水草情迷

日期:今天 地點 : 水x世界(新發記)
人物 : A君 (發記長期顧客, 數年間在發記消費近萬)

話說 A君到達該店, 向一位肥職員請教去藻問題(據A君稱,此人乃老細), 講講下, 講到燈光問題, A君向肥老細表示欲購買雙膽鹵素燈, 肥老細聲稱售價二千五. A君遂向肥老細查看實物, 於是肥老細便帶A君走到大display缸, 一手指向在display缸左面草仔缸頂上的盒子, 該盒子圖文並茂, 牌子為 Arcadia的雙膽鹵素燈. A君心感價位未如理想, 便到魚街各店舖夾價. 夾價半小時後才發覺$2500實在便宜, 因為大部份外國牌子一般都要$3000以上. 心裡懷疑水x世界肥老細介紹的會不會其實是國產牌子呢?? 於是再回水x世界求證!!

回到去後, 發覺Arcadia的盒子寫著大大隻 UK字眼, 而且以其包裝之精美及圖片所示之款式, 看來並不像國產貨品! 於是 A君再向肥老細查問產地, 肥老細快速地回應說此乃國內與歐洲合資公司產品, 只會在歐洲正式發售, A君於是向肥老細要求給予優惠價, 最後折實 $2400! A君於是立即扑鎚買一套!!

肥老細便指派店內其中一位職員到草缸頂取貨, 職員取下該盒 Arcadia 後, 肥老細說是後面的一盒, 該職員便再拿入面的一盒出來.. 此時A君看見這盒子 size 比較細, 盒面沒有任何文字或圖片, 心想難道這盒是鹵素燈的配件嗎? A君隨即詢問為何盒子較小, 肥老細回應說是有PL燈及無PL燈之分, A君心想可能是平價 verion, 所以盒子是bulk pack包裝吧!
當拿到收銀台打開來檢查時, A君發覺此雙膽鹵素燈外型與自己所用的 ATMan 簡直九成相似, 只不過A君所用的是單鹵素膽+PL膽, 而這套是雙膽鹵素膽! A君心裡安慰忍自己說"外型不是太重要吧", 再細心查看, 驚見該燈箱寫的牌子是 WEIPO... 便詢問肥老細為什麼不是 Arcadia, 邊問邊再檢查, 問了兩遍後, 肥老細支吾回應不是 Arcadia啊... $2500 的Arcadia 是單膽啊~~ A君便說再考慮考慮吧.... 然後走人~~

註 1 : 存放著鹵素燈的架子上, 只有 Arcadia一個牌子, 根本看不到後面尚有另一牌子..
註 2 : 肥老細根本沒有介紹過該 WEIPO 鹵素燈

嘩!!!!!你上面Auamac是否等如Arcadia ....如果係.....直頭老騙人啦!!!!
Arcadia 單膽約1500-1600.....双膽約2500

無商不奸 ~~~~

大奸....中奸.....小奸 ....微奸 ~~~
奸計又分高招低招

_________________

記住 : Idea 要無聊 ! Outcome 要有料 !
Its better to regret sth that u done than sth u havent !

嘩!!!
無理由唔去消委會投訴!!!

所以信用,或信譽是很重要的,自毀長城!冇法啦.

佢地成日扮高檔, 原來都係低檔野..........可悲可悲!!

掛羊頭賣狗肉!
要發起簽明運動, 替catcat兄評反呀!叫埋公安拉佢!

公安勁 d咩 ~? 黑超特警會唔會好d?
catcat兄???拉埋佢 ??hahaha

在魚街 .......不是問道於盲......就是問道於奸 ~

_________________

記住 : Idea 要無聊 ! Outcome 要有料 !
Its better to regret sth that u done than sth u havent !

有抱波司機能夠常在魚街常常為網友草友抱不平就好了!
賺爆利商人要罵, 賺爆利又呃人更加要罵!

水x世界(新發記) ADA沉木也可以用國貨當日本貨賣數百元，鹵素燈咁貴，呃到人買，利錢更高.

有...無...攪...錯...
同馬X無分別,去間野買個髮網都貴過人要$20個,
我今日見到有個人買左三個髮網要$60蚊,
$60蚊.....買20個來包鹿角苔包死你啦,
我好想同個人講我去花園街同D少女買三蚊一個嗟!
不過老婆話多一事不如小一事,
真係賺爆利...超級奸商
抱波司機為草友抱不平.....真好.

肥佬都唔知有冇睇電視,華佬話齊,
今時今日甘樣服務唔得嫁,
市道唔好都唔應該甘做生意呀!

忽忽地.....

以往老闆態度囂張, 以令小弟無必要都不會入去選買水草.
今時今日這樣的服務態度當然不要得,
再加上, 這是專業操守的問題.
身為知名舖頭老闆做出這樣的言行, 實為可悲!

雖然生意近年大受打極, 近月沙士的橫行令市道更差,
加上新舖皮費大大提高, 小弟估計每月高于 20萬.
生意手法應更加需要務實, 引入多類型實用產品,
吸引更多新客及長期顧客為要.

我個人認為賣野貴唔係太大問題, 因為你情我願!
但係佢當 A君係傻仔就實在令 A君對此店死心!! 如非必要, 佢都唔會再去買野!!
希望水x世界(新發記) 看見此文後能檢討一下!!

Who is A君?
CALL 消委會!!!