水草情迷

想養好D蝦緊係要有少少犧牲架喇，無可能又靚草又大魚既，除左換泥或加泥增酸就無咩其他天然同持久既方法，果實樹無用過，鈣水落幾滴就得，就算唔落都無咩大影響。

_________________
http://crsfunland.blogspot.com

唔該大力兄〜

早兩日見情況穩定，買多兩隻蝦乸返嚟，一路好地地，缸內有見蝦殻，但今朝起身又死一隻蝦公，仲要肥... 唉... 真係搞唔明...

可能偏熱，含氧量低，加氣頭或加大氣會有幫助。

_________________
http://crsfunland.blogspot.com

大力兄，你哋上次講完溫度，我呢排都睇實個溫度計26-27，幾乎都無上過28；另外我一星期前加咗個水妖，我諗溶氧方面都ok卦〜 NO3, GH 同 TDS 都安全，唯一懷疑係PH仍然偏高，7左右...

ph7或以上令到降唔到NO3可能係最大關係，但係26-27度係偏高水平，溫度每高一度，水裡面既含氧量就會跌好多，師傅教落打氣只有少唔會夠，如果你只係加個水妖而沒有用盡個氣泵，或同樣都係用盡左個氣泵既話，咁樣一樣都係無改善，加上脫殼後既蝦係需要更加多既氧氣去補充，所以你可以睇下情況，需唔需要換個大D既氣泵，可能會對蝦和好氧菌培養有幫助。

_________________
http://crsfunland.blogspot.com

明白！原來會咁樣！多謝大力兄指教！

各位，我又來報告下我個缸嘅情況，唔嫌我無知同煩嘅請繼續指教下！

好啦，我個14吋蝦缸，現幸存尚有五隻水晶蝦，入門級的，色水都唔多靚，但好開心佢哋捱得住……有一隻更加係抱卵中！不過，好心腸嘅師兄唔使鼓勵我住，因為呢隻就係我早兩個POST話「買多兩隻乸返嚟」嘅其中一隻，懷疑佢喺我買佢嗰時已經有咗……（因為個店員好好人，見我乜叉都唔識，話幫我揀兩隻「好嘢」）亦即係話，可能我另外三隻公始終有心無力……anyway, 希望隻乸真係生得出而我又養得大佢哋。

我知有啲師兄比較有興趣知我啲水草方面點。嗯，答案係半生不死……啲迷矮死又死唔去，生又唔見佢生得多，幾乎無爬過，仲黃黃哋……我開始懷疑係我支燈唔夠力。因為盞燈上年買缸時買，嗰時諗住求其養下水榕呀三角莫絲呀嗰啲簡單嘢，加上又唔識嘢，結果求其買咗盞返嚟用，一直用到而家……家下見迷矮養極無生氣，又上網爬文，開始懷疑係盞燈問題，跑出廳睇返盞燈，OMG，原來得 3W x 3粒 LED……然後又想買燈啦（你話新手錢幾易賺……可惜我無乜幾多可以俾人賺 ~.~ ）上網睇過，好似話 T5HO 管好，走出魚街問過舖頭，有舖頭話 T5HO 無 14吋缸用嘅尺寸……有間就話有，但好似得只可以用佢賣嗰隻牌子嘅燈罩同管，一來個罩醜樣，二來唔想俾佢限死咗我以後都要去佢度買管換（可能我唔識，見佢唔係飛記個啲大路牌子管，就唔敢搏。）而最大問題係……我真係無錢……最後都放棄，唔想太敗家，始終日常生活開支先係最重要……亦因為咁，之前師兄們教路，翻缸換泥、加水冷等，乜我都無換到……等出糧，計劃至少十一月先會大搞……而家已經睇緊遲下換咩泥咩石咩木咩配件（望梅止渴）。

另外，因為見個 EDEN 501 真係吸力太差，早兩日 Pat pat 痕問人借咗個 Hydor P10 返嚟換咗佢。吸力勁好多，但問題係條綠色喉好醜樣，又粗又硬，阻頂又難裝（太硬點屈都唔啱位），仲要屋企無出水配件啱佢用……（我喺呢個版另一個POST度都有問大家意見）

