水草情迷

將會開個 48x18x22 既滴漏草缸, 上水泵 4400L (上水後, 出水約 3000L).

由於平時見人都係雨淋管在缸頂出水為主, 初時諗住用灰喉自己鑽窿當雨淋管圍住缸頂, 射向玻璃出水.

最近有朋友對我說, 如果水面有水流, 會影響光線射入魚缸, 唔係咁好. 而且, 咁樣只係缸面有流, 缸底可能無乜流, 草缸既缸底都要有水流的.

所以, 想請教一下, 大家通常係點樣 set 出水口的? 除雨淋管外, 係咪都要在缸底加出水口呢?

唔該哂先.

只要將喉管水流係水面下2~3吋出水, 水面就唔會有太多"浪"啦.

其實, 水面有少少水流, 影響唔係咁大的啦, 放心吧.

好少會係缸底出水的.
有得 48吋缸, 分左右出水又得, 雨林管一條過, 向缸背射水又得, 基本上係各師各法, 冇一個一定既方法既.

初步做左水流既設定, 分別用六分同四分喉, 做左一條 呎半, 一條一呎既雨淋管.
暫時只係做左頂出, 斜各上射向玻璃反彈.
由於曲頭太大, 唔夠位做水面出水, 其中一條要經軟喉接駁, 勉強可以改成水面出.

家陣缸面水流好大, 會唔會影響光射, 如果斜向下射玻璃, 缸內水流就會大 d, 但水面就可以平靜 d.


唔知向上(缸面大流, 缸內細流) 定 向下(缸面細流, 缸內大流) 射好?

另外, 如果缸底或要有水流, 好唔好如圖中藍線分叉一條喉到泥面, 加波子制較慢流射向玻璃?


照我加完雨淋管之後落水既速度睇, 上水泵仲可以推多幾條喉都好夠力.
但係缸底加喉, 從側邊睇可能無咁好睇了.

水流大唔使攪咁多野，係你D倉度加多幾塊薄棉(即高密度棉)去減弱D水流，依家清缸又乾淨，水流會強D，整好晒會弱翻D，到時掉走D薄棉黎就水流，乾手淨腳。
你個滴漏缸，應該出水同去水同一邊，唔係依頭出水，個頭推翻入溢流，濾黎濾去都係個D水。
出水放低過水面1吋，向外射，射向水平斜落少少，咁就可以將個水流做一個循環。

同意鏍絲方法仲可以用上水泵閘制减慢水流 sin
再將雨林管加長出水孔開到6mm同筷子頭咁大减慢水流

其實我地多數已經唔用雨林管只分兩個出水口45度對角吹

_________________

oh, 唔該哂大家.
睇黎我真係太落後了, 原來已經唔興用雨淋管, 等我仲自制左兩條粗管. 真係要好好參考下大家既設定至得.

家陣兩條雨淋管, 六分喉本身開左 18 個 6mm 既窿, 而四分喉就開左 12 個 4mm 窿, 全部 1 吋一個的.
不過....水流依然好勁..

我個上水泵之前 set 既時候, 已經預左怕大水流而加左條有閘既分流管, 可以將上水泵既水直接引回頭倉, 亦可以用黎推其他野的.
所以, 如果水流太大, 只要開大條分流管, 就唔駛閘細上水了. 因為用閘去減細上水既 流, 等如將 d 水頂住, 對個泵唔係咁好.

或者, 我遲下試改為用六分喉直出, 由滴漏糟向另一邊吹, 睇下會點先?
等我睇下有無機會四出去望下人地既缸, 參考下點 set 既先.