又再多謝各位回覆！
我呢兩日再根據各位意見，作出以下調校~
- CO2我校到變3秒一泡；
- 拎走晒啲石！（死都要剩返一嚿小山谷石仔，因為舖了青苔，靚，同埋想留返少少苔俾蝦，唔想一下子清晒啲嘢，驚一下子太少菌影響系統）；
- 經過一晚時間，GH 變返 5，唔知係拎走石之後加水兼換水嘅幫助，定真係啲石嘅影響，無從得知；
- PH 依然係 7，甚至似7.5（用試劑對色表，睇到盲都分唔到屬邊個數值），可能因為CO2少咗，令PH 更高，真係人都癲，我懷疑我包 ADA 泥有問題，就算我換水密極，都不致於2個月就唔酸卦，何況我知養蝦唔可以換太多水，次次都只係換少少，日日都係補水居多；
- 換水一晚後，紅鼻無事，又有大和蝦脫殼（我開始懷疑佢地喺陸地生活都唔會有事……），水晶蝦整體都無事，但依然唔脫，有隻一路以嚟唔多識大嘅水晶仲更見虛弱，我已經為佢準備定身後事……
- 水溫個度，我真係暫時拎唔出錢買水冷了，不過我都多謝師兄教路，遲下有返多少少錢就可以搞搞佢！
- 另外，關於 ADA 泥，我又有嘢分享下兼問下大家。話說開缸時，即兩個月前，在某魚舖內買ADA散裝泥，猶疑買幾多之際，老闆叫我買多兩包，話用唔晒都可以留返遲啲用，咁我就買咗幾包 ADA 散裝泥，最後有一包無用到亦無開過。結果早兩日拎出嚟睇，全包上下左右嘅泥面舖滿白色霉
，搞到我唔知仲用唔用得！上網搵過，無乜人有提過，有提過都無人答到，出魚街問啲魚舖，個個都唔知我講乜！有啲好啲態度嘅魚舖師兄，就話未遇過咁嘅情況，唔識教我；有啲仆啲嘅，當我好似吹水咁，講多兩句就唔答我……（其實我唔識先問你啫，你估我好Q得閒作個故仔話包泥有霉睇下你點反應咩？同埋我上網睇過有無人提出過相關問題同解決方法，無我先請教你啫……）講開又講，我真係好很憎啲魚舖職員／老闆當啲新手係白黐，新手有嘢唔識先會問啫，我明白可能有啲人真係連上網學下嘢都懶，所以乜都問一餐，咁當然可能煩住晒，但我絕對唔係嗰種每事問、自己事前乜都唔搵資料嘅人，何況我次次問都係一兩條問題，而且絕對禮貌行先，又老馮唔係繁忙時間（我堅係嗰種見人有生意忙緊就唔好意思問人嘢嘅人，甚至有時幫襯完佢先順便問幾句嘢！），咁你都唔想答，都算，嗰副嘴臉可以唔可以唔好無水洗面咁款？我唔問嘢，你咪又係棟喺間舖度玩手指！一係你喺舖頭寫明「一概唔答」囉！火滾！
所以我有時懷願比多十令廿蝦，幫襯啲態度好嘅魚舖蝦舖，起碼佢答我問題，答唔到／唔得閒理我，都唔會西面，我情願佢賺到錢長做長有。
- Sorry，言歸正傳，請問有無師兄知道我包仲喺膠袋入面嘅泥舖滿白霉，仲可唔可以用？我驚照用會引發水霉，但又唔知兩種霉關唔關事。如果知道嘅師兄，請指教下！謝謝！
登入
註冊
問答集
）後來加 NO3 吸包兩日，NO3 跌返 0，觀察多兩日後，不幸哋又再有一水晶蝦陣亡 
，其它水晶蝦依然神態呆滯唔願郁乜滯。相反啲大和藻蝦當然就強悍得多，日日無事勁活躍仲朝朝見佢哋擺低一兩個新殼過我……而家距離開缸經已係兩個多月，水晶蝦落缸則差不多一個月了，看來是我的水質有哪裡出錯，但不知從何著手……