如果各位有咩建議，例如我嚟緊換咩燈好，用邊隻泥好，我個 P10 出水口用咩配件好，又或者其實有啲喉又靚仔又軟身，請大家教下路啦。多謝大家先！

你真係想玩水晶蝦，現在經驗唔夠，14“缸對你來說其實係難，因為水體太細，環境容易震蕩。認真考慮用18” 或24“缸。當然你玩玩下又無所謂。

另外，我覺得有2點較嚴重：

1. 大和藻蝦有機會襲擊水晶蝦。
2. 嘅缸得兩個月，pH 點解會6-7 震蕩咁大？ 泥有問題？水流有問題？環有問題？

師兄你要清楚自己想養草定養蝦，養草就好難兼顧水晶蝦，另外貼於你養草問題，迷矮是放在泥面的，它是陽草、莫絲是陰草，這樣的安排陰陽不能並存，當莫絲常綠時，迷矮就枯黃，當迷矮常綠時莫絲就過光枯謝！如果你兼容它們共存你的水要加月，你的水晶蝦可能死光了，作為置設缸時要清楚自己想要甚麼，太雜時候你只可不停添置生物，最後荷包最傷，你可能離場。
另外水體是爆蝦的要素，我當初用8寸缸養蝦，不斷失敗不斷嘗試！現在有四個缸子！

_________________
ADA 60•36•30cm 缸
sky aqaua LED
ADA 粗泥9L+幼泥
2217 Totto 生物環+前置511PH s size濾水系統
亞提卡mini水冷
燈照每日6小時co2同步毎秒丨泡
美國鳳尾苔,細葉鐵皇冠,辣椒榕

成個月無上嚟，原來咁多人睇過我個post，真俾面，但咁少人留言比較可惜，我唔係剩係指我呢個post，我係見成個討論區都好少人出post同reply…… anyway, 因為太窮，所以成個月逼自己唔好上嚟，唔好去魚街，唔好買水族嘢……而家月尾，就嚟出糧，計劃緊翻缸了 ，因為個缸真係keep唔到酸，好麻煩。回應返兩位師兄嘅指教留言先：

Maximusw 兄，我知水體size好大影響，我都想玩大啲嘅缸，但屋企真係無位放，暫時都只能玩14吋缸仔，好無奈……另外，其實我一早就放棄晒啲大和藻蝦啦，太惡，雖然佢地同缸時我未見過佢攻擊水晶蝦，但搶食情況好嚴重，所以我養咗幾個禮拜就放咗俾人了。另外，我幾乎幾肯定係包ADA泥唔合格（雖然係喺間大家都成日去嘅大舖度買……我唔好彩卦……），因為落缸一個月唔夠已經連6.X都Keep唔到，如果無開著co2，個缸隨時上到ph8（我check過我啲自來水ph8.x）。所以我呢個令月要好麻煩咁用弱酸軟水樹脂或蒸餾水嚟換缸水，盡量令佢唔好爆燈，而家keep住ph7-7.5左右。

bons 兄，我知道要喺蝦缸養草係好有難度，其實我都已經半放棄狀態，諗住啲迷矮或莫絲是但一樣唔掂或者兩者瓜晒把就，不過可能啲草已經適應咗，迷矮慢慢爬開，少量範圍微黃，其餘都幾綠，而啲莫絲都KEEP到幾綠下，而且連我後加嘅浮萍都由枯變生，最厲害係我死剩唯一的母蝦生了幾隻蝦B，至今已過咗成個星期有多，看似健康，但唔知佢哋頂唔頂得到我出糧再買齊嘢返嚟翻缸，仲要承受得住轉缸嘅變動（當然會盡量對水減少震盪。）

講開又講，我近來又發現一間呃新手（或者齋呃我啦）嘅舖頭，不過唔喺度講，有興趣去「心情抒發區」睇，尤其係新手們，大家多啲互通消息，唔好俾啲粉皮呃錢呃得咁開心。

（加返條Link先！http://www.aqugrass.com/phpBB3/viewtopic.php?f=8&t=194684）

師兄, 我都算新手.... 我諗我可以同你分享下.....

我花過唔少錢去做實驗 --- 我養得好粗的, 例如: 成日攪到 ph (ph8.x-6都試過), TDS 震盪 (120-230都試過), 一日溫度高低相差3-4度, 直接落水喉水(無去氯)等 . 因為我想培養出一d可以適應惡劣水質的高質蝦, 還在試驗中), 得到少少心得. 當然呢d 心得一定比好多蝦友人勁插的. 但各施各法...

先睇下我個缸同D蝦先 (好多草, 陰草陽草都有, 龍王石...etc)...
D蝦唔係話好靚, 但都ok ge~~

我的結論: 水溫先行, 之後溶氧量, TDS, ph...

師兄，多謝指教，不過你養到咁仲話自己新手？！你講嘅條件我都差唔多做／犯齊 XD 但水喉水直落我實在無可能，因為我14吋缸水體太細，直落少少水喉水已經好大影響。你個缸都至少18／24吋吧？你每次直落多水喉水？同埋你龍皇石無拉高GH咩？

我的蝦齡只有一年來左右, 緊係新手啦!!

