在大約兩星期前，因閒來和手多多，把36”蝦缸的兩個Tetra 吸水口黑棉除出入廁所清洗，左右兩邊每隻沖洗所費時間不超過1分鐘，所以並無把濾桶關上，心稔好快遮！咁搞掂後插回，無乜事喎。
事隔一日又無聊觀賞該36”缸D蝦仔狀況，點知睇下、睇下…發現小左1隻高檔(白鬚、白腳、白驅，黑心面白包頭)並已抱卵的心中至愛，良久、良久；百思不得其解整個人呆了，心稔為甚麼、點解呢？於是二話不說，把所有可以由缸內移離之物全部取出，但仍未能尋覓到愛妾芳蹤…！！！痛、心痛、慘痛、悲痛、奈何，可以做到D乜野來補救呀…當時曾考慮報案(情緒急降到谷底)！我個缸水面距缸邊超過3”(8cm)她跳缸自盡？無此可能，我對她疼愛有嘉架喎，我並無勾三撘四喎….！？
經多番深思究其因由，最後應該係、大意、疏忽、愚蠢的我一手做成的，總結就係被某邊吸水口抽左入桶內引致消失了，真個喊都無謂喇….！
有見及此奉請各位處理蝦缸時應多加小心、小心、留意而切勿大意呀，否則就會重蹈覆轍！
就因上述情況使我又再深入檢討，默哀後引發出現另一問題，就係某些人士，包括我自己本人，以前經常發現缸蝦無原無故有蝦死亡，老生常談就係缸水出現某些變化所引致！但又有否自我檢討，成日推卸責任賴缸水出現問題呢？查實好多時好似早上起床洗完面，食完飯，飲完茶，做完其他事之後無洗乾淨對手就直接去搞缸水呢？
奉勸各位唔好成日做大喊拾喇….！
本文只屬閒聊而焉，有錯敬請糾正，多謝各位！
登入
註冊
問答集
