水草情迷

一個月開始爆絲藻，已經做了所有應做的方法，
但都係徒勞無功咁，停餵飼超過廿日，燈減至
五小時都超過廿日，肥根本冇落好耐，加大CO2,
EXCEL 試過， UP牌algae remover亦試過， 三日換水
一次， 每次起碼三分之一量，濾水桶亦清洗過，
缸中十幾隻日本大和藻蝦勤力地工作，人手用刷
去藻通通都試勻，絲藻都係毫無
改變減少仍與我同在，究竟仲欠D咩呢？

唔通真係欠運？真係冇哂心機！

唔係養貴蝦，落埋飛狐啦！

最近都有絲藻問題,兩個星期已經攪掂,迷矮已開始爬生.

其他水草亦正常生長,24"缸經驗所得...

手清(最好用洗出入水口的毛刷,卷走佢)
我都係用up牌,照說明落藥
減燈照4-6個鐘
大和蝦十隻,紅肚鉛筆十隻,有迷矮所以唔落飛狐(唔好怕多,因為佢會自然死亡)

其實缸中冇貴蝦，不過極多蝦BB, 飛弧已經試過，食絲藻一陣已經停口唔再食了，
已被監禁隔離中，以免將所有蝦B都食哂。
C hing 都有提及UP牌顯註成效，會繼續試多一輪再算。

絲藻都唔算難攪，唔使下下落藥，試下封缸三日，換好水，之後用布或者報紙圍住個缸，封埋頂，加個氣泵，三日乜都唔攪，當個缸唔存在，睇下得唔得。

多謝師兄賜教，等我今晚試下先。

C兄你個缸幾大呀?我用up牌(強效除藻劑)落藥,兩天後換去一半水,為一個療程

我用左約兩個療程就攪掂喎,當中亦包括每日卷走絲藻,減燈照時間到4小時及減一支光管

同意上面C兄所講,直頭熄燈,基本上絲藻都好難生長.

魚缸 :34"x17"x18"

Ching你個缸NO3幾多，應該都唔低
你缸又無吸NO3强既草
剩係加生物係治標唔治本
封缸係一個消極既做法
應該揾出源頭，去治理
你封完之後可能藻未死，草先死

問題係你既 LED, 水質當然係其中一個問題, 你用LED既量, 照睇W數, 如果output夠既, 可能比得上鹵仔, 而且 LED 既光譜到依家都係未有完全優化比水草, 係可以種到, 但效果因LED既不同可以有好大分別, 絲藻係其中一種容易處理既藻, 因為佢真係唔夠光好易KO佢, 係減光照時間唔減強度, 佢仍然係處於合適既環境下, 祗係每日生長少d, 但係幾何效應下, 仍然不段增加, 所以你要做既, 係:
1. 用刷卷得起幾多就幾多
2. 有葉面已有藻依附既, 剪
3. 換水要盡量吸底層水, 要四周吸, 唔好祗係就咁放水走。
4. 唔知你兩個2217 是否串聯, 如果係既, 如果你又唔係玩爆蝦既, 絕唔建議咁串, 水流是否足夠, 對缸入面既生態, 好大影響。
5. 最重要一點, 減光, 減光唔單是減時間, 同時要減燈, 減一半都唔怕, 由每日四個鐘再開始過, 你可以吊高 D支燈, 亦有減光效果。

_________________
"一起推動水族設景潮流, 集思廣益, 雅俗共賞。"
Life is to enjoy.....

多謝師兄賜教...
1. 用刷卷得起幾多就幾多 <---有做開了
2. 有葉面已有藻依附既, 剪 <--- 這個我覺得是消極的做法.
3. 換水要盡量吸底層水, 要四周吸, 唔好祗係就咁放水走。<----你所指的方法, 也是我的一貫做法的.
4. 唔知你兩個2217 是否串聯, 如果係既, 如果你又唔係玩爆蝦既, 絕唔建議咁串, 水流是否足夠, 對缸入面既生態, 好大影響。<--- 兩個是獨立運行., 師兄有沒有提及 "如果唔係串聯"o既建議?
5. 最重要一點, 減光, 減光唔單是減時間, 同時要減燈, 減一半都唔怕, 由每日四個鐘再開始過, 你可以吊高 D支燈, 亦有減光效果。<---這個我會試一試, thx~

其實我個缸只係養D各類型o既蝦, 並不珍貴, 價值低的, 之前一向都沒有check過NO3 呢樣野,
我以為keep 好個溫度跟酸度便可, NO3在我缸的環境影響是很重要的嗎? 煩惱中......

2. 有葉面已有藻依附既, 剪 <--- 這個我覺得是消極的做法. 哩個唔係消極既做法, 反而非常積極, 因為葉面生藻,已經代表葉本身老化或弱化, 藻才有能力依附, 而一依附左, 好大機會救唔番, 剪左有助刺激植物生長。學識修剪係種水草成功與否既重要一步, 如果唔修剪, 任由草好唔好, 靚唔靚都係咁生, 亦無觀賞價值可言。
如果你唔係串筒, 基本上兩個2217比一個3尺缸足夠有餘, 但硝化系統成熟既顯生物係 NO3, 植物吸收唔好, 換水唔夠, 都會形成偏高, 你 check check NO3 先。你亦要主注意水流, 因為就兩個2217既水流, 係一個3尺缸都應該幾大, 如果太大流, 不斷充洗泥面亦會使泥入面既養分及污物不斷在水中循環而偏高。

對付絲藻管理點改善係以後既事, 如果係唔可以斷佢既補給 "光", 佢係好少養分下都會生長快速, 佢生得快過晒你D草, 用養分先過佢地, 所以一定要控制到佢既生長速度, 先可望可以KO佢。其實其他既滅藻藥都係有效對付絲藻, 祗係分量好難準到佢地死晒, 唔傷草, 大部分情況係佢地可能生得重快過死既。

另一個非常有效對付絲藻的方法,係一位世外高人傳授, 係用Excel, 不過唔係就咁用或者針筒, 係用一個大既吸筒, 吸少少 Excel, 加少少水, 將佢地係筒入面大力搖晃至泡化, 哩D泡化既Excel噴上絲藻, 就可以好易依附係上面而殺死佢。哩個方法祗係合絲藻, 因為佢地面積大, 泡容易依附, 其他藻因比較不在水面,而且細面積一用針筒噴已經有效果。

_________________
"一起推動水族設景潮流, 集思廣益, 雅俗共賞。"
Life is to enjoy.....

今晚已check NO3, 數值為5 或細於5，
（以肉眼看到測試紙顏色而定）,這數值算不算正常呢？

ching加油唔好氣餒！

_________________
缸: 48x12x18"
燈具: GLO T5HOx2
燈照: 12:00pm-04:00pm 08:00pm-12:30am
濾桶: Eheim 2217
水冷:
水溫: 25度
CO2: 1.2kg(1-2泡/秒)
底床: 3 x 9L ADA NEW 泥
水草 : 日本珍珠草 美國鳳尾苔 綠蝴蝶 小紅梅 迷矮 紅宮庭 小紅圓葉 古巴葉底紅 紅太陽 趴地三角 印度小圓葉