水草情迷

請問大家
如想開一間魚店
最好係邊開, 賣咩先迎合大家要求
但又要圍到皮, 唔蝕有錢賺呢？
因為單單為興趣開店, 呢個時勢根本無可能...

die hard!

統計一下大家養魚養草用得最多的是什麼?
再加埋幾種新型品牌的獨家代理, 先至可以生存!

同一問題,大家腦筋擊蕩一下:

以量販及超市自助形式,用走量, 滾得快, 低成本的方式去做, 大家點睇?貨真價實, "超薄利"多銷去做, 會唔會有得做?
只做乾貨又如何?

其實同紅x蔔不太相同!因為是以量販/再低的價格去做!

Anyway, 小弟都覺得此法行唔通!哈哈哈!

唔係 Die hard 呀, 呢排魚街都不知幾旺, 越黎越多人種草養魚魚, 越黎越多人消費o係魚缸上!!

如何開係魚街
真係無能力...
但其他地方又唔知邊度好...
唉...好煩

再講丫, 小本經營乾貨賺錢唔多, 入貨又大量, 入唔岩賣唔出就大檸樂...
地方細細又要多花款, 根本無得同魚街批發對抗, 陣間大商玩脾四降價, 小商舖就等死...

財力唔夠好難攪,
財雄勢大就不一定攪水族館啦!

樣樣成本貴又要鬥平, 香港攪生意真係好惡攪...

說回水族館, 係要做d唔知價新人生意先有得做...
另就係同商業機構set缸做埋保養lor...
好似我d孤寒魚友, 貨格三家, 唔係好做...

我覺得都係冇得做
我同新開o的水之世界老闆傾過
佢地o的貨好多都係貼住批發价做以作招來,佢話開張半月已估計最少要蝕三四萬.如果唔係佢地做埋玻璃廠同培植場,即係有o的錢,應該好快要執笠.
唔係魚街邊夠流量,o的野又可以賣貴o的,人都請多幾個啦
其他地方，唔夠魚街o的流量,賣得平,利潤又低,賣得貴,又冇人買,仲唔笠.
試問下各位網友,有幾多人去過大角咀間鋪又買野.
咪試呀!

絕對同意大家了解其實做魚利潤唔高
希望大家唔好再壓價啦
當然無可能啦, 大家都知我係孔雀魚賣家+玩家
就算出到魚街都同樣會問人羅折
不過我買野都幾有性格
就算佢間舖有幾多平魚靚魚都好
一旦態度惡劣必以後唔去, 不踏半步

我答你啦
如想開一間魚店
最好係邊道開, 網上開
賣咩先迎合大家要求
有特色的鲷魚
因為單單為興趣開店, 呢個時勢有可能!!

網上魚店好呀, 攪埋工廠區的樓上鋪.....或者有得諗

小弟吹吹水而已.......唔好咁認真呀

如果你可以用金典賣價(或貴少少), 平通魚街, 就有得做及可以起家.
起碼大家不用上上落落.

不是沒可能的, 二十多年以前有間茶餐廳, 沒生意, 後來出了一個平價學生餐(破釜沈舟), 點知就比佢做起左.

賺到第一筆錢, 再點做, 就看看你的本事啦.

環境點差, 生意永遠也有得做, 你看看現在的食市咁差, 你可唔可以話間間都賺不到錢 (不論大少店舖).

如 Super 兄 / Van 兄 / 太陽草老人 / GL 兄 一起攪一檔 e-shop + 一間上樓的小店 + 一個細貨倉 + 在街派傳單 + 齊心合力, 99% sure win.

網上賣鯛都好難做，來貨已經係一個大問題。香港冇乜繁殖場，外國買魚買得少又唔做你生意，入得多又唔知點散貨，好難做......

你看看 topic 有關交換鯛魚 BB,
多到不得了,
只要有魚種...............你怕無貨 ?

那就係local貨啦！品種亦都好大路。況且好多魚友亦互相認識的，既然來源相同，我想買魚亦會直接同魚友買，試問點會經多重比人賺？

catcat兄:任何人開店我不反對,但千其唔好將我同gl兄拉在一起,我同佢係兩虎不能同一店,因我怕佢善良,好快俾我食左,
但有錢我會開一間黎賠錢!
唔賺錢!唔知有冇人支持我呢!