水草情迷

你呢個Case我覺得有3個可能性：
第1：你部水冷(300A)本身個Sensor內阻同我0個部水冷250A唔同，所以你新買0既Sensor接0左落現有水冷Sensor個接頭度會得出得幾度0既顯示。簡單0的就係新同舊Sensor響相同溫度之下個內阻唔同。
第2：就係如你所講，你買0個條Sensor有問題。
第3：就係你買0個條Sensor唔同我0個條。
但係最簡單0既辦法就係買又好借又好，搵隻電阻錶度下新、舊Sensor響相同的溫度下0既電阻係唔係接近。響你個Case我估兩個電阻係唔同。

咁如果真係新舊兩條線嘅電阻唔同...有咩解決方法 ..多謝師兄一直以來咁幫忙

um...由於我唔知你現在新Sensor的電阻比現有水冷內置Sensor的電阻大or細0左。如果係細0左就EPS啦，只要加返一粒電阻(例如：你現有水冷電0左係7.6k ohm，但係新買0個條Sensor響相同溫度之下得3k ohm，咁你就可以響條線0既接頭是但一邊串聯返粒4.6k ohm 0既電阻就可以ga la)咁就解決到個問題ga la!所以我話要DIY，他錶呢0的基本工具一定要有0既 不過如果係大0左的話其實都可以透過加電阻解決，不過就唔係就咁加串聯電阻而係並聯

對於我呢D 電器白痴....都係唔好攪咁多...免得整壞埋部水冷仲慘

haha都唔會0既，呢Part係特低壓壞0左都唔難整0既

我今日去返富利問...佢話唔應該關電阻事...因為呢D 全世界STANDARDISE 左....佢話係我駁得唔好.....咁我今晚返黎再駁過....結果一樣...都係得10.5度....聽日我會攞出去叫佢駁一次我睇...即場叫佢試下...如果係個SENSOR 頭有問題...希望佢會肯換俾我 ....再唔係就真係要問人借個錶黎CHECK係兩組線嘅電阻．．．

oic!咁都好呀可以試下

但係睇到另一個師兄佢都係用　３００Ａ．．．而佢似乎都係就咁買組ＳＥＮＳＯＲ同接頭就攪掂...點解我唔得

好簡單，有他錶就會搵到答案ga la

灰色o個條我就咁度過9.1k ohm

你係指外置0個條SENSOR嗎?個SENSOR響幾多度情況下量度?因為唔同溫度會有唔同數值的。

我今日終於都買左個他錶...一度之下....正如你嘅度數...我在27c嘅環境下有9.8k ohm......不過條舊sensor 線在25.3c 下得4.8k ohm .. 細左好多..我度埋連接溫控條線...有成18.3k ohm .. 咁宜家我可以點做....攪下攪下用左成舊水都攪唔出d 咩....未慳到電費就先俾左一筆

有數據就EPS啦 你再花多一兩蚊去華輝(或你就近有電阻賣0既地方)買粒7k ohm 0既電阻(常見半瓦，即0.5w就得)並聯落粒簪玉個位(即一腳接紅線另一腳接黑線)<接駁位見相片>。就你比0既數據，你而家條新Sensor個電阻響大約相同環境下與舊Sensor線相差約一半(9.8k對4.0k<--估計4.8k於27c會降至4.0k ohm)。即我地要將新線0既於27度0既電阻值改成接近4.0k ohm。當你做0左上述並聯電阻步驟，個新Sensor電路變成{(9.8x7)/(9.8+7)}=4.083k ohm與4.0k ohm接近，相信可以解決新舊Sensor電阻不同的問題，同埋部水冷會顯示返一個比較準確0既溫度。你不妨試一試。
另外，未見官先打三十大板呢家0野就梗0既。最緊要係從中學到個技術，加上你隻他錶唔係用完即棄式ga ma，日後DIY都有非常有用的

PS.上述計0既數都係根據你提供0既數據去計出嚟，如果你度0既時候有人為錯誤(例如自己雙手同時都點住2支針度)而影響到個數值，呢0的我預計唔到ga，唔好x我呀，最多你比過0的數據我我再計過ger

好多謝你咁詳細嘅解答....我今晚放就去買粒電阻試下先.....

150a同300的探溫頭應該系唔同

_________________
再戰蘇蝦