水草情迷

各位Ching,請問是否生藻,怎辦?謝謝

黑毛藻....

照睇唔似係生了藻, 見好多莫絲都有這個.

_________________
自古成功在嘗試......

裝備 : 17.5吋缸, Co2 Set, PL-36W 夾燈, 約10小時燈照.
魚有 : 新燈 x 8, 班馬仙 x 1, 櫻桃燈 x 1, 藍蝦 x 5

草有 : 迷你矮珍珠, 紅針葉皇冠, 迷你水榕, 迷你三角莫絲.

可唔可以影清楚d

le隻藻小心d,我就係比le隻藻打柴左個缸.....我都想知le隻係黑藻定啡藻or其他~

_________________
jewelry design

用excel 得唔得?

如果係黑毛，關濾筒用excel定點噴射，（（等佢２０－３０分鐘））先開番濾筒，平時換水可以加適當分量excel防止黑毛生長，于用黑光，但最好停肥
啡藻就交比其他師兄講～因為我係敗係啡藻手上 ，你ｌｅ個時期係最關鍵，我就係過左ｌｅ個時候攪最後個缸ｋｏ左～

_________________
jewelry design

兩月前起了絲毛,起魚, 下excel , 番缸後絲毛清了, 不過變了一缸黑毛,
azoo 有隻 brush algar killer 訂了未到貨, 到了用後告訴你, 不過都都打定輸數!

哩隻唔係黑毛, 係類似藍綠藻既菌, 專係D 幼芽生長點生長, 就咁用Excel唔太有效, 就算定點打, 草都好傷佢都好難清, 最有效係剪, 一有受感染既葉就剪走佢, 試過落紅徽素可以, 但都係唔夠佢生得快, 所以剪走佢最實際!
azoo 隻 brush algar killer 好毒, 唔好用咁多, 好易死傷生物, 反而 Excel比較安全!

_________________
"一起推動水族設景潮流, 集思廣益, 雅俗共賞。"
Life is to enjoy.....

多謝各位高手回覆

係咪有隻專殺藍綠藻叫tdc的東西?

_________________
jewelry design

師兄我果時個全火焰莫斯缸就係敗係le隻野手上,佢係我d莫斯頭到生長,我剪曬d頭頭,換水,佢過一兩day又同我出離,點先可以更治

_________________
jewelry design

因為佢係菌, 所以水質唔改善, 佢仍然會好易感染到D草, 我中過招都係火焰, 剪左頭之後, 大量換水, Excel比正常多一倍, 當時我加EM丸, 紅徽素雙管齊下先好D, 其實剪時最好同時換水吸走佢, 如果你啤水, 水位唔降, 咁一路剪, 一路吸, 會容易D吸走受感染部份。

_________________
"一起推動水族設景潮流, 集思廣益, 雅俗共賞。"
Life is to enjoy.....

le隻菌水溫高係咪好易形成?我d缸25-27度水....即是佢唔係藻類離?我無啤水,只係一路剪一路用網網走佢地,EM丸, 紅徽素係魚街買唔買到,個牌子叫咩

_________________
jewelry design

我唔覺佢高溫或低溫有特別唔適應, 用水冷既缸同無我都見過佢出現, 係咪真係菌唔在我研究之列, 但佢既特性就好似藍綠藻所以先試下當藍綠藻咁處理, 佢同藍綠藻唔同係藍綠藻通常係水流唔多好既地方生長, 泥面, 缸邊多, 無錯TDC 對藍綠藻有效, 但要先吸走多餘既先, 再定點, 甚至打入泥底先有效, 而哩隻感染範圍細, 祗係生長點, 而且好難續一清理先用藥, 所以唔可以用TDC 處理藍綠藻既方法係缸入面用。如果受感染既草可以攞出黎, 先清洗盡力擦走藻既部份, 可以用新草處理既方法用TDC 浸, 再清洗。
其實用咩藥處理都好,清得幾多得幾多, 盡力減少藻既數量先用藥會比較見效。
其實藍綠藻祗係一個統稱, 感染缸既菌當然唔會得一種, 祗係佢地表面看差唔多, 但並唔係每一種抗生素都會有效。至於EM丸, 你可以去卡奇問下, 不過以我所知已經改左packing,好似係以前EM丸入面有D成分唔可以再用, 所以依家條方同以前未必一樣, 佢最主要係醫魚殺菌用。至於紅徽素係抗生素, 十字既藥房可以買到, 但唔係間間都肯賣, 因為抗生素要醫生紙先可以賣。 反而大陸藥房就可以隨時都買到。
其他除左EM丸, 紅徽素, 青霉素(即係盤尼西林),甚至竹醋液都有人試過得,但副作用有幾大, 好難講。

_________________
"一起推動水族設景潮流, 集思廣益, 雅俗共賞。"
Life is to enjoy.....