水草情迷

選買濾桶最重要唔漏唔死泵和耐用，個桶行 7x24，尤其是中小型缸只用一個濾桶，一有事停泵的話，可能個缸一日都捱唔到！換濾桶也定大廢周章的事情，可免則免。一個 $1500 桶用十年，同五個 $300桶每個用兩年，前者一定係我的首選。如 budget 容許，用兩個中型濾桶比用一個大濾桶更安全，壞左一個都仲有另一個吊住命，洗濾桶時又不用擔心洗得太乾淨因另一個仲有箘種，剛洗完的濾桶好快便復完。

第二要注意濾材量，濾桶有大買大，容納越多濾材越好！如開設較大型的 混養缸, 不妨考慮滴濾方案，雖然不是密封式過濾系統，故有 Co2 流失的可能，但實際長期使用下，可能每月只多用十元八塊的 Co2，實在無傷大雅。若對接駁水喉和常用的灰喉配件有認識，可考慮密封式壓力箱，當超大型濾桶用其實十分好用。

買濾桶其實最後才注意流量，理論是每小時 5-8 cycle, 我認為真的做到 5 cycle 巳非常好，即 100L 的缸選用 500L/hr 的濾桶。濾材量，濾材梳水性能，出水總揚程和抽水摩打的扭力等都影响出水量。跌幾快就係關鍵所在，經驗所見係有Ｄ跌得快，有Ｄ又 keep 得好好。

要留意濾桶流量的廠方 rating 多是以空桶和零揚程計算，所以當你塞滿濾材然後將水谷上離濾桶一米高的缸頂，實際濾桶流量可能一半都無。行了幾個月後，濾桶內積聚大量污物，進一步減 D 流量，到時可能連 1/3 的廠方 rating 都 keep 唔到。另摩打好力與否同摩打的 capacity 是兩樣不同的特性。我們形容摩打好力通常是指高扭力。所以1000L/hr 同 1200L/hr 無乜分別，但 Eheim 1000L/hr 一定好力過大陸 1200L/hr！要留意揚程等數據和你實際使用時所需揚程的流量。高揚程多數係高扭力，亦即所謂較好力的摩打。若因流量過大出現打大風一Ｄ都唔難處理，將雨淋管的孔改大，或將出水口向上或缸邊或甚至加出水口分流也可。

基本上玩混養缸 overkill 套過濾系統都無乜錯，所以太小型的過瀘如 Eden 501 便不適合了。過濾系統其實可分為物理過濾，生物過濾和化學過濾，前兩組多以生物棉，生物環和較密和不易壓縮變形的白濾棉為主要素材，可以說是必須有的；後者最常見的是活性炭，可以說是 optional。

以 Eheim 1250 計揚程 1米流量都減 4 成，濾材密度因素倘未計算在內，D無乜力的大陸濾桶實際流量有幾多大家心中有數。

呢排因為要買返個濾桶既關係周圍去搵資料,但發覺有人話
A. 流量愈大愈好,
B. 大流量的濾桶,因為水流經過濾材的速度太快,並不能提供足夠時間予以作用,
C. 草缸唔需要流量大,唔係d草會打哂風~
如果要養菌的話倒不如用沙樽~

那麼這裡有兩個問題出現：
1.沙樽用在草缸作養菌之用是否可行及有效?
2.各位前輩追求大流量的同時卻又千方百計阻慢其出水量(如機關槍雨林管,加黑棉等),
究竟是為了大濾桶可以裝載更多濾材養菌,還是真的大流量有其作為呢?

謝各位意見,但我又想問用閘制較出水量會唔會令濾桶負荷大左,甚至有雜聲?