鬚都唔見有條浮返上黎..!!!
缸水回覆平靜, 只見D 鱗浮下浮下... 膝縮一角....

我實在太過投入!!! 都唔記得即刻錄底佢俾大家睇...
真係一個"近" 字!!!

TP222:
請間你係唔係好久無餵鱼????
你D魚好恐怖.....
下次飛甲甴時記得錄底佢地D恐怖行為

哈哈, 好全神, 好似睇驚慄片一樣!

其實佢地岩岩先食完大半袋豐年蝦, 係呢班化骨龍食極都唔夠..!!!
我諗我俾三包蝦佢地, 佢地都一定食得晒...
我養左佢地先知佢咁惡..!!
搶野食, 霸地盤, 釘尾, 我呢家D 燈好多都爛晒尾...
但係又唔想無左佢地...
間直兩頭難......


下次試下捉D 蜘蛛等俾佢地食...
影埋擺上黎...^_^

你個缸有幾大同有幾多魚呀?
好似仲好玩過養龍咁.

我得兩呎缸... 養左成四五十條小魚...
但係禽日見到D 咁既情況就真係啟發左我...
非常之大自然... 佢地平時都可能食呢D....
可能仲好營養過D 豐年蝦....

嘩.. 你果D 魚間直回歸大自然... 有咁多昆蟲食...
仲有血!! 間直係營養餐..!!

呢家有時伸隻手落去整返飛起左既草, D 王子真係無有怕..!!
連我隻手都"釘"!!!! 間直目中無人..!! 家下D 後生"魚"真係不分尊卑!!!