新手剛剛開始接觸水族同草缸，上網爬左好多文但都仲有好多問題，希望有師兄幫手答答 :HI:
先講講設備。
魚缸 ：24" x 8" x 12"
泥：ADA新黑泥2吋高，咩肥都無
過濾 ：前置全白綿，511全 MA環 S size 3L
燈： 24W t5ho x 2
CO2 : 一秒一泡
（開缸插草頭幾日所以燈 CO2 同步4小時）
草種類：尋日新種矮珍珠，椒草，青椒，咖啡椒，針葉皇冠，葉底紅星期五種。
PH：因為未買 ph meter 所以未知
水溫：無用水冷，太約24度
現有以下問題：
1．椒草情況不太好，椒草係袋草，前星期6（23號）水x店買，但星期5（29號）再重新執位，因為買果時d莖都幾長，而插左入泥之後部份莖都好似無咩力咁，差不多打橫咁訓低。
2．青椒同樣情況唔太好有溶葉，十樓買，係成盆o係缸入面的，老細都講左要轉水，但都同椒草一樣d莖好似無力咁訓訓地。
請問原因係咩？係椒草本身係咁？定係太光？定水流太大？定係要轉水？
3．矮珍珠係熱帶買的，係一個鐵網放o係缸入面養o既，應該即係水中葉？其實如果係水中葉仲洗唔洗轉水？
4．因為上網睇好多師兄都話要先養水，我個人都唔想搵d魚做死士，所以打算試試用阿摩厘亞開n－cycle，但其實係唔係咩都唔落，只得草都可以開到 n-cycle?
5．因為個缸得12“高，其實兩支 t5ho 會唔會太強？有咩方法可以知道支燈會唔會太強／太弱／剛剛好？
唔好意思太多問題，希望有師兄可以教下我
登入
註冊
問答集
