Andy Kong 寫:
eos30 寫:
想2尺缸養少過 10 條魚, 想養非洲王子,紅寶石,藍班馬 ......
有無可能做到張圖咁?
請問各位我應該需要d咩設備?? 濾桶? 氣 pump? 暖管?
宜家只有缸同櫃
第一次養魚的
1.唔想用掛濾,應該用咩濾桶好?
2.行雙濾桶,一個放生物環,另一個只放棉,係咪會比較好?
串聯 or 2個桶分開行會好d?
3.底沙應該用咩好?
唔好意思,好多問題,唔該各位
雖然你提到的三種魚都叫非洲慈鯛，但習性有點不同。非洲皇子是馬湖慈鯛，而且是較惡的孔雀科，在缸中通常可養到 3"-4"，環境好的可以養到 6"，他們地盆意識重，擅游勁搶食，所以很快會給他們霸了最好的位置。
藍班馬是坦湖慈鯛，在缸中通常可養到 4"-5"，我自已試過一年內由 4" 買人養到 10"，而且因體形較方，所以 4" 的藍班馬比 4" 的非洲皇子其實大了漸近一倍！藍班馬性格比較純，佢既 size 應該唔會比皇子蝦，但就唔夠皇子快，搶食會差 D
紅寶石應是剛果河流域的慈鯛，所以又和湖鯛有點不同，我試過同馬湖孔雀科慈鯛混養，有點被欺凌的感覺，會縮埋一邊。
其實 24" 缸，剩養馬湖慈鯛都套把有得揀，不建議和坦湖慈鯛混養，而且藍班馬實在太大型了，無 200L 水都唔好諗啦！ 如果一定要非洲皇子和紅寶石混養，咁建議先買紅寶石，等魚定左有兩星期才加非洲皇子，同埋非洲皇子要細過紅寶石小小。
以下是 8年前玩既馬湖慈鯛，都是魚街既平魚，當時初玩，唔捨得買貴魚。
viewtopic.php?f=4&t=77086開缸養 10 條魚仔無問題，但慈鯛大得好快，到時可能養 4 條都嫌逼！
如果確定唔會中途放棄，其實坦湖慈鯛是有一些細 size 的種類，如貝魚，燕尾等，顏色無咁鮮豔，但勝在唔會大條，又唔太惡，睇熟左其實都是很漂亮的小魚。
底材方面最容易買到的是珊瑚砂，大細可在 2 號和 3 號之間挑選，珊瑚砂可將水質穩定期在 ph8 左右，適合多種非洲慈鯛。
裝飾唔建議用珊瑚骨，魚在追遂時會被珊瑚骨界傷的。如想有海底 feel, 可用砌軟體缸用的海水生物石，但要耐心地將生物石的所有生物整死和清除，我會用滾水浸，清洗和擦淨，風乾/曬太陽後大部份死去的生物會剝落，跟住用雙氧水浸一晚，再沖乾淨便可備用。
你這個缸，一個 Eheim 2217 加原裝濾材都夠用，唔好貪平用大陸濾材，效果差好遠，Eheim 隻生物珠勁有料到，比大部份生物理更好用。可以加 prefilter 但我唔熟，你用落 Eheim 2217 唔夠先後加都得，初初玩未熟唔好自已綁死自已，簡單 D 起左步先。，缸太細唔建議用兩個濾桶，避免喉個配件太多。
多謝 ching 解答得咁詳細,對我新手養魚好大幫忙, ching 所提及的藍班馬, 非洲皇子,應該會放棄唔養, 因為會長養,希望d魚仔都有合適地方生活,魚就一定唔會過8-9 條,但紅寶石可唔可以同貝魚，燕尾等一齊養?有無一d燕尾顏色上比較鮮豔?
軟體缸用的海水生物石?? 係咪 = 死左的珊瑚??
Eheim 2217 好似有分水貨同行貨, 但水貨有包濾材,但水貨係咪 = 大陸做??
Eheim 隻生物珠係網揾唔到, ching 可否提供 link ?
開缸步驟應該要點做? 洗唔洗用清潔用品清潔一次個缸先好養水?
多謝 ching 指點
登入
註冊
問答集
