水草情迷

睇左大家討論diy co2好耐, 但都唔明個樽, 筷子同條喉點整, 有冇人可以提供照片?謝謝.

雷鳥兄, 有圖睇了!

patdo兄, 我的 diy co2 system 有泡出了, 仲幾暢順添, 唔該晒你!

please show to whole world .we do love to see！

siubox兄, 全世界都應該睇到喎!
就寫晒係呢個主題裡面, patdo 兄好詳細咁教晒小弟及各位!

siubox兄, 雷鳥兄,

試

Thanks a lot. 唔睇過照片真係唔明.

我用左個 1.5 公升樽, 唔知係唔係個份量問題, 昨晚做好了, 都唔可以出氣..... 己測試條喉走氣..... 我用左1/3 的白沙塘 1/2 水 1茶匙的酵母 會唔會我D 酵母 唔夠呀>??? 今早再加左少少酵母 ... 未知而家有無出氣....

1. 你 d 酵母有無買錯呀?
我見百佳有隻, 樽形一樣, 一隻寫 "泡打粉", 一隻寫 "乾依士",
"泡打粉" o個隻無料到 ga!

2. 你用咩細化器呀?
如果用玻璃杯要加多 d 酵母先夠力推!

3. 肯定無漏氣?

1. 無買錯係 "乾依士",

2. 木快頭

3. 無漏氣

係唔係d比例唔好呀>?

丁丁丁兄, 小弟建議你咁做:
如果用1.5l 樽的話, 你將佢睇成四等份, 加一份糖, 兩份水, 一份預留空
間。放兩茶匙衣士粉, 水要用約40度暖水(有助加速發酵), 氣石用白色約莫兩寸長上下有黑色蓋笠住果隻包你一個鐘就有料到。

d 糖溶哂未呀? 淨加糖加yeast, 九個鐘都冇呀!! 搖到d糖溶哂先加yeast, 落一 tea spoon 啦! 15分鐘內起碼應該見到樽入面起哂泡先, 谷唔谷到出黎係第二件事! 到時再睇漏唔漏氣! 谷到氣出黎先再考慮用咩氣石/筷子頭/擴散杯/唔用! 裝水前用marker劃好 1/4, 1/2, 3/4 嘅橫線, 自己會唔會好睇d個份量? 下次會唔會準d呢?

兩茶匙衣士粉? 因住出得多..............焗死魚wor...........呀..唔係! 好快玩完, 又要set過! 我一茶匙衣士粉, 平均夠挨三星期, 你加兩茶匙.........

而家有得出啦~~不過我加多左"乾依士" 2 茶匙, 又加左水, 而家個樽好多泡呀!!!多謝大家!!我未有魚呀!!唔洗玩完住, 因我都係新缸,
不如去以下個news://news.hkux.net/org.hebe到睇下我個缸同我朋友個缸啦~~歡迎比意見~~

咁咪安樂哂law!!