小三角燈

tevl · **註冊時間:** 2013-03-18 00:27 **文章:** 33

上星期4放左兩條金燈開缸，第一晚都有d驚周圍游，但第二晚已經定左，
尋晚再落左兩條小三角燈，但就不斷兩頭游，完全唔停，有一條不斷游上缸面再游落缸底，過左一晚令本來定定地o既另一條都同佢一樣游唔停......

上網搵過有師兄話因為條魚覺得受到壓迫／緊張，又見到有師兄話缸大魚少d魚會無安全感，
所以今日再落多5條新橙睇下會唔會好d，d新燈一落就已經好定，完全無驚o既感覺，仲同果兩條金燈好好朋友，
但果兩條小三角燈就仍然好癲.....
有無師兄可以話我知係咩原因會咁？
有咩方法可以解決？

先謝 :grin:

Andy Kong · **發表於 :** 2013-04-08 22:53

由佢，無乜野可以做，但唔好太密加魚！

tevl · **註冊時間:** 2013-03-18 00:27 **文章:** 33

又係 andy 師兄答我，唔該哂！！！！
我本來仲諗緊好唔好聽日買多三條小三角陪下佢地.....睇下會唔會好d XD

其實仲有另一個問題，就係d小三角會唔會因為缸內光反射，令佢覺得有另一條魚所以不斷痴住缸邊咁游？（因為肉眼睇其實好似鏡面）
但如果真係會，應該其他都會有同樣反應？

Andy Kong · **發表於 :** 2013-04-09 00:17

你既想法正確，玩燈魚 community tank, 係有一個 concept 叫 schooling, 即係一種魚唔好落一兩條，通常中小型缸以 6 條開始，大 D 的缸就 10-12 條，D 魚最初走埋一齊去適應，互相壯膽，所以用 school 來形容呢個過程。 Schooling 可以減輕燈魚落新缸的 stress, 但 schooling 的時間則不一定，例如紅鼻細膽 D，schooling 的過程會較長。當適應後，魚便會散開自行生活。但如你大攪個缸，或者執過個景，咁 D 魚可能會有一個短時期 resume schooling 的！

但你已經連續兩晚落魚，新 N cycle 唔好咁勇，要停一停啦！

你第二個問題，係「可能」有影響，但我唔太肯定程度，所以種多點草會有幫助。據說歐洲某些地區係 ban 左圓玻型魚缸的，原因就是由球體內向外望，所有野都放大和扭曲，他們認為對魚會做成 stress, 所以不建議使用。

tevl · **註冊時間:** 2013-03-18 00:27 **文章:** 33

Thanks andy ！！
我其實就係怕一開始落太多魚，所以先兩條兩條咁買，
但見果兩條小三角不停癲轉好慘，所以今日先買多幾條陪下佢..

我個缸正後方本來放左一塊黑咭，為左試下關唔關反射事，所以我拎開左，小三角又真係少左係果一塊玻璃轉，
之後我再試過放左一塊磨沙面膠咭去佢地轉最多果一面，佢地又真係無點再游，
可能有少少關事？
但奇怪就係其他魚又無事，

PS: d新燈已經完全各有各行動 ..........

tevl · **註冊時間:** 2013-03-18 00:27 **文章:** 33

BTW, andy 師兄果 60寸缸好靚！

Andy Kong · **發表於 :** 2013-04-09 11:40

tevl 寫:

Thanks andy ！！
我其實就係怕一開始落太多魚，所以先兩條兩條咁買，
但見果兩條小三角不停癲轉好慘，所以今日先買多幾條陪下佢..

我個缸正後方本來放左一塊黑咭，為左試下關唔關反射事，所以我拎開左，小三角又真係少左係果一塊玻璃轉，
之後我再試過放左一塊磨沙面膠咭去佢地轉最多果一面，佢地又真係無點再游，
可能有少少關事？
但奇怪就係其他魚又無事，

PS: d新燈已經完全各有各行動 ..........

