水草情迷

各位Ching

先報上小弟魚缸 setting ( 問題在下面) .. 唔好意思, 新手多問題，表達力差, 請各位耐心...

14" 缸 (14" X 8" X8.5")
ADA 黑泥, 泥約三吋厚, 冇基肥
T5 光管 X 2 ( Total 16W)
501 filter ( 普通生物環同濾棉)
CO2 , (4秒1泡) 同燈同步, 16:00-00:00
Temp: 22C
新缸2星期, 每2日換水1/5 (水隔24 小時先用）
開缸三個星期, 有草, 2x 大和蝦, 1 x 角螺, 1 x 鮑魚螺 (附圖)

PH: 6.4-6.6
GH: 1
KH: 1
NH3: 0
NO2: 0
NO3: 80

以下係這兩星期的測試
Date PH ,KH ,GH ,NH3 ,NO2 ,NO3
04-Apr <5 ,1 ,1 ,0 ,0 ,0
06-Apr <5 ,1 ,1 ,0 ,0 ,0
07-Apr 6.4 ,1 ,1 ,0 ,0 ,0
08-Apr 6.4 ,1 ,1 ,0 ,0 ,0
10-Apr 6.6 ,1 ,1 ,0 ,0 ,40
11-Apr 6.4 ,1 ,1 ,0 ,0 ,80

Tap Water Ref: 7.2 ,1 ,2 ,0 ,0 ,0



植物 ( 有光合作用, 出泡, 生長都叫ok), 蝦都幾健康, 角螺長期"捐" 係泥底唔郁, 鮑魚螺吸實舊石唔郁, 開始有菁苔係缸面

小弟發現缸中的所有指數都唔太差, 只係NO3量達到80ppm, 爬咗好多文都係用以下方式來降低NO3量,

1. 定期更換魚缸水﹐把NO3經由換水而減低濃度。( 已經常換水, 怕水質有太大改變, 每2日換水1/5)
2. 減小魚缸內魚隻的數量。(只有2x 大和蝦, 1 x 角螺, 1 x 鮑魚螺 )
3. 減小餵食的次數或份量。(無餵過, 所以蝦會咬草)
4. 每天清洗濾棉來減小廢物的積聚。 ( <-- 咁做唔會減少硝化細菌嘛?)
5. 使用大量生物石。
6. 使用強而有效的化氮器。
8. 使用水草及合適的光照﹐利用植物來吸收水中的氮肥。 (已有..)
9. 利用水族生產商出品的NO3去除器。

小弟問題如, 望位ching 解答
1) N- cycle 係唔已部份完成 ( NH3-> NO2-> NO3) , 但( NO3 -(厭氧細菌)-> N2) 仲未完成?
2) 厭氧細菌聽說是在泥底產生 (因無光少氧), 是否正確? 是的話要多夠才完成? (我個缸生物唔多, 理應會快些完成..?)
3) 除以上的方法, 有冇啲比較自然的方法? 小弟想達至生態平衡, 而盡量減少潻加劑..由於缸細, 唔可以裝太多hardware ( NO3去除器, 化氮器..), 如果真係要落菌一有咩牌子好介紹?
4) 角螺長期"捐" 係泥底唔郁 係咩原因? 係唔係ph太低, 角螺好似係喜歡中性水? or 水温太低?
5) 鮑魚螺吸實舊石唔郁 係咩原因? 係唔係ph太低, 角螺好似係喜歡中性水? or 水温太低?
6) 開缸初期, 由於水太酸, 所以放咗一些珊瑚石, 由ph5 -> 6.4, 但再冇上升,KH 都無上升過，咩原因?
7) 以各ching 經驗，小弟有冇咩要改善或注意?

先感謝各位 . Thanks!

有冇ching 可以教下我..
Thanks Thanks!....

魚同蝦呢幾日都ok .. 係唔係即係唔要太理會No3?

