水草情迷

請問EDEN 501魚街最平賣幾錢,邊一間?
綱上有冇水貨賣及賣幾錢?

而家好似最平都200

卡Ｘ賣緊$210。

用cy-20啦,同edem501一樣,平100蚊<<係唔知點解d人要用貴野?
另想問下,點解d人在介紹自己的裝備時
說自己是cy-20(仿edwm501)???

"以下內容純屬個人意見，信不信由你，亦不想引發罵戰"
個人認為，一分錢一分貨，我曾經買過一lot cy-20，
大概20個左右，有一個一開始就開唔到，有一個一個星期之開後唔到。開唔到的都整唔返。就算開到的大部份壽命都過唔到9個月。
開機o既時候，唔知點解好多部都會入氣，搞好耐都唔得，你要由得佢大概行3-4日左右先至會靜，咁問題就o黎，唔通次次換水整野都唔關泵咩?
水流方面，又係十個手指有長短，20個水流有大有細...
另外一款boyu ef-05，壽命更短，好多3個月唔夠已打柴，唯有自己買個潛水泵推囉!!有幾個打開一睇，個磁芯竟然生左鏽...我都好奇怪...
反之用緊o既501, 用左2年多。仍然好靜，水流足，user friendly。

fayening ,你買咁多個cy-20做咩= =?
>>"就算開到的大部份壽命都過唔到9個月。"<我自己用緊2-3個月...比你講到都驚驚地...

唔駛諗啦,梗係用501啦,size細,流量高,質素好,$200左右買番嚟,起碼用兩三年以上都無問題,唔想玩的話$100左右放番出去,有價有市. cy-20大陸質素....,用唔夠一年就打柴...又要買一個新....加埋又係同買一個501差唔多.........買501貴買平用,買cy20平買貴用.....自己分析...

好贊成樓上幾位ge講法~~
我本身之前用3個501串聯係12吋方缸~~用左2年~
3個都係2手~~買個時每個都係100蚊到~
到而家換左大桶~放番出去又係每個100左右~
用咁耐都咁靜咁好力~又唔漏水~
所以我都好推介501 ga~

至於cy20~~未用過~
所以唔識講~

我都係用CY20, 好後恢...又滴水, 又難起動(空轉但出唔到水)

因為 501 遠比 cy-20 出名，而且 cy-20 本來就係 501 既翻版
所以有人會寫埋「仿 501」等人知佢用緊咩樣既濾桶

就算近兩年多左咁多翻版，501 仲係有價有市咁梗有理由既

_________________
草缸週記 http://aqua2.blogspot.com/