水草情迷

上星期發現三線母魚泳姿異常, 腹部漲起。不餵食及觀察多一日, 情況不變。

決定用octozin 分缸治療，禁食三天，腹部腫脹減退。第四日, 開始少量餵食，第8日完成好翻放回鯛缸中。

養魚兩年, 第一次腹水係紅兩點公魚, 在草缸中發現得太遲，救唔翻。
今次發現得早, 三線母魚有救。

好!
希望多d人可分享落藥經驗,
octozin我諗都買定放係居企先.

請問知唔知點解條魚會有腹水症?
或你認為最有可能的原因是.........
預防勝於治療嘛~

絕對認同預防勝於治療。我相信養魚一段時間的朋友都會明白最緊要養水。

但係, 好似人生咁, 生老病死係人生必經階段，再強壯的人都不可以避免。魚亦一樣, 生老病死係好自然既事, 只要死亡率或發病率不是特別高便可接受。

如果雷兄有d咩"秘方"令d魚唔病既話，請在此同大家分享一下, 等各位魚友免受魚兒"病""死"之苦。

哈哈 ，本人只是一名新丁，有好多野都要向大家請教，我當然無咩秘方可以令d魚唔病或病少o的，我自己o既心得都可以分享一o下，就只是花多些時間管理一下魚缸中魚兒的狀態，多觀察每條魚的健康情況，一唔對路就分缸醫，至於分析佢係咩病就真係無咩經驗，但一些常見病都尚可，還有小心活魚餌的潔淨問題，我會先下藥消毒才餵，可能會有人覺得我咁做好多餘，但so far到現在都未有魚得了體內虫病，(可能我養魚時間尚短)其他都是一些定期換水，新魚下缸用多些時間對水等基本動作，給魚一個衡温的環境亦好重要
你講得真係好arm，生老病死係好自然既事，那有魚唔病唔死的，能減低死亡率或發病率真的已很出色呢~醫好番就當然無得頂添啦

活餌消毒?可以賜知用什麼毒?程序?做法?可否分享?

有一隻藍色盒，叫TDC的合成抗菌劑，除可醫體外虫病外，該產品(在用途中印有消毒活餌之用途)說明可消滅病毒及寄生虫病源，用量佢都有寫嫁，稀釋5倍，2分鐘
魚街有，最平見過$43有成500ML，用了好耐都未用完
宏X$48

唔知點解我D魚唔係好可以分缸醫，每次撈入醫療缸D魚都會絕食抗議，放返落大缸又肯食番野，所以每次分缸都覺得D魚係屈死多過病死

可唔可以分享下你醫過d咩病, 用咩方法及藥物?

個人經驗--
1. 分缸醫都要用一般的"兌水"程序, 以免環境改變太大而嚇死魚魚。
2. 下藥會先下一半份量, 幾少時後觀察及下其餘的份量, 勿下藥太重。
3. 頭兩三日禁食及觀察, 魚魚食少兩三日好閒
4. 依據說明書下藥及觀察

我醫過o既病都唔少，有白點、爛尾、細菌感染、體內外寄生蟲等，醫療缸有黑泥底和沉木，發現需要分缸時先注入舊缸水運行1-2日才放魚，但下藥量通常是說明書o既1.5倍，務求係3日內搞掂。否則魚會越來越弱，凶多吉小....

請問邊種牌子醫体內寄生蟲最有效?以及用量.

醫療缸一般會用裸缸，因為泥同木會對藥效有下降作用。下藥時都要依據指示, 勿急躁。下藥太重, 有病的魚大多不能接受而加快死亡。

今天到魚街, 但找不到 Waterlife octozin, 不知是否斷了市?

我的一條紅劍像是患了腹水, 請問有冇其他藥可以介紹?