水草情迷

翻缸期間一直刨文
學到的知識真不少
本來已經諗好去魚街賣 T5HO 套裝燈
但是尺寸問題 fit 唔到，真頭痕
唯有靠自己想辦法解決

本身個 46" 缸已有一個 DIY的燈箱
但都是很久之前用 T4 管
兩枝都是26"長唔知幾多 Watt 的光管
而家 T4 管唔普遍，要買就要出深水步配
又唔知可唔可以用返個 T4 插頭轉 T5 燈架
出科聯問老細都唔肯定得唔得，只好先買一枝返去試下先
哈~~~好彩又岩用喎
不過唔好彩的是我買錯左雜嘜 T5 840 (本來打算買 Philips T5HO 865 6500K)
算喇~~~當後備的夜燈用喇
再加多三盞夾的檯燈 (配飛記 6500k 23w 慳電膽)

跟住諗緊唔好浪費光源，應該貼/用乜野反射燈光好呢...
看到好多師兄都話用鏡鋼最好
但是我個櫃頂點樣加鏡鋼上去好呢 (魚缸在組合櫃中間)
本來諗住算把喇，買些反光銀色紙算喇
今日經過灣仔道一間文具紙材店
見到除左好普通的反光銀紙外
仲有好多反光貼
問個老板邊隻反光效果最好
就介紹左一隻好似牆紙貼咁的銀底貼紙
面層還有一層薄膜
貼完之後搣左佢就好似鏡面的效果
$15/尺，買了兩尺返來試下容唔容易貼先
問埋個老板呢種貼紙叫乜名
原來就係叫 "鏡鋼" /"鋼鏡".....
係你喇，終於都搵岩野來買了
終於解決到反光器材的問題了

有無相睇下呀?
好似幾正wor!

未開始貼呀
搞掂左就影相上來同大家分享

搞掂未呀?
等緊你嘅報告喎

_________________
我係積及

要留意受唔受到熱，唔受熱溶左會好危險，小心。

可以貼得係老仔個罩裡面而唔著火, 我所知既得一種... 果種(可能係)錫紙貼係大角咀唐尾道果頭既五金舖有得賣... D人用佢地黎貼係D有少少破爛既貨柜上面...

修正 : 係鋁箔貼... 係日本城都有... 我頭先係荃灣見到

花仔兄你頭像隻狗仔好趣緻喎，講埋係灣仔道近那處喇...！

我貼左在櫃頂，不過貼得好肉酸，貼到露晒底咁


我試左三種反光紙，一種是這種鏡鋼貼，一種是一般文具店的銀色紙，跟住去新填地街一間紙品店又見到一種平好多又自動貼的(我買8"封，$5/碼)，不過表面唔夠光滑
總括來講出來的效果都是鋼貼出來效果最似鏡，真是照到自己個樣。不過就要貼在平滑地方才出到效果
我個舊燈箱就用文具店的反光紙，都用左幾年，受熱無問題，而且價錢平，缺點是要自己用雙面膠紙貼同埋幾易巢囉，不過反光效果唔差



我貼在櫃頂，跟住鑽左支T5上去，可能空間夠多散熱容易點，所以用手摸過唔覺熱，不過用在密封的燈箱的話，我就未試，或者過兩日再買多兩尺返來貼在燈箱試下


你講的是咪一條條用來貼烘頭果 d 錫貼？
如果用來貼鹵仔，都是用返正統的鏡鋼好點，始終鹵仔真是好熱


我頭像的狗狗是我個囡囡，佢叫阿肥，5歲半了
間店在灣仔道近天樂里那邊的文具紙品店，要上幾級樓梯的，門口放左好多一卷卷的紙，過兩日會出多去一次，到時看下間店名講比你知

花仔兄：明白，知道邊間喇！唔該曬！

請問鏡鋼係旺角邊度有呢﹖﹖

謝謝。

剛找緊...thanks....去睇睇先

_________________
easy的缸

在弼街落隊道行過去
就會見到幾間文具公司
你可以入去問下丫
價錢又唔貴

Y。 搵到。

係去新基路上﹐弼街及上海街交界果間文具店有。 大約 12-13$ 一尺。

多謝意見.................

如果耐熱...用鹵仔 最好用超光鋁!!!