我個缸24吋, 直落水喉水大約 1/5 至 1/4. 我無定期換的, 視乎缸內及蝦仔的情況而定.
龍皇石無其他作用, 因我以前係養草造景的, 我懶無拎起舊石ja~~
如想拉高GH, 建議不如落太古海泥啦~

我若干實驗後的心得:
硝化細菌/系統, 呢d係基本, 必需要建立的, 我唔詳細講.

- 溫度: suggest 你要攪掂個溫度先, 要固定佢. 因為我試過一日內改變d 溫度, ph, TDS等 (分開每日改變一樣), 溫度反覆最易死蝦(隔日死). 缸細無水冷最易令缸內溫度反反覆覆(我最初都無水冷), 一日相差幾度, 必需要先解決!!! 建議先加水冷, 把水溫穩定 Keep 住24-25度以內 (我23至28度都試過, 覺得24.X最適中).

- ph: 我從來未試過把ph降到 6 以下, 但試過 6.x-8.x!! 其實, 我覺得7以上又未至到即刻死蝦既, 但好明顯7以下d蝦係生猛活躍好多的, 偏酸既水d蝦顏色係好d的. 我一般都係6.2-6.6左右. 其實我建議用d比較天然d既方法增酸, 但我懶, 我約一兩日落少少ph Minus 增酸劑 (幾十蚊一支)降 ph, 每次續少降, 唔可以一下子降咁多.

- TDS: 一般水喉水係60幾70. 我最初養時, 什麼都唔落, 個缸約120左右. d 蝦既顏色唔夠紅, 本身厚白既靚蝦都愈養愈淡, 會脫白. 拉高 TDS 到 180以上, 蝦的顏色即時鮮紅左, 好明顯的. cheap cheap 顏色淡既試水蝦都即時見效, d 白色都keep到的, 脫白情況有改善. 可用 Hagen (Africa Cichlid Conditioner)續步拉高TDS, 平靚正快. 180係基本的, 我大概 keep住 195-210呢個 range. 有時我用 Aqua House 既 Ca+ 濃縮鈣水的.

一般黎講, 當你試到合適既水, 就唔好成日攪佢, 換水等. 只係我專登成日攪, 攪到ph, TDS成日震盪來做實驗. 最好攪到d水生晒貝水蚤(黑免一粒粒的), 靚水先會有咁情況 (水中多微生物, 多養份).

生物方面: 我之前一直係混養(同燈魚, 小精靈, 小胡子, 熊貓鰍, 極火蝦, 雜蝦). 如果你唔係要培養靚蝦, 混養其他蝦我覺得係無問題的, 不過大和蝦除外. 但同魚混養真係唔掂, 熊貓鰍都唔好(好多人話無問題)! 因為我之前搬走其他蝦同魚, 除左d熊貓鰍. d 蝦都係咁抱卵的, 但就唔見有蝦B, 諗左好耐都不明原因. 直到有次我親眼見到條熊貓鰍啜(食)左兩隻蝦B, 我先知原因!! 唔怪得熊貓鰍大得咁快!! 宜家我搬埋d熊貓鰍, 我爆到蝦了!!

至於蝦的質素, 始終都係要靚蝦同靚蝦打種先有機出到靚子代. 要把試水蝦養到變SSS級高質蝦, 始終係好困難. 我養的有自家繁殖的博多, 中年海老, 漁夫蝦.

純粹個人實戰經驗分享, 其他蝦友, 高手唔認同唔好插我. 我仲係學習中

我就係想問乜你舊龍皇石無拉高 GH 咩？我之前懷疑係笙石作怪，GH 去到 6-7，最終唯有拎起晒 。我都另外有落太古海泥。



完全同意。



我都用天然方法架，有落欖葉同埋用軟水樹脂造養水。我唔敢用 pH Minus 呀，怕啲蝦適應唔到啲化學嘢。咁師兄你用 pH Minus 有無試過出事／死蝦？用開邊隻牌子？另外，我屋企水喉水 pH 去到 8.8 - 9，大家屋企自來水係咪都係咁高架？



TDS 呢家嘢，我幾個月以嚟都係keep住200 - 230，間中落下微量元素或鈣水，而家無死到嘅蝦都幾健康下，色水都唔錯，耐唔耐都脫到殼。



我試過大和蝦同水晶混養都怕了，我諗我以後都唔會俾螺以外嘅生物入住水晶蝦缸。而且我而家總算有隻母蝦生咗蝦B啦，雖然得幾隻，都好過無！



我始終係新手，而家嘅都係早幾個月買落嘅啲純血（老闆聲稱，我唔識點分）四圈同新加咗少少日系（都係賣家聲稱）日之丸（係咪會溝到變返cheap嘢架？）我都好想玩靚嘢，但唔敢試了……如果師兄遲啲有蝦轉贈或出售，話聲我知呀～