水草情迷

我覺得小精靈比飛狐更勤力，而且小精靈比較鍾意起玻璃度食，反而飛狐就多數起草度了。另外小精靈就好在唔食食糧果d，咁佢地會更努力咁食青苔。不過我覺得小精靈就比起飛狐難養好多，我果d生存率係六十多%，反之飛狐有成90%。
而講速度最快都係蝸牛，我以前都有留幾隻食青苔的。果時個缸真係一點點青苔都無。不過自從知道佢地會食葉之後我就無再留佢地起度了。
而螺我就唔係咁清楚了，聽人講都好快的。

以上都係小弟的一點意見，如有錯處，希望各位指教~

的確有點道理！
不過如果你D吃藻魚吃慣了沉底的魚糧，牠們就會便得懶惰嘴刁起來，所以我喜歡慢慢逐小逐小地餵囉！等D糧吾會被牠們吃到！

係呀，所以我一向都係少少咁少少咁餵食~

但sae很聰明，會游上水面搶食，防不勝防。

係呀！SAE經常由缸底沖上水面搶糧﹐食到肥肥白白之後便不吃藻了；但小精靈就無這問題﹐可惜比較難養得長久﹐容易死亡。其實水草蝦都會吃糧﹐不過它們仍會吃藻。

不過d螺會唔會好似蝸牛咁食水草的？

我又o吾覺珍珠螺有吃水草跡像呀！

有無蜜蜂蝦咁難養呢？
我都想幾隻呀
不過就幾貴喎~

珍珠螺賣十元五粒哦！又易養！

黑色果d？
會唔會生到好大隻架？

我起有d舖睇到要成幾十蚊隻~
請問起邊度買先會抵d？

不覺它有長大呀！

小精靈會吸在其他魚身上，
令其他魚好緊張。
這是唯一缺點

哈~
可能佢勤力得滯啦
好似我伸隻手入去整野果時，佢都會吸起我隻手度
反而飛狐就無呢個情況了~

我經常到發達會看到他的SAE很勤力在吃藻,有日聽到客人問老闆怎可減除藻的發生,老闆教他隔三日才餵食一次,魚沒糧吃,莫說藻,連屎也要吃,但我覺得好像有點違反飼養樂趣了,郤明白魚街商店可能這樣較方便吧!!

水草蝦何只會吃糧,我就曾經目見大隻的水草蝦,追住d孔雀bb,捉住後慢慢食,所以都唔再d孔雀bb放落水草缸,等大d先.