水草情迷

今日買左兩條 Platies (胎生魚),但係返屋企途中...其中一條魚無啦啦生左兩條魚仔同埋一粒"魚蛋"出黎~
以前曾經聽聞過話d"魚蛋"係未孵化成魚仔0既胚胎,今日的確見到有兩隻眼仔0係粒"魚蛋"入面....個外殼黃黃0地色,不過放左入缸之後好似變白...請問粒"魚蛋"會唔會仍然可以孵出條魚仔, 還是已經"胎死腹中"??

我放左條"亞媽魚"入breeding box, 之後佢再生左5條魚仔,全部都非常健康~只係唔知點解會有粒"魚蛋"?...還有我什麼時候可以將佢放回大缸呢? 謝謝各位多多指教!!.m(_ _)m

請問即係什麼=Platies (胎生魚)?買魚送粒魚蛋比魚蛋?

熱帶魚是沒有胎生的!唔知你同唔同意呢?孔雀/波子等魚都係卵生的,只不過,個卵係媽媽肚處姐?唔知大家有無研究過呢?

bb魚強立養,有適當的飼料比佢,養大左(即係佢有逃走的本能的時候)就放回大缸即可!

我都係識D唔識D..
孔雀/波子等魚都唔可以話係卵生!!!!!
正確係卵胎生!!
有時有卵係正常,果D卵未完全發育,所以未變成魚仔,變白已經死左架啦....
什麼時候可以將佢放回大缸呢?我覺得適當時候係條魚既SIZE大過缸入面大魚個口....

卵胎生?紀錄片中未學過喎?請問有邊位大學本科生可以針對比d意見啦!以解謎團!
Sorry!又唔記得再另外topic添!Okay發問到此為此!

當母魚受驚時
便會這樣!

卵胎生~是指已受精的卵在母體內受保護~長大成小魚就排出身外~獨立生活~~從而減低死亡率~~

孔雀魚~~食蚊魚都是屬於這一科魚~~網上有好多這方面的資料~~不用大學本科生都可以知道~~

Platy = 英文學名: Xiphophorus maculatus = Livebearers
Platy 有好多種colour,人人都叫佢地做"米奇"...我都有兩條 Mickey mouse platies, 不過今日買個兩條唔係"米奇",而係 Mixed 0既品種~

Mixed 品種


"米奇" (Mickey mouse)

我都覺得"卵胎生"依個形容詞比較貼切d~ 但係粒卵並未全部變白,只係半透明,見到入面有一絲絲紅色既物體~(魚仔仍然生存否????)
仲有一個問題, 條"亞媽魚"大約什麼時候至生完這胎(魚仔完全出世)? 因為我唔知佢生完未,如果未生完就放回大缸,d新出世0既魚仔就會成為其他魚0既點心!

GL,本來我都唔敢直接話你,唔識就唔好講....

你可以參考下台灣既孔雀網站,一定有提及

o甘勁? 動o左胎氣呀??

今朝見到粒卵完全變了白色,相信已經死左....

pinoki:
thanks!

犬神兄:
請不要這樣啦, 大家都係網友!小弟都無話我識,所以先至想問多幾位網友,想請教大家比d意見, 難道言語間又得罪了你?如果係, 小弟可以同你say sorry的!(不過,真係唔洗o甘惡喎!)

madd兄:
小弟真的不是有意說什麼"大學本科生",只不過,直覺上,可能佢地會對這個名詞更加深入瞭解,可以比倒一個比較正確的答案給小弟,以免小弟日後又在大家面前出醜麻!

Anyway, 請各位見諒, 小弟愚昧,若有得罪, very sorry!(講錯野, 就要認!)

唔緊要~~~~
大家一起交流交流~~~

不過~~小女子不是兄啊!!^.^