水草情迷

開缸都快3個月..一路都以前自己缸水好清.好靚....
點知令日加左黑色手工紙....哎..
發現在缸入面好多微塵...
高手們...我要點先可以令微塵bye bye?
要加uv燈嗎?
我有加左,活性炭....換水加psb ,3個月d銷化菌都未完全成熟嗎?
thx 高手們

俾多d資料先至答到你喎!
例如缸大小、配備、養左d咩........

係濾筒加塊高密度綿，可改善。

如果係微塵,整群工作魚落缸就得啦!

24'缸
fuval204 diy co2 燈 t5 8w 2支 pl 24w 1支
有養 日光燈 18 條
三角燈 5
紅肚鳳凰 1
石美人 4
孔雀 6
小精靈 7

濾筒加塊高密度綿,你係講成20幾元一塊那d?
sorry 工作魚係??? 小精靈有成7條!
定係講好像叫老鼠魚那d(唔好笑..唔係好記得叫乜名..)
thx 高手們

有小精靈仲有微塵?哈哈!此可能並非微塵,而係生藻的先兆!
如果小弟說對了,請儘快用尺在玻璃面刮走佢!加幾條黑線飛孤!減少餵糧,以及減少液肥份量, 每星期換多次水(共一星期兩次吧!)

請問咩叫做 "加左黑色手工紙" ?
係咪即係話痴張黑色背景紙係魚缸後面 ?

請問你個濾筒裏面放d咩濾材呢?
另外, 想個硝化系統run得好, 通常都唔會放活性碳個喎!
尤其設剛初期。

濾筒裏面放d咩濾材--只是買濾筒時跟那d,,..有 綿 ,活性碳(我估)
生物環(買濾筒時跟).自己再加左d 玻璃生物環
"加左黑色手工紙" ?
係咪即係話痴張黑色背景紙係魚缸後面 ----係..在文具店買那d..(我覺得都ok,睇起來d草好像綠d)
to:gl 兄..我一星期換兩次水啦...
液肥---每三日先加三(敵)ada step ONE 同 鐵肥..無加肥
餵糧---多數二日一之..有時一日一次..不過多數在1分鐘內食清
真會係生藻的先兆嗎,如果要減...好像又減唔到多小野...
to 噢暈兄.. '想個硝化系統run得好, 通常都唔會放活性碳個'
sorry 小第新手一個..聽講有人說加左活性碳會吸左d肥..但這說法
未完全確定...
而點解唔放活性碳d硝化系統run得好?
唔知可唔可以講來分享下呢..


真的謝謝高手們教路^^

其實我都有呢個問題,o的水好清,但係有好多一粒粒o野飄o下飄o下,我都已經用高密度綿,但都係咁,我自己覺得應該係魚太多,我o的魚多到我都數唔到出黎比你聽,

1)濾筒跟果d生物環質素好差,養菌效果唔好。玻璃生物環, 是不是表面
光滑果隻? 據說唔係用黎養菌, 而係另濾筒疏水效果好d 。建議要買
d 睇起黎表面有多窿既至arm。
2)聽d高手同埋d魚舖、器材舖sales講, 草缸唔用活性碳, 因為會吸肥,
甚至吸菌。即使用都係為左吸味或吸色先用, 處理完即刻拿走。
3)你換水次數算頻密, 加上硝化系統未成熟, 所以每次換完水都要補充
硝化箘。想快有效果, 開燈時再加光合成菌。
4)其實每次換水都會揚起泥灰, 一般都要二或三日才恢復正常, 但你三
日就換一次, 個缸都冇復完既機會。其實有些少泥塵都係正常既。
5)可以試下加 amtra 果隻清水硝化劑, 睇下有冇用囉!

fishkwok兄:咁其實一粒粒o野飄o下飄o下那d係乜野來?
魚糧?泥上面的微塵?生藻的先兆?

向高手們多多請教!!

你可試用HAGEN個隻wool棉
對微塵好有效

thx 大家先..
等我明天去魚街買返HAGEN個隻wool棉睇下有無改善先^^
thx all

那些是魚攪泥飛出來的魚屎和泥粉, 小弟覺得無得攪, 一係種多o的草, 隔住o的水流, 咁就應該無咁多周圍飛