水草情迷

前日(星期五)買左一袋豐年蝦,我問個店員點樣養住剩餘既蝦,佢教我將全袋蝦連埋 d 鹽水一齊放入一個容器, 之後再放一個氣泵, 咁 d 蝦就可以生存到大約一個星期...後來上網 search 一下有冇其他方法可以令 d 蝦長命少少,唔好兩三日就升天...發現大部份人都話將蝦淡化放入雪櫃下層急凍, d 蝦就有至少五日壽命~

我就0係星期五果日做左一個實驗, 將大約 30% 既蝦放進淡水後放入雪櫃...其餘70%就照個店員教0既方法去做,佢仲教我放多少少鹽水入去個容器內, d 蝦就冇咁易死...我話我冇鹽水, 之後佢仲俾左一袋鹽水我拎返屋企添! 到左今晚為止, 我放係雪櫃果兜蝦大部份都已經嗚呼哀哉(95%)~只剩低廿幾隻左右...反而鹽水果兜就隻隻都非常生猛, 不斷四圍游呢!

想問下點解急凍左既蝦會死得仲快過鹽水果兜? 又話急凍蝦會冇咁易死?
我見到間魚店內有 急凍 BB 豐年蝦賣, 想問下同新鮮的有何大分別? (當然係新鮮最好啦!) 謝謝各位回答~^^

因為豐年蝦所存活的野生環境是一些高鹽分的水,so...鹽水質較適合豐年蝦生活...所以你用鹽水養住係冇死得咁快

街個o的豐年蝦, 唔駛溝淡水喎, 溝o左淡水, 改變原來咸水密度, 實快死o的o架. 就咁成袋放就有 5 日壽命左右啦.
急凍bb同新鮮有乜分別.. 問得咁奇, 最大分別就係生同死囉. 鮮孵o既會游黎游去, 對魚吸引力會大增, 食多o的快大o的.

_________________
多多交流, 多多研究, 多多搜尋
我的水族相簿

哦...原來如此....唔怪之得死得咁快啦!但係點解d人話要溝淡水去養呢?

我意思是說急凍bb既營養同新鮮既會唔會有好大分別? 即是急凍bb會差d? 哈哈, 我堆新出世 Platies 魚仔都唔知幾鍾意d豐年蝦bb呀(新鮮既~)!! 不過好搞笑, 有兩條魚仔一見到游緊水既蝦bb就嚇到標左去另一邊,對佢地冇咩興趣喎~ 佢地見到乾糧就猛咁食...唉...真係冇膽! (-___-")反而另外幾條就連吞2-3隻呢!

小弟就用個較唔被認同的方法:

每次孵完, 吸完, 用原鹽水打氣,控制在48小時內食完,以保持蝦bb是活的!食唔完的先至用淡水淡化後,即時急凍成冰塊,以備有急需時可以使用!

如是者, 每次鯛魚都食到活的蝦bb,佢地食慾會好高漲嫁, 但可能不是最高營養的貨色!

我買0個包蝦到今日都仲未死晒,而且發現有好多新孵化既bb添! 其實我都想試下買豐年蝦卵孵化d蝦仔出黎,不過我唔係0係香港住(現住Sydney),d蝦卵貴到唔捨得買,為HK$50/5g... 依喥養魚始終唔夠香港平...唉...

現在,我日日餵d豐年蝦仔俾魚bb食,雖然出世唔夠一個星期,我都已經覺得佢地大條左(食慾非常大!!)...仲好活躍添!!不過,我留意到其中有條魚仔唔識游水(終日沉低),有時就"彈"上水面幾秒之後又沉番落去,同埋比其他魚仔較為細條...都唔知佢咩事...