水草情迷

各位魚友好 :

本人個缸因為受到絲藻及黑毛藻的侵襲,所以便在過濾器內放了除磷劑,是jbl 20000 ,我放了一包 , 但其實我個24吋缸都應該係得90幾到100公升左右o既水,可能份量方便係放都o左,但過了幾日後,發覺情況不變,所以又出魚街買了一支 TK (TAIKONG) 的殺藻水回來 , 跟說明用了一日便發覺水草好像停止生長的,六角苔的泡少了很多, 但說明到講要用三日 , 咁我雖然有懷疑,但第二日都係照用,然後到聽晚返屋企一睇,所有水草好似罷晒工咁 , 連六角苔一粒泡仔都無 ! 真係慘不忍睹,各位到底我錯在那裏呢 ? 係除磷劑過多,定係錯用殺藻水呢 ? 而第三次藥就當然無用啦 ! 跟住仲換了兩次水 , 可惜到而家都係咁,已經係第四日了,自己又無晒符,唯有上網求助 , 請各位盡量幫忙 , 感激! 感激!
P.S. 光線一定夠 , 因為我用兩支PL55W 一支36W , 以前都係多泡到飛起的 !

其實唔開燈住會唔會好d?

我個人見解...如果用蝦等生物去清掃絲藻等藻類會不會較好呢??
可能我的缸細的原固, 不消兩日D絲藻就被D蝦食得一乾二淨!!
因為藥物始終都對生物不好, 您還是快速換水吧!! 否則D藥物可能會草死魚亡...(我試過...), 最好就停止落肥, reduce燈照, 試下唔開燈兩三日會點啦!
我只是十五歲, 經驗不多, 但希望幫到您 阿門.
(得閒去魚街睇下我個缸!! 好嘔心ga!! haha!!)

以我的經驗, 黑毛藻通常會係減少落肥後漸漸去世...
請問你有無種紅柳?

TO ken

我有種紅柳的 .

要消滅藻類, 心急只會弄巧成拙, 加什麼都其實都沒有用, 適當地每天換水, 減少餵食, 停上加肥, 減少光照或者索性不開燈幾天, 藻類會比植物快死, 要知道藻類跟本就存在, 只是環境一合適, 才會大量生長, 令水草受壓, 你現在加這加那, 植物都會受到傷害呀.
從水質方面著手吧, 每天換些水, 比加什麼都更有用呀.

_________________
多多交流, 多多研究, 多多搜尋
我的水族相簿

其實最好不要落除藻劑，因為好傷缸！
還是找出致病原因吧！(餵飼過量、用錯光管、換水不勤、沙床阻塞........)
黑毛藻還是用手清除最好，基本上你落了PO4 reductor已經可以阻止佢地生長的了！

24吋缸普遍只有60升水.會不會錯計容量而多加了藥.我也是估估下,錯了請勿見怪.

TO: 新草缸魚仔
SUPERCTW講得無錯, 水草是植物, 藻類同樣都是植物.
消滅藻類的同時, 水草都會受傷害!
藻類之所以橫行, 是因為水中的養份太多, 而水草又來不及吸收, 藻類乘虛而入. 所以消滅藻類類就可以令水中的養份了減少, 使藻類死亡.
努力啦!

TO:SuperCTW
為何紅柳特別容易有黑毛藻??

(我有一個很細的缸, 裡面只有鹿角苔. 我將缸放在窗台下, 任它接受陽光照射, 一星期換一次水for already一個月. 一個月裡面鹿角苔天天都有很多泡, 但是沒有藻, 不過之前是有的. 我想是因為鹿角苔吸收了養份, 令藻類不能乘虛而入)

主要是令到水草吸收養份快過藻類就可以使到藻類因缺乏養份而無法生長！
慢慢來吧！要勤換水，不要心急！

多謝各位明燈指引 , 還有 我剛剛已換過水了 , 平常是一星期多換一次,現在已經三天換一次 , 那要不要一天換一次呢 ? 我每次換大約 2/5 的水

咁又好似多左D...