水草情迷

我剛買咗10金波子及黑波子, 其中一條金波子生了1條魚bb,
之後我將佢及條bb魚用盒子間開, 媽媽在上層, bb魚在下層,
但成晚佢再沒有生bb魚, 郤生了3粒好似係蛋的物體, 上層2粒, 下層1粒, 但第二朝郤全不見了~~
請問:
1) 波子魚是否胎生的?
2) 為何3粒蛋會消失咗?
3) 波子魚點樣分男/女?

many thx

波子是胎生的，生產過程可以十個八個鐘，一次可以生幾十條，媽媽會將d孵唔出既當寶品咁食，公既腹鰭成針形，母成扇形。
波子好粗生，一胎唔得重有第二胎，放心。

謝謝鏍絲, thx

望落去,腹鯺好似無乜分別, 不過條尾就好唔同, 可唔可以用條尾黎分呢?

請問波子生之前會有乜反應呢?

條尾唔同我就唔清楚係咪分男女,
不過佢如果生得個肚會好大,
肚的底部會黑黑地..
有啲會係就嚟生之前幾個鐘有異常反應, 如四圍撞/找地方哩埋..
我唔知係唔係咁, 因為我自已啲波子就係咁情況..
睇下幫唔幫到你啦..

多謝!

尋日朝訓醒見到好多粒蛋(30幾粒)係種水草既海棉上面, 有兩隻波子守住, 一有其他魚游近就趕, 今日見啲蛋變左色, 唔知受左精未呢?

你養Q板鳳凰?

唔係喎, 應該一生就係小魚嚟嫁..
我之前條波子都生咗幾粒蛋, 後尾第二朝訓醒啲蛋就唔見咗lu..
網友話係佢自已食番喎...因為波子係生小魚的,
另如果你啲波子有同其它魚..如孔雀及米奇一齊養, 記得要格開, 因為孔雀及米奇會食小魚的..你可以去買個生仔盒放條波子落去就ok喇, 好平咋..
10蚊有交易..

其實我覺得Q版好難養, 我之前一直都有養, 大約有半年時間, 一過佢地冇端端死咗之後就一直都養唔大LU...所以而家冇養LU..

可能曾經生過魚仔掛.......不過我訓醒剩係見到一大堆蛋.......而家變晒白色

另一位網友話啲蛋如果有粉紅色, 就有機會變魚仔

你果條係唔係叫q版波子鳳凰? 波子魚係胎生

張相影得唔好, 不過盡晒力, 個老細話我知係金波子

唔係呀...
係Q版鳯凰呀....
好多鋪頭都係咁寫嫁..
有2隻色..你呢隻係其中一種, 另一種係藍藍灰灰咁嫁.

你養金Q板鳳凰.

我行左好多唔同區既舖頭, 都係寫金波子

個啲藍藍地既, 佢寫藍波子.........

今日專登去旺角走轉, 見有兩三間寫住金波子, 其他舖頭都寫Q版鳯凰, 攪到我亂晒.......Anyway, 最後都忍唔住買左四粒雲石波子........而家檢疫緊.........