新開缸 NO3讀數偏高正常, 真係換水先可以解決, 你咁細個缸, 過濾亦唔太強, 濾材無位, 唔好諗點由No3轉N2既最後厭氧循環啦, 要成形, 器材有排你加效果亦未必好。要明白NO3點解會係開缸之後上升, 是因為硝化系統開始成形,硝化菌開始將泥入面同生物既NH4分解, 泥入面因為潻加左氮肥, 所以會不斷有NH4滲出, 所以硝化菌會不斷制造NO3。你要短時間內控制NO3既濃度, 最有效方法就係換水。
答番你既問題:
1. 成個N cycle 的確同你咁講, 但無話一定要完成埋最後一步, 換水, 以快生植物吸收NO3都係一個方法減少NO3
2. 足夠厚度既泥層係有機會形成厭氧區, 但我地用既水草泥都係燒結土, 梳水性強, 好難形成厭氧區, 反而用長流程既過濾組合可以做, 但效率亦唔高。
3.自然方法就係換水及以大量植物吸收NO3, 及少養少餵。
4. 角螺可能是在適應環境, 同埋因為新缸, 藻未有太多, 反而泥入面會有D微生物可以食。角螺本身在氣水區生長, 水太軟及太酸, 一年半載就會穿殼死。
5. 螺唔活潑代表水質欠理想, 可能由於NO3太高。
6. 水太酸唔建議落珊瑚骨, 你水體太細, 水質震盪會好大, 而且水草泥成分有陽離子交換能力, 所以會一路都會keep到水軟。最有效仍然係換水。
7. 你先天做錯左D野, 好難救, 因為泥太厚, 依家你D泥同水體比較差唔多一比三, 咁想水質無咁酸同降NO3 都係一個字, 等! 你既管理方法可以繼續, 問題不大。燈盡量改番唔好遲過十點開, 正常既生理時間對植物吸收有幫助。

上面提減少NO3既方法, 1,2,3,8 都可以用係你個缸其他就唔合你用啦。

你開始生藻即係水中養分過多, 水質開始轉差, 更要留意。

_________________
"一起推動水族設景潮流, 集思廣益, 雅俗共賞。"
Life is to enjoy.....

多謝GWU Ching,
小弟當初開缸時睇過文章話厭氧細菌同泥底有關, 所以點解有成差唔多三寸厚, 而忽略咗其他考慮　（.e.g 泥的疏水同氧量).
ching 所提的"反而用長流程既過濾組合" 應該係指張三個或以上的濾桶串聯, 令氧氣係第一, 二 個濾桶用盡而第三個變成微氧或缺氧的狀態來做厭氧菌, 但由於家中地方少, 金錢有限, 亦同ching 的想法一樣, 未知成效率有幾高, 所以只可以勤換水啦..

" 6. 水太酸唔建議落珊瑚骨, 你水體太細, 水質震盪會好大, 而且水草泥成分有陽離子交換能力, 所以會一路都會keep到水軟。最有效仍然係換水。"

而家ＰH 上返6.8, 角螺而家生猛返, 如ching 所說 小弟怕水太軟, 所以放左少少的珊瑚石 (已取走, 而且KH 同GH 都無高過!!), 希望會無事, 會多加留意

小弟睇咗好多文, 但都無提到ching 所講的 (可能係我無留意XD!). 再次多謝ching

網上言論,大部分都係好片面, 並唔係成套方案,而好多人祗求即食, 選擇性咁跟D 唔跟D, 就出現咁多似是而非既論述。泥底厭氧區如果用我地既燒結土, 無一年半載都未必成形。但依家好多唔夠半年已經反缸。又例如化氮器, 完全唔係淡水上應用,因為淡水唔似咸水咁鹼,跟本打唔起泡。又例如長流程, 有人用到50m 條喉去制做個少氧環境, 亦有人串兩三個筒,加埋前置白棉以礙慢水流,亦有人將濾筒水閘關細去減慢水流, 目的都係去消弭氧量想形成厭氧區, 但攪咁多野比你做到最後既N cycle唔代表係你系統厭氧菌分解NO3既速度,追到硝化菌生產既NO3既速度。一日未追到, 你個缸如果無其他植物吸收,無正常換水, NO3仍然會不斷增加。到你加到夠器材, 你可能會發覺到器材所用既位置, 比魚缸本身多好多。

一個生態最後是否平衡, 就係睇一水體是否可以一路維持到係一個穩定既狀態。要NO3保持到在一個可接受既範圍, 植物, 器材同換水係三個最有效既途徑。好多潻加物都係比較短時間見到效果, 但就唔可以長期維持。

_________________
"一起推動水族設景潮流, 集思廣益, 雅俗共賞。"
Life is to enjoy.....

Thx GWU Ching ..
我都覺網上好多的回覆或者回覆新手問題的都係一句起, 兩句止, 變成知啲唔知啲可能仲死. 通常都係叫你買XX, 加XX 攪掂 , 但好少講好處, 唔好處, 同注意的地方. ( 希望其他ching 明白並無冒犯心)

所以真係多謝GWU Ching 打咁大段字去答小弟問題, 在此再謝..

我都睇過ching所講的用成50m 長管 ( 某台灣網站)來製做無氧區..真係唔可知張條喉收係邊.. 家居水族要用到如此的配備真係有點複雜.. 其實每日花10分鐘換水觀察來解決裝備配置煩惱, 十分值得 !!