細缸確係難攪 D，大缸水體大，空間多，所有環境因素都相對無影響咁大，一行順就非常穩定，所以有 friend 叫我幫手開缸我會話唔夠 100L 就免提。

你試下減光幾日，會幫新魚適應，我以前玩 community tank 都係揀熄燈前 15 分鐘放新魚落缸的！

tevl · **註冊時間:** 2013-03-18 00:27 **文章:** 33

我而家一日都係六個鐘光，因為開缸唔耐唔敢太耐光照，
同埋因為之前諗住光照時間由 1900-0300, 但行左幾日之後發覺d草狀態麻麻，d矮珍珠拉到成寸長(估計係因為朝早無開燈之前追光)
所以而家轉左 1500- 0100
睇下有無幫助

Andy Kong · **發表於 :** 2013-04-09 13:55

tevl 寫:

我而家一日都係六個鐘光，因為開缸唔耐唔敢太耐光照，
同埋因為之前諗住光照時間由 1900-0300, 但行左幾日之後發覺d草狀態麻麻，d矮珍珠拉到成寸長(估計係因為朝早無開燈之前追光)
所以而家轉左 1500- 0100
睇下有無幫助

1500- 0100 咪每日十小時？

tevl · **註冊時間:** 2013-03-18 00:27 **文章:** 33

打算一日十個鍾，而家係 1500-2100

Andy Kong · **發表於 :** 2013-04-09 14:38

tevl 寫:

打算一日十個鍾，而家係 1500-2100

是新缸第一個月？

其實一日十個鍾是比較長的光照，要小心處理。係唔夠光追光的話，加長光照是不能解決問題的，只會越追越快！

tevl · **註冊時間:** 2013-03-18 00:27 **文章:** 33

其實我個缸 size 係 24"x8"x12"
兩支 glo 24w t5ho, 應該夠光唔會追光，
但d矮珍珠又真係每日都拉高，所以我估係因為每日未開燈之前d草已經醒左，而個缸個位又唔係全黑所以d草追光。。。。
打算十個鐘係因為想返到屋企都仲有得睇下。。。。
定係我應該照開 1000-1800,之前返屋企要睇先開？
但我晚晚都睇個幾兩個鐘。。。同埋我屋企晚晚一兩點都仲有光。。。。。

Andy Kong · **發表於 :** 2013-04-09 15:55

如你放缸的位置是有日光側照到的話，那便會出現長期弱光至下午 3 時了，矮珍珠追光也有可能了。

如不能在日頭減光的話 (窗簾或缸前擺黑咭)，你不如試下下分段光照，例如 12:00-14:00 + 18:00-21:00= 5 hr total, 然後慢慢加到 12:00-15:00 + 18:00-23:00= 8 hr total，可能會減小追光情況的。

tevl · **註冊時間:** 2013-03-18 00:27 **文章:** 33

再次多謝 andy 解答！等我試試同埋上網揾下分段光照嘅資料先！
今晚會試下剪短d矮珍珠，因為上網睇話剪短就會趴多d地

tevl · **註冊時間:** 2013-03-18 00:27 **文章:** 33

等我 update 一下先，d小三角燈已經定左唔少，不過仍然係兩頭游（可能品種係咁）
d新燈反而比之前細膽左，金燈就一樣咁細膽。。但一條魚都未死過：）

其實如果我星期1落左5條新燈 (~30L 水，total 9條魚)，想今日出魚街買4條小精靈＋3條小三角會唔會太急呢？

同埋大部份水草比我o既感覺都唔係話生得太好，
葉底紅：有dd黃，有兩塊葉變左白白地
針葉皇冠：有一兩片葉黃，有一兩片溶 (水x店袋草）
泰國水劍：有少少枯 (水x店袋草）
因為我之前睇過話新泥頭3個月唔洗落肥(ADA 黑泥，但之前炒起過兩次再放水，無落根肥基肥）
其實我需唔需要落肥？

thankssssss

水草情迷

小三角燈

誰在線上