水草情迷

已經連續四日有魚死
一日一條
都唔知咩事
d魚又無d特別病徵
前一晚仲好地地食野,打架
一起身就見佢死左
我已經check過缸內無其他死魚
點知第二日又係咁
我都唔知可以點......
嗚嗚....

佢地有冇發消呀.............。可能係........

什麼魚?如何死?死狀?
殺魚動機?有找到凶器嗎?有無報警?有目擊証魚嗎?(hehehe!)

Sorry!如果想人地比d意見,是否應該講多少少呢?

會唔會係打架打死?
以前試過"鳳尾"+"新燈"
點知死左一半新燈...
息燈後,見到條鳳尾公含往條新燈唔放...
先知出事...

之前都連續半年無死過魚
惡夢由發x買了三條小精靈開始
第二日死了兩條小精靈
一日後死了兩條日光燈
再一日後又死多條日光燈(換左1/3水)
今日最傷,死左我最鍾意既黑間鯛(公)
佢地無白點,無爛,全屍,無俾魚侵犯的表面傷痕

侵犯? hehehe!

其實好難找到答案,如果想保險d,試下用養過的水來換水!一定可以控制倒死亡速率!

我一向都養一晚水先換
而家只好繼續監察下啦
我條黑間母要守寡...

去魚街買“魚博仕”的E.M. TABLETS試試啦(約十八至二十蚊有八粒). 我個缸約五個月前都發過魚瘟(同你情況差不多). 本來想買萬靈仙(因此藥含有抗生素), 但魚街啲人話此藥已經唔出. 後來上此網得知E.M. TABLETS之成份同萬靈仙差不多(特此多謝老人). 最後經過三日之療程後(療程其間還有兩三條魚會死), 就冇死魚發生. 最後計過缸內約五十條魚在發魚瘟其間共死了約十二條魚. 其餘約四十條魚獲救.

唔通非典型肺炎!!!快d比魚戴個口罩先LA(hehehehehe)

祝:你d魚仔早日康復!!!!

可能係d泥有問題,碎晒
整到d水好濁
今日用左成個下午換泥
最不幸就係臨完工跌左支燈落水
電親自己
好彩d魚之前搵個桶養住
如果唔係就大屠殺啦

電親自己?
d泥用左兩年都未必需要換啦!

之前唔識
買左唔知咩泥
今日換個時d泥已經變左泥漿
好嘔心.....

今日換泥,聽日又要換燈,都幾傷

係啊....
不過都係自己衰大意....
無燈d草好快拜拜
咁仲傷...

你可以留意下有魚死的日子枝暖管是不是開了的，
如果驗過水質無問題，還有魚不斷死亡，一日死一至兩條的話，
好大機會係枝暖管漏電，我已試過兩次，近日試第二次。
電都是很少的，感覺不到電力的。
只要留意到天冷暖管一開便日日死一兩條魚，唔開幾日都唔死魚。