而家因水同泥的比例改到, 所以都係勤換水好了.. 另外想問, 啲水都係GH/ KH都係 1, 要唔要做啲咩去上升返佢?要的話可以有咩有自然的方法, (缸中一齊生物安好, 植物除迷矮慢啲外, 其他都快速生長), 只怕缸中的水太軟令蝦, 螺出事..

Ching 如果有啲好的文/ 網站 (e.g 水質, 缸入面生物, 植物, 菌), 可否share? 讓新手多多學習

Thanks

P.S. 聽ching 講張燈調至 10:00開 - 但21:00 關, (小弟晚返企, 唔係次次都熄晒燈 )...發覺有啲植物係去到21:00 會張啲葉合上, 即使仲係開住燈, 我諗係ching 所講的生理時間有關!

50m果個係用氣喉, 大細好似一個大濾筒佔既位置左右, 不過幾時會塞呢, 濾筒條喉一年半載水流咁快都起晒積, 50m 喉中咁長點清理呢! ha!ha!
用泥初期硬度係會偏低, 除非你以養蝦為主, 唔係唔使太在意, 好多種草既刻意要軟水都係想種太陽及南美草哩類對軟水要求高既草, 放幾舊細細地既石就可以增加硬度, 但就唔好放珊瑚骨, 因為溶得太快,亦可以用化妝沙做裝飾亦可以增加硬度。蝦螺對水既硬度要求都係唔太高, 一般專玩蝦既會keep太約4度,但其實唔一定, 佢地會係食物度吸收,除非你超養到一個十幾吋缸養幾百隻蝦， 反而太酸會令佢地個殼薄。太硬就會令換殼困難。
可能你都睇過, 不過台灣既網站, 學術性的確比較高, 好似翠湖http://www.tbs-aqua.com/ 同 http://www.paludarium.net/都唔錯, 如果造景, 就緊係薏景堂啦 cau-aquascape.net ha!ha!

開燈時間真係要睇草既狀態，始終用光既係植物唔係人，如果覺得夜晚想睇既，開一支咪夠，唔需要開到正午咁光。

_________________
"一起推動水族設景潮流, 集思廣益, 雅俗共賞。"
Life is to enjoy.....

" 50m果個係用氣喉, 大細好似一個大濾筒佔既位置左右, 不過幾時會塞呢, 濾筒條喉一年半載水流咁快都起晒積, 50m 喉中咁長點清理呢! ha!ha! " <-- 咪係囉, 所以一睇都唔洗諗, 都唔知會唔會一兩年後發臭..

已bookmark 晒~!!

啱啱睇到CHING 以前的舊文關於 開燈時間同種迷矮的關係, 會改返10:00-19:00, 晚上開返一支燈作觀賞用

唔想買多支燈, 所以
10:00-19:00 全開 T5 光管 X 2, ( 14" 缸 (14" X 8" X8.5"))
觀賞時自己開返一支 t5 管

這可以嗎? 應該唔追光卦..

尋晚加咗2 條小精靈, 缸面上的藻無晒, 大和蝦食葉唔食藻, 慘被隔離 , 藻的問題暫時解決..

其實都係幾隻蝦同兩隻螺, 我都係草為主, 生物為次, 咁我諗我會keep 住軟水先..石本身都有, 可能都泥太厚石的影響變得細..

買API減no3包好得又唔貴

過咗幾個星期, 加咗5 蝦, 5 魚, NO3 長期都係高企, 草同魚都ok , 所以諗住唔攪個No3啦..

其實如果NO3 真係一直都咁高, 唔爆藻, 魚又無事, 植物都叫ok.. 咁仲有咩影響係未浮現??

Thanks~

泥同水既比例係咪相差太大！？

盡量唔好比NO3大過30, 如果長期高, 水如果偏酸, 問題都唔係太大, 祗要你有正常換水量就可以, 不過如果過多兩個月後仍然係咁高, 證明你植物吸收氮既速度, 唔夠個缸由泥同生物排泄轉化既NO3快。咁你就要考慮下, 一係加多D草幫手吸NO3, 換密D水, 或者真係吸走D泥。你就唔好加新生物入缸啦, 因為舊有生物係慢慢適應左哩個環境, 但新生物未必會適應到, 就會出現舊缸症候群既症狀。遲一兩個月溫度一高, 更是危機所在。

_________________
"一起推動水族設景潮流, 集思廣益, 雅俗共賞。"
Life is to enjoy.....