水草情迷

希望你唔好放棄，我地成班魚友支持你

我而家將d魚拿晒出來, 準備買d材料同設備做一個草缸, 我個缸有 12"w x 7"d x 10"h, 希望各位高手比d意見我, 謝謝.

1個掛濾
1支 11w pl
ada 黑泥
陰性草 或一d易種的 (例如:蜈蚣草,羅漢西)

水草人,

我今日去過魚街, 點解找唔到發記, 請指點指點.

發記現叫水世界,近魚街街尾,近旺角方向,好大間,門口左方地下有一很大咸水缸,希望你找到。

thx, 收到. 但我今日去左長實買開缸d 野, 本來想買ada黑泥, but個sales話好大包我用唔晒, 叫我買包 txxxxx的泥(唔記得名), 請問可以嗎?

重有我買左個掛濾叫 "pengiun mini" 用生物輪, 請問洗唔洗再加生物環呢, 同係咪好易留失co2 ga? 謝謝各位大佬

ada 黑泥有 3L & 9L
3L 你一定用得晒..!!!
水草, 發記 等等都係賣$65

吓! 長實?? 小心! 小心! 請搜尋舊文睇睇, 此舖非常有名, 必定大開眼界

好明顯我中左招, 唉......新手真係唔通一定比人老點.....
剛看過長實d post......唉......咁個袋泥用唔用到ga....老細

我都唔係好識果包乜野泥...
不過係泥係沙都仲到草架啦..
不過睇下洗唔洗加肥加呢樣果樣之麻...
同埋個PH 唔知會係點囉.....
個個新手都心急架啦...
必經之路...
我好彩D, 係睇左呢個網之後先去買呢樣果樣..
但係都係無底深潭..!! 中毒極深果隻啦..

希望時間可以沖淡啦 (包括ph)

我第一次玩水草缸時比而家D人真係慘好多。
無呢個網，樣樣野都係靠估、靠睇書、同外國的網。
(水草網真係一個好正好正好正的網。記住、記住、記住多D睇呀！)
一個12寸的缸，我想你不會買一SET CO2吧！
DIY一個，記得關燈時不要加入CO2。
個人覺得如無錢買強力的燈同CO2，陰性草會較適合。
陰性草有莫絲、水榕、鐵皇冠等。(其中後兩者有不同的品種可供選擇)
再加一舊細細的沉木，相信你的缸已好充實。(沉木的處理不要輕忽，找舊交看看吧！)
個人覺得陰性草可到天光墟買，較平也有很多選擇。
至於魚隻，相信開缸初期加入小精靈等工作魚會較好，不需太多，2-3條足夠了。(魚街一條小精靈約10蚊，可格價先。)
待魚缸真正的建立好了之後，喜歡短鯛抑或是燈科魚隻就依你個人的喜好了！
(至於光照時間、基砂、水草肥、魚糧、甚至繁殖等等都可在舊文中找到很豐富的答案。)
希望少少分享可以幫到你啦！

巨龍兄︰

行魚街要好小心，d sales 真係好鍾意昆d新手。
我給你一些新手指示︰
1. 不用急，多發問，但不要買！(可每間店問意見，你會發覺有很多出入，這好明顯其中有人是昆緊你，所以不用買，只是問同睇，記着品牌或型號就算。
2. 上舊文 search. 其實你想買的，無論魚又好，器材又好，你所要的，所有草友都一定用過，即係話已經對邊一個是好的品牌或較好品質的，在網上都已有結論。睇完舊文先再買，一定唔會俾人昆，我只會信草友，不會信 sales.

我相信你現在都買了一些魚用品，再睇真d及想真d，你係咪已發覺俾人昆咗﹖ search 吓 post ，原來有d仲好！

睇過舊交你就會知道有兩間好出名：
第一位：長X(又名X實)
除經常介紹人地亂買野之外，裡面仲有一個金毛、眼細細、矮 矮地(矮過我一截啦！我5呎10左右)、衰衰格格、態度非常惡劣的服飾員。
我好想叫佢咪撈啦！撈得你咁辛苦！
(言歸正傳)
第二位：日X(又名X鱗)
個老闆娘出名搵老襯。我經常行過佢舖頭都聽到佢講：「買左就教你！」
第三位：祥X(又名X記)<-----個人經歷
又係「昆」人！我去買野，個SALES介紹埋果D又唔ARM用又貴的產品。畀我個FRIEND小到個SALES怕，仲喊打佢！
我企響度睇戲。
(以上三間我都曾幫襯過，實至名歸！店舖的名譽，與本人的利益無關。特此聲明！)

希望各位行魚街時小心！

係我d新手的一個好提示, 多謝fire 兄