水草情迷

星期天去到魚街見到水草店好多人，好旺。
個人覺得係因為佢地做生意較老實，店內的人亦相信肯幫手。
好似賣鯛個四眼哥仔咁，你問佢野，佢仲拎埋本書出黎同你講，解釋一大餐。咁先至係招呼，先係做生意嘛！
唔係好似有D舖咁，D伙計看到你實，慌死你偷佢條魚咁。行多兩次唔買，又黑口黑面，一入到去就問你想買咩。
個老闆仲衰，響舖裡面係咁起勢「煲煙」，驚人地唔食過佢D二手煙唔算入過佢間舖咁。
好心有D公德心啦！吸煙危害健康！仲要人食佢D二手煙！
極度無品！

啦啦啦…你都識話佢係老闆啦，佢食唔食煙，邊個敢話佢呀，不過d客唔鐘意咪唔好幫親囉！

Fire:請問係想fire邊個?比個目標大家, 如果唔係, fire錯左邊個邊個就唔好啦!

絕對唔係針對邊個，或者攻擊某某。
只係覺得而家已經知道吸煙危害健康，好煙者在戶外吸都無咁大問題。
但響一間小小的短鯛同燈魚間格內係咁起勢黎吹，個人就覺得有d不顧別人感受。
好多人會話咁咪唔好去囉！
但無理由為一個咁無道理的原因而放棄去睇魚。(係。只睇！)
會唔會因為教育都未夠？
我識得有d同學仔都食煙，但去完外國留學之後，識得尊重一下人。響大家食飯或飲野時都唔會食，要食都會去室外。
無可否認，外國的公民教育比香港同國內好好多。

想講講水草店係幾唔錯！
見好網友/魚友都有興趣開賣水族有關的店舖。個人覺得可以向水草店偷師。
無論產品同服務佢地都令大部份顧客再返去幫襯佢。
無話見邊樣野好賣就即刻起價。
亦無話老點你買呢樣買果樣，係適合的就叫你買，係唔適合的就叫你慳番。
我欣賞店內賣短鯛的四眼哥仔，介紹完一大輪，唔買唔會即刻變樣。仍然好友善咁同你傾偈。
因為小弟唔係多識短鯛，佢就直頭拎埋本書出黎，話呢條魚係點係點，個樣第二時大左係點。
我見到有人問佢有關底砂的問題，佢仲話佢地用d底砂好貴，一般家用唔駛，仲計埋數話畀人知有幾貴，叫個客諗清楚先好買。
這樣的舖頭我估魚街唔會多掛！(仲有一間就會宏x內賣七彩的張太。)
(以上只係想同各位前輩分享，絕對無廣告成份！)

原來是針對無公德心的煙民(o甘我要小心d至得)!
順便對香港公民教育的差劣提出控訴!
多謝指教!

講水草店你兩條友就唔回出聲,
講食二手煙就........你兩個!
身有......屎?身有煙至o岩!!

** 在小店內" 請勿吸煙 " 多謝合作.

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

老通:你話邊兩個呀!明明只有一個咋喎!
水草店內點食煙呀?!我都會頂唔順啦!在你處就唔同呢, 又開陽, 又大又企理, 食都食得舒服d啦!老通招呼又好, 如果可以再整翻壺凍頂烏龍的話!?仲唔旺過旺角?(wakakakaka!)

水草情迷真偉大! 除左俾一班同好吹水之外,
衣家仲變成埋魚街舖頭服務水準既監察機關。真係要
邀請魚街

係呀！有好就要講，係錯就要認！
網就係畀d資訊快d同廣泛d去散播。
好似邊度渡假好，有人去完返黎講，咁下次咪又多d人去囉！
邊間野厄人，當然要話畀大家聽，叫d人唔好去幫襯。
道理一樣，亦好簡單。

而且，今時今日咁o既服務態度...係唔夠架！
好多人識講，好少人識做。
如果仲有人唱反調，話唔好出聲的話；可以說是固步自封，與時代脫節。

讚成ar
水草店賣鯛果位眼鏡哥哥好好人ga
所以令我覺得水草店係魚街中最親切感的~^^~

係o既, 整體來說, 水草店係幾好, 同老闆和四眼哥哥吹水(成日吹, 但又唔幫襯), 幾攪笑架...

老通果度都好好, 又大d, 又有"登"坐, 招呼周到, 哈哈!!

水X店服務的確好

真係幾好。就算唔買野，佢都會好詳細咁介紹，帶我睇佢有咩野。
又會教我種草同養魚。
仲有佢最近好似搞緊買一送一(水草)，我都買左兩盆(已經係上個星期的事)。
慳埋車錢，計落真係唔錯！
其實我覺得老通兄好應該不時update一下大家佢間舖有咩新野或者搞緊咩優惠。方便好多！

仲有奇仔同阿妹姐都好好人架!
可惜地方太細,
btw粉嶺水草苑d服務都一流!