水草情迷

小弟的隻錶頭連電磁閥的電磁閥壞了, 請問各位大佬有咩辦法攪攪佢?

拆出來換?? 幾錢, 邊度有得賣呀.........

Buy a new one la
U can go to 水草店 to buy la
is only $250

你識唔識用它錶,用它錶它嗄插蘇腳是否導通(起唔起錶)......
唔~~~都係唔講喇!用手寫板難以表達,抽筋都似,
直頭比我checkup(免費),睇睇有無得救啦.
如果唔貴就買過隻好個.

小弟個電磁閥係長著, 無電都有氣出咁壞喎

試下問阿van van有無貨啦....

有可能係個拍芯lock住左
試試用個簡單又原始方法
鬆個電閥出呢,甫絛毛巾檯面
拿住個閥用d力拍落去幾野,睇睇得唔得.

你講得咁認真,但呢個方法又好粗暴,你講真定講笑嫁?
如果真係掂,又真係好平喎!!!!

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

Benlee兄
請問你個電磁閥用左幾內呢？如果長著, 無電都有氣出咁壞法，好可能係個芯look住左，你試下拆個電磁閥出來，拆去电源頭制後中間應見到粒絲冒的，幔幔拆出來會見到條芯同一條旦弓，拿出來用火酒清理後放回完位修實粒絲冒試下得唔得啦！唔洗驚呀，個電磁閥有电部份同內面啲線卷係蜜封的，小心啲就得！

多謝alexipm2兄的指教, 小弟剛剛試過拆出來, 見到個絲冒, 但係就無再拆喇......因為睇落好似拆唔到咁....
咁我晏少少再拆一拆來睇睇, 再唔得睇怕個電磁閥就報銷了.......
係呢, 你係咪識得整電磁閥家, 呢度有無其他人識來教下小弟呢??

其實我都係識少少、只係幾個月前在漁街一鋪頭見有個客話新買的電磁閥壞咗，個店員拆開來整，我睇見後咪學識了，我都有拆過自己個電磁閥的。

經過alex兄指點, 頭先拆完又睇, 終於拆到條芯同彈弓出來, 但係發現條彈弓斷左.......都唔知點算好, 去鴨記配又唔知得唔得添

仲有, 小弟發覺一有電, 支芯就會被強勁的磁力吸低, 而且係緊緊的, 很難反彈......照咁計.......條彈弓的反彈要好勁好勁喎, 條數都好難計得準喎

老通兄我講真的,莫講話電磁閥,甚致係冷氣機車頭compressor lock車
我地會用埋大搥朴潻,真係唔得先至拆開睇壞乜,這方法是可行的,以我經驗都做過好幾次,也有成功例子,但要切底最好就拆開來整(有電機常識).
benlee兄我唔係開玩笑的,我只是想介紹個既簡單又實用個方法你試咋,
這方法又係幾難說服的,希望benlee兄唔好唔會啦.

其實電磁閥個構做好簡單,壞左都不離幾個問題:
俾電後無反應/可能供電線,接觸不良/嚴重就燒線圈,可以報消.
俾電後線圈組微暖at發出d..d聲/磁芯生銹/有雜物卡住/彈弓走位at老化......等等
較早前我無在這裡詳述怎樣維修,只是怕你支解上可能會碰到其它問題,
如軸芯(坑介子)就需要到'介子鉗'來解決......等等\有電機常識者就自然理解到的.
困難就在於benlee兄你對電機理解有限,小弟就不敢下加指導,始終關係到電同氣壓上,
安全為上,顧我都不建議自己動手,講你聽點做小弟都要負責的,見諒見諒.
上文指引如有錯溜漏,請各師兄更正thank.

Benlee兄
也你終於拆到條芯同彈弓出來啦，條彈弓斷左你試下問代理商有冇得配啦！其實條彈弓 唔洗好勁嫁，只須夠力在冇电時彈起卡住個出氣洞就可以了，如果條彈弓唔係大條果隻，試下拆一啲冇用原子筆芯絛彈弓拉開到同你原本條唫大試下得唔得。