水草情迷

小弟昨夜返到屋企, 估唔到一個星期無理個缸, 但缸既綠水問題突然變得咁嚴重, 成缸水好似o的蘆薈汁咁綠, 尋晚支鹵素燈無開真係睇唔到o的魚同草, 心諗大鑊, 好彩o的魚又無乜事喎.

今日拿拿臨咁去魚街買左支uv燈, 就係o個隻 twinster 3x, 370大元, 無計, 鬼叫自己攪到成缸綠水咩. 返到黎裝好左, 仲未睇到明顯既效果, 希望會好似各住前輩咁話o的水會變得清到爆喇.

支野細細支, 都唔錯, 慳位.
佢入面支uv膽好似支慳電膽咁, 等我得閒睇下邊度有得配先!

枝 PL UV膽唔平Ｏ架，魚街要 180-200蚊, 係新填地問過, 都要 180呀.
如果長開, 半年左右就要換一枝了.

_________________
多多交流, 多多研究, 多多搜尋
我的水族相簿

我也試過這情況，
你可換3/4水，然後加入PSB，清水定及新的活性碳。
連續兩天便回復正常。

今日返到屋企(綠水事件後兩日), 缸蘆薈汁又變返做清水, uv燈真係勁. 有能力而又有心養草的真係要買返支, 咁咪唔驚藻, 落肥都放心o的.....

我諗都係時候物色返支液肥, ada太貴喇, 今日行魚街, 見支魚博士液肥五十五大元, 唔知各位魚友有無咩好介紹呢?

講開又講, 今日返到屋企, 兩條鯛都死左, 唔知係咪同綠水事件有關呢?
平時餵魚o的虫都係俾燈魚搶晒, 佢地都無乜虫入口, 會唔會係餓死呢?

i want to know the uv light need to turn on 24 hr ?

我廿四小時都開, 就好似普通燈一樣, 時開時關會無咁cum玩, 所以咪長開囉, 又無壞既!

我都想了解下, UV燈 除左可以清除綠水之外,
對魚缸內的藻類是否有相同的效果?
如用了, 是否不用再放 除磷酸包 和 除硝酸包 在濾桶內?

另外,
如濾桶水流大的話, 如 Eheim Professional II 2028,
適合裝 UV 燈嗎 ?

Tks

UV主要用作殺菌同除綠水.............如果O係魚缸內的藻類, 是起不了功效的.............其實任何一隻filter都適合裝 UV 燈.........而你的是eheim......我想....一定沒問題吧~