水草情迷

小弟想問個問題...如果個缸養水晶蝦, 加支UV燈係咪真係可以防晒所有藻類同黑毛?
有人話乜野都防到, 但亦有人話只可防綠水, 真係唔知邊個岩....
同埋加左UV燈會唔會對蝦有害?
希望各位CHING可以答到我, THX A LOT^^

UV 只可防綠水.

_________________
24"x12"x14" w/ Eheim 2026+Arctica Mini
GLO T5HO 24Wx2
Lighting: 12:00pm-9:00pm
CO2: 2+ bubbles/sec
ADA Amazonia New

綠水係因為藻類引起...所以UV燈可以防綠水同殺藻類...

UV可以有殺菌功能,同殺黑毛功能但係唔係主力,你當做輔助...
假若,缸有黑毛,UV可以有幫助...但係唔係最主力既方法...
打個比如...感冒可以食維他命C, 但係維他命C只可以輔助....要醫都係食感冒藥...

To Fish Fan 師兄 and pekingman 師兄：
首先多謝兩位師兄既回答，睇完兩位既答案，想問下我可唔可以咁去理解：
理解1：UV燈雖然唔可以直接清理黑毛，但可以預防黑毛既泡子生長，而且佢仲可以殺藻類，咁即係如果新開缸，加左UV燈就唔會發生任何藻類和黑毛問題？

理解2：加左UV燈，能夠預防既只有綠水，其他藻類同黑毛泡子既生長都與UV燈無關，即係開新缸加左UV燈，除左綠水外，其他藻類問題仍然會出現，加UV燈功用不大…？

同埋我再有個問題，UV燈會唔會對缸內既微生物有影響，因為蝦B好多都係靠微生物生存，有D擔心…
THX A LOT^^

重點係浮游係水而又經過UV燈，一律通殺！
還有UV開燈時間可以控制！唔一定長開！
自己囉個平衡！就ok！

uv會ko銷化細菌,到時你會超麻煩
同埋
蝦是吃澡的

硝化細菌祗有好少好少部分在水中浮游, 所以唔會影響整睇體既硝化系統, 而藻的問題, 你理解2比較正確, 因為大部分藻都係依附係石, 木, 玻璃, 葉面, 佢地既苞子比UV殺死既數量根本起唔到大作用, 因為依附繁殖的速度數量遠比UV殺死既多。除左綠水, 綠塵藻都OK架, 但就要清理玻璃面先, 使綠塵藻飄浮在水中就可以經UV殺死!

_________________
"一起推動水族設景潮流, 集思廣益, 雅俗共賞。"
Life is to enjoy.....

我缸100L, 有三四十隻蝦..
UV同CO2(每兩秒一個泡)廿四小時長開..
到而家都無乜事喎..
一星期先餵下蝦糧...(唔記得就唔餵)

蝦除左食藻, 重會食水草架..

任何藻或者細菌經過UV燈都會死
姐係話唔經過UV就唔死..
如果黑毛藻既泡子沉積係缸底...又吸唔到入去UV, 又或者無比你換水換走...咁你個缸一樣會有..

又用維他命C打個比如....維他命c可以預防傷風, 而你每天都會食.
但係你每天沖涼都唔抺身, 濕淋淋由佢自然風乾...你食幾多維他命都一樣出事...

你有再靚再勁既過濾定UV定臭氧都好...
你每天都勁餵魚勁餵蝦, 而你又唔換水..
你個缸一定大量堆積NO3, 一定出事...

記住換水係上策...
某何器材只係幫你拖長換水既時間...

你問UV可唔可以殺黑毛, 可唔以殺綠水,
不如你問下人地點預防黑毛, 點預防綠水重好啦

Bro GWU's say is correct.

_________________
24"x12"x14" w/ Eheim 2026+Arctica Mini
GLO T5HO 24Wx2
Lighting: 12:00pm-9:00pm
CO2: 2+ bubbles/sec
ADA Amazonia New

嘩, 呢度果然係最好, 一返到黎就有咁多師兄回應, 真係唔該晒咁多位呀^^
ps. 係其他forum都有同時問呢個問題, 但仲係無人答...

其實我而家個缸開缸半年，除左綠塵藻之外，都無出現其他藻類問題，遲下反缸果陣，諗緊加唔加UV燈o者，但睇左咁多位ching既意見，如果要養好d蝦，最緊要都係做足日常保養，而UV燈則可有可無喇，希望呢個結論無錯喇～

另外，好奇問個問題，各位CHING個缸有無加UV燈架?

養蝦既秘訣.....就係有技術...
而技術係同金錢掛勾的...
哈哈....

UV呢......就真係可有可無....
無既米勤D換水, 餵少d糧...
就係咁簡單...
但係環就要有質同量....其他咩都係假.....

哈哈, 岩岩見到師兄開POST送蝦^^
環其實我都只係用緊MA環...水冷、LED都只係用緊DIY...
但係就無打氣、無落CO2...上兩個星期開始見到D蝦有兩、三隻抱左, 我諗日常保養都應該OK既^^