水草情迷

加Ｄ落雨水就得...

用交换树脂。724阳离子交换树脂，一般水族店也有卖，做一个阳离子交换树脂的沸床

增酸方法好簡單,去葯材舖買明礬,好平。
放入沙底,放深一些,它會慢慢滲出,令水變酸。
我個30寸缸,放了兩粒大約半寸直徑明礬,由PH7.5下跌至PH6.0左右,滿意效果。
講多樣你知,缸水會清好多。
酸泥其實含大量.......................!

c兄係未讀"礬"<---凡...？

以前養七彩用過磷酸 是一種強酸需要稀釋過後才可以用 PH超會降的

係呀!.....音凡,我長開C02Keep酸.....

師兄：請問你個缸幾大、幾L水呀！到目前為此有冇副作用呀？謝謝你

唔好意思,siupo1279師兄係問我定係我會錯意呀?
我個24x12×14寸,冇副作用呀!

師兄：我的意思是你的缸幾L水同落多少明凡，落一次可維持多久，是不是每次換水都要落！謝謝你！

oh.....sorry,我會錯意La,你係問Kslam師兄呀!

我個40吋缸開缸時用了Dazs的河砂，pH一直高企，試過無數種方法加酸都不理想，用於加酸材料的錢仲貴過買ADA泥。
我另加一個細筒濾專用嚟放加酸材料，用過Sara和另一隻德國牌子草泥丸，只有色，沒有效（可能我個缸D碱性太強）。ADA Plam net最把鬼 ，最貴又最差，只係放落去頭兩日有效，之後浸咗一個月都完全唔覺有分別。加酸劑以JBL那隻最有效，不過治標唔治本。
超過半年的加酸戰爭中，試過最有效的方法是用欖仁葉，唔駛錢，街邊執。盡量揀大塊乾葉，越深色越好。用前洗乾淨，用滾水浸泡一陣消毒。最初一星期水色變深，可接受，之後會慢慢變淡，pH好隱定係6.4左右，都維持咗三四個星期。欖仁葉要用秋冬的自然落葉效果最佳。

我諗呢位師兄講緊o既係飼養泰國鬥魚用常用o既大自然增酸剩,俗稱"酸葉"
酸葉的確好多用途,可以當中藥用,水族用..o係大自然o既欖仁葉落葉o既時候仲可以中和土壤o既ph值,所以都俗稱"環保樹"而被大量種值o既,所以o係周圍好易見到欖仁樹
欖仁葉如果水族用,我推薦去魚街o既"天河"or"彩憶"等鬥魚專門店買..雖然自己o係街撿唔係唔得,不過質素聽講冇咁好,而o係"天河"or"彩憶"個d係外國返o既,例如泰國等會好d.
用法好簡單,拎一至兩塊(通常只會用一塊o係泰國鬥魚到,因為鬥魚的魚缸通常好細)放入個魚缸就ok了,不過用之前要洗下! 大約過一日都唔洗o既時間,d水就會變左茶茶地咁o既色,姐係酸葉發揮緊作用了!
大約3-4日左右就換過一 set 酸葉就ok了!!
酸葉係大自然o既產物,所以比起用化學野我覺得會好d,不過因為會令水變色,有礙於觀賞,所以都唔係咁多人鐘意用,即使係泰國鬥魚o既玩家.不過泰國鬥魚一見到酸葉會特別鐘情,同有安全感~不過就唔知其他弱酸性o既熱帶魚係咪一樣好鐘意酸葉了~

加泥啦,我前幾排PH去到7,2到,宜家加左新泥,變返6.4.....