水草情迷

本人是第一次養蝦，而家個缸有4隻大和蝦, 6隻櫻桃蝦同1隻藍蝦, 3隻黃金貝, 2棵草, 1個莫絲球
聽人講櫻桃蝦好易繁殖, 我想問下佢地係咩條件底下可以繁殖到呢?同埋點樣分公毑?
如果有蝦b, 咁使唔使移走濾水器?大和蝦會唔會食蝦b 架?
麻煩各位指教一下

1.加潻三角莫絲,令蝦b有空間躲藏,我缸入面都有大和藻蝦,曾親眼目擊大和蝦追殺蝦b,之後我就將追殺者送左比人啦 = =
2.將濾水器水流調細d,因為蝦b會被吸進去,沒必要移走濾水器,只會令水質惡化
3.繁殖根溫度,水質有關,但我都冇理佢,佢都係咁爆蝦b,只是溫度方面唔好太高,最好維持25度左右
4.公的腹甲比較短同窄

唔好意思, 因為我係新手既關係, 我想知三角莫絲即係咩黎架?
同埋我想問呢d 蝦鍾意食咩糧多?
另外,我發覺有d 蝦個身有一"達"好似瘀血既野係個頭附近
咁即係代表d 咩呢?會唔會係有病?
麻煩各位指教下

三角莫絲係莫絲既一種...
其實有莫絲俾佢食同躲藏就ok...
蝦多數食莫絲同一d蝦糧...
但我多數俾d鯰魚糧(姐係d老鼠魚食果d)俾佢地食的~~~

瘀血既野...有無相睇...唔睇好難定係咩野

濾水器個入水位加個濾棉(響fs有的~~~多數$8一個黑色的~~)

"有d 蝦個身有一"達"好似瘀血既野係個頭附近"
係咪即係俗稱ge蝦膏呀?
我果d都有 尤其是大隻果d
唔洗驚 冇事ge

哦.....原來係蝦膏, 咁都冇咁驚
多謝各位既指教
另外我仲有野想問, 我想知d 櫻桃蝦壽命大概係幾長架?
因為我太心急既關係, 我尋日去左魚街買左袋已抱卵既櫻桃蝦
我想知一般要幾耐先會出世?