水草情迷

我公司個老闆由星期一到今日,足足四日!!失蹤左!!
全公司都唔佢知佢去左邊!我公司有兩個老闆,而令一個老闆都唔知佢去左邊!!打去手提電唔通,打去屋到又冇人接,佢屋有老婆和兩個女(1,2歲),
一一都唔見人!!(即是全家都唔見左)
唔見左四日,其實使唔使報警呢??.......wooo...好驚....都唔知今個月有冇糧出!!...

唔怕你仲有另一個老闆射住.

找位同事去佢屋企睇睇好喎，老細都是普通人，走左都是錢事，出人命就~~。我都有幾位破產走左佬的老闆友人。

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

如果你係在公司話事的,最好切法儘快找到他, 否則好多蘇州史嫁!

真是㗎。公司話事又見客收貨簽名之類就要小心啦

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

好奇怪呀,剛剛找到佢,佢是屋到!但是唔聽電話!正是得佢老婆接電話!
話佢睡左!!一直都米聽過佢把聲!!

噢....touch wood講句
會唔會中左肺炎？

公司狀況員工都應該清楚的,潛水有兩種原因,
一係穿柜筒走佬,二就公司唔惦要著草,
唉~~~環境如此,做老闆又有邊個想呀,(欠責潛水)
其實做員工的,都應該睇住大家個飯碗,公司唔惦咪又係=自已都有問題,
家下香港禁死,走得去邊呀,東家唔打打西家無啦,無左支歌唱啦.
有問題就想法子找你老細出黎大家慢慢傾啦,大家想對策,共渡時艱.
如果托水籠走左去,就老虎都抓出黎丙獲金,天地不容.

唔駛驚, 重有一個老闆嘛!!
最緊要公司財政有無問題.
不如上去探下佢關心下佢!! 一舉兩得!
(其實我地有無 off-topic ga?)

嘩!如果失踪嗰個老闆,有用公司名義去借錢,(合伙人)另外個老闆都可能好大鑊。一個人還所有債,那視乎是什麼公司,破產都可能唔惦!

希望你快D慍返老細啦!最懐打算是叫你另外個老闆報警,如果盤數有問題,那可能是詐騙。兩個老闆會好大鑊呀！要是出事,你快Ｄ去勞工處報追欠薪,唔係乜都冇呀!

希望不要有事啦! 呵們!

Good Luck,

BTW, are you playing amateur radio. I got a B license but never play it.

我提議你打電話去醫務衛生處 check 下是否染到"沙士" 喇！