水草情迷

各位人兄,

小弟幾個月前買了一個套裝缸 Aqua One AR-380 (因為小弟是新手)，但種草種o左幾個月，d 草都好似唔係好健康 (唔出泡之餘，仲慢慢淡色，然後枯萎)，最近兩三個月加了 CO2，d 草好似好o左 d ，但依然係唔出泡，我去魚街問過，人地都話可能係唔夠光，但係佢話我套缸係 fix 死燈o既 watt 數，唔可以話加話就加。

小弟而家係用緊 PL-11W/8000K White (兩腳)，如果小弟直頭想 DIY，換火牛，換燈座，用以推支更大火數o既燈 (e.g. 18w or higher)，唔知麻唔麻煩呢，需要注意什麼，而買料可以o係邊度買呢? 我知唔可以買太大火數，因為散熱問題。

請指教，Thanks。

如果要換, 就連火牛都要換...
如果唔熟既, 就唔好自己攪好d...
如果diy, 用t5係一個唔錯既選擇

昨日終於的起心肝，落鴨記買料，36V 電子牛，24W PL 6500K 管，2G11 4針燈座，手锯仔，動工了，整o左 2 個鐘，終於由 2 腳座變成 4 腳，可以用 18W 以上o既管喇。

而家成個缸都光晒，好期待我 d 草出泡。

which shop to buy? How's the effect? I wan to DIY too!

我o係鴨記 toilet 對面的鐵皮舖買o既，支管 $35，隻電子牛 $45，加埋個座都唔洗 $100，就由原本 11w 變成 24w，好抵！

試o左幾日，d 草草都係唔出泡，我又再爬文，發現鐵質都係光合作用中好重要o既元素，如果冇加，d 草就會好快枯黃，咁我又去魚街買o左支鐵肥液，諗住有光有鐵，仲唔掂硬，如是者，又過o左幾日，d 草都係冇反應。(我之前只加AA的植物營養液，但一樣有枯黃現象。)

我昨晚終於把心一橫，去魚街買o左 set CO2 氣樽，連標頭及所有野 (400G) ，$490，佢話 30L 水用到 3 個月喎，諗諗o下都 ok 啦，唔洗自己成日溝糖，溝完又唔知得唔得，之前都用到兩個星期，而家天氣凍，用 3 日已經氣若游絲，所以買 set CO2，唔洗煩，3 個月先叉一次氣，每次都係幾十蚊，精神時間都慳唔少。

放o左 1 個鐘 CO2 之後，我都見唔到有反應，我以為又要爬文，點知當我關o左個濾水器，餵魚仔食野o既時候，由於冇水流，我就開始見到有 1 個氣泡浮上來，起初以為濾水器打o左 d 氣落水，而家先浮上來啦，點知睇睇o下，越來越多，好多棵草從不同地方都開始嘔泡，嘩!!! 玩o左幾個月草，終於見到成績喇!!! 情況就好似放煙花咁，百花齊放，真係好感動。

我足足對住個缸成 9 個字先捨得上床覺覺豬。各位，我成功o左喇，多謝各位前輩o既文章，這裏真係水草知識o既寶庫!!!

公起

_________________
闊葉螺旋鹿角苔;大莎草;背克椒草

我又手痕, 趁翻缸換泥o既機會, 棄用原裝頂濾, 改o左用濾筒 (Hydor P-10), co2 樽用 Boyu CO2 擴散器駁在入水喉, 咁就唔洗再加多條喉同擴散杯入缸.

而家成個缸外觀冇變, 但內涵完全變晒.

而家唔洗用潛水 pump, 個缸可用空間更多, 入水位由左改o左去右邊 (因為就返我梳化o既擺法).
唔洗好似以前用頂濾咁, 攪到打晒風. 生物過濾又好o左. 唔洗打氣入水面, 所以又靜o左.

最緊要係可以保留套缸o既優點 (外觀歸一性), 又做到養水草o既最佳環境.
呢個改動我真係好滿意, 直頭係 fit.

用CO2加擴散器，已經相當理想，不用再畫蛇添足，如尚嫌CO2不夠，在個樽的輸出控掣位開大此，每秒兩泡或三個泡，咁咪全缸都有曬囉！恭喜完成理想！

可否拍個新缸照來看看?

咁快睇到有成積，可喜可賀

師兄.我都係用套缸嫁..好想學下野阿!
快d post 相出黎比我睇下啦

Very good

我以前都係 AA 套裝缸改個不亦樂乎，掉左兩個頂濾，加兩個 Eheim 桶後再加壓力箱，燈就 PL 同鹵仔都試過，非常好玩。

完全認同你的看法，套缸改到的話，真係又靚又好玩，以下是我的套缸的記錄：
http://www2.aqugrass.com/phpBB2/viewtopic.php?t=66429

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663