水草情迷

本人喜歡養魚,更愛養蝦蟹和貝殼類...
我有12"缸...飼養左一隻1"蟹,兩隻小龍蝦,十隻藍蝦,又有5隻螺仔,一條金琵琶,五條紅劍,一條四間仔...
一個缸有齊魚蝦蟹...
雖然咁多種野混養...但基本上冇乜血腥場面...蝦蟹都各自在自家的洞(假山&沈木)割據...螺仔藍蝦周游缸邊..紅劍四間在水中央自家游...好不自在~

什麼蟹?幾大隻?自己在溪邊捉果d?有Photo嗎?因為蝦/蟹通常會在晚間出動鉗魚d尾巴!

我之前養過魚蝦蟹啦, 蟹會食細魚架wor

我養隻蟹一寸...龍蝦仔3/4寸...都係買ga
有時都會出來格劍ga...不過都會和平結束(因為龍蝦仔有時唔夠抽會即彈閃走)
暫時冇photo...遲兩日post上黎同大家分享~

小弟奉勸你餵飽d蝦同蟹,到佢地識鉗魚時就後悔啦!

當然la..~

好似好鬼死過(引)

餵食時,通常蝦蟹都食唔到,一係你要餵到成缸係先食到
亦親眼見過有鉗o既蝦等燈魚游過時鉗魚尾
蟹仔就剪草食,有背板重慘,成日搵蟹,有次重一齊睇電視添！

你標題係:有冇人魚蝦蟹混養?
好似到依家仲未有人覆話"我都係",你就知其問題所在啦!

依家Ｄ有鉗蝦同蟹仲細，大左之後你Ｄ魚就....... 擔定凳仔都得喇，聽講佢地都大得幾快下架。

我以前都試過.......
有兩隻豆丁蟹,藍蝦及燈魚等.
十分得意......初時,
豆丁蟹很快變大丁蟹,再變巨丁......
d草一夜之間幫你修剪曬變成浮萍,
而且佢會久不久捉你一兩條紅鼻,巴迪斯補一補身
到最尾都要忍痛

聽左以上各位的意見...可見"魚蝦蟹成功混養"只是遙不可及的幻想...

你可以嘗試做第一個成功者.
不過若果你想紅劍成功繁殖, 都幾難.
D 蝦好鍾意地毯式搜索. 搵魚仔食.

我had try養蝦($2一大包) 好快看住0的蝦捉魚食,100條孔雀剩不了多少,最後0的蝦全部人道xx.

都試過啊。鉗蝦好威武的站在水草上高舉雙鉗，捉燈魚。 蟹仔[半寸左右大]擁抱我的豆丁鼠，即時搶救出來，只得上半身 最後還離家出走，算佢走得快！哼！！
建議先除去鉗蝦蟹仔的鉗，都有一個月半個月安全

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。