水草情迷

以前係冇玩過養魚種水草呀之類.舊年十一月中係屯門西鐵做裝修工程.少少地都有萬五蚊一個月.一直做到今年四月尾.由於二個月冇出糧既關係.我地同班伙記成二十幾人罷工.so呢幾日有好得閒.但心情唔係幾好.我知太子有條係賣d水草同魚.so我諗去睇下啦.希望心情可以好d(平時都好少出街).
去到太子.真係幾好玩喎,d水草又幾綠.d魚夕幾可愛.心諗買幾條水草同打交魚返去放係我以前個長玻璃樽養個先都好wo.都係十蚊加二十蚊水草者.食餐飯都冇左啦.買左返屋企.都冇事.(隻腳踩落無底深淵的開始.就係$30.)第二日.又走去太子睇下.見到人地個魚缸又有水草又有魚.布景真係好靚.個心又諗啦.養下水草都好喎(本人對養水草同魚真係一d都唔識.只係知打交魚係會好長命家).就走去睇魚缸.結果買左個二十吋魚缸.配埋24w燈.過濾器(內置).are pump 100w(方便係換水時d魚唔會死).暖管(開泠氣時可以開).power house aqua blo-ceramic.(仲未知要加co2)諗住好易養.真係三唔識七就去玩.因為養水草大有文章.死火啦.真係有底深淵.真係唔係好識養.我依家先知又要加co2(金錢大出血).又要加除菌.加肥呀.河床.魚糧.水草.大佬.小小二十吋魚缸.外面d草真係好鬼貴.都唔知種乜好.仲有出外買左d水草返來.想只係種一兩條.果幾條又唔知放邊度好.結果又係放係魚缸度.唉.仲有呀.死人打交魚.真係想煮左佢來食鬼左佢.佢成日整死我d紅閃燈.唔識呀.早知要玩養水草.早d上網來呢個網睇睇.
正一死蠢.冇計劃玩咩呀.

燒銀紙開始^^
我會在這個週末剪草,能給您一些草~~
I PM you later la

哈哈!又有人加入振興經濟啦!
都好!用幾舊水試下自己及定人的性格是否有耐性/恆心?是否適合種草養魚?唔係好似有些人一開始就過萬元(好似趺左唔痛o甘),一月個貨仔就話自已無時間打理比哂人地(我o店解識唔倒這種friends),推得一乾二淨!

祝您:上多d網,識多d野, 洗多d錢!

welcome,歡迎加入 lee 個識洗錢大家庭.
上網睇下有冇二手野,再diy co2 等,養魚種草可以好平.

希望你d草越養越靚,中毒越嚟越深,遲d中埋鯛毒,一流呀!

好在你係大出血前識得上黎呢度, 真係好好彩, 一定可以慳返唔少錢!!

咪係.請大家多多支援小弟.

其實養草養魚都唔係好貴0者...小分呢兩日0岩0岩開左個缸養鯛...加加埋埋都係一百蚊多0的...睇住的魚真係樂趣無窮...歡迎加入一齊玩啦...

下......唔係lo....我由最初既三十蚊..到依家既三四千蚊lo......
唉.真係無底深淵

Raxel: 努力. 我上年12月無所事事, 去金魚街, 結果同你一樣, (宜)家
仲開始養埋雕, 開o左2個缸, 5.1 仲買o左CO2, 真係大出血.
不過, 當返屋企打理o的魚, 真係好開心, 工作上的唔開心o野唔記得晒!
唔式可以請教各位高手, 學到好多o野.

唔好咁講 , 大家砌磋砌磋o者 , 不過真係多得super兄至真...有o個咁好既網站比我地大家用...