auch 寫:
所謂"袋魚"，其實係只係一種銷售模式，魚街眾多店舖，各家的處理手法其實都有不同．有些是"散貨場"，一有貨到即時拆貨入袋，魚兒都沒有處理過就賣，這些魚當然沒有品撿過．有些則是"促銷"，打包起一些缸內養定的魚平價出售．有些則是"搵老襯"，賣病魚或袋中混著有問題的魚（如盲眼，歧型等）．入袋的處理手法也有不同，有些是養過魚的水，有些好明顯是新水（唔知大家覺唔覺養過魚的水和新水其實有點不同，可以分辨），有些更加係煮重你米落左黃粉．有時缸魚亦有管理不善的情況，所以袋魚未必差，養定左可以好靚仔，缸魚亦未必好，隨時都可以惹到一缸病．對於小弟來說，買魚健康是首要，其次睇價錢，買袋魚缸魚，用的邏輯都一樣．所以我認為燈魚仔其實打袋都ｏｋ，最緊要小心揀魚．當然，神仙魚，短鯛，將魚等這些嬌客，養定在缸的一定較好．
"散貨場"
這是我之前的討論是關注袋魚的銷售模式，他們很多是一入貨即分袋，甚至由開檔到收檔才取回入舖 unpack，更甚者是第二日才 unpack 然後 repack. 呢Ｄ舖多數係無乜魚缸，所以唔夠位停魚，故即入貨即包入袋。
"搵老襯"類相信不用多說了，有Ｄ灰色地帶的是將來貨中特別細條或弱的以袋裝出售，大家比較下以為比入面Ｄ缸魚比亢平很多，其實是兩碼子的事，大家决定買時咪被缸魚價錢誤導！
"促銷"可能是比較正面的，但正如你所說，又要考究埋點樣 pack 法！
非常好的分析，我都修正我的對策。某些袋裝魚在促銷法下如經合理的方法去包裝是可接受的。
但若無缸魚的情況下，有時又好想買，那就袋裝都殺。好像前些時用 $20 買了對七彩鳳凰袋裝魚，一條靚一條爛旗。條爛旗魚落缸兩日後便頭 dup dup 條躲在角落，全身引式淡晒色，捱唔到一個星期。後來在一間細舖揾到有缸魚，但 $28 條，係唔值但係心頭好，於是都揀了一條。
登入
註冊
問答集
