水草情迷

有關遊戲的語言我個人認為沒必要把問題提升到認同中國人身份與否的層次。只是親切感的問題罷了。

打機當然是為了好玩，部分Game我們去玩只為有種痛快的感覺。這時如果Game是用第二或第三語言，當然沒法玩得「過癮」。如此而已。

在商言商，如果一個Game有個13億人的Potential Market，我當然優先開發針對性的版本，然後才出其他語言罷。想先睹為快就要忍受不痛快的感覺，或者等等才買自已語言的版本。:a

再說，身份的認同是長時間的建立。好像拍拖一樣，不會約會的第一天便談婚論嫁；結婚後的第一天，恐怕過來人都會有些「搬進新的家後，好像正在和男 or 女朋友往外地長時間旅行一樣」的感覺

一個國家十三億人，咁多個省，怎可能一天便愛上她？回歸十年還未夠陪養出一代人。往後多點認識她的優點，或許會有些感情吧！然後是接受她的缺點，想辦法幫助她，或許會慢慢愛上她吧？

( 又或者嚇跑了也未知哩。 )

我諗青頭兄本身唔係想討論"愛唔愛國"呢個問題.......只係見到有咁多人好似唔認同"中國人"的身份又或者"中國的文件"而有感而發啫~
大家可能諗多左啦~

(緬懷過去中)

鈿個果陣...d 大人實會同你講:"學好 d 英文啦,唔係實比人睇死,無前途,打死一世工都無發達傢.........."(喺階級觀念咁重的社會,咁樣諗係無可厚非的,鬼叫你係比人統治的時代做緊下等人咩)

讀書果陣...最憎讀中史(中國以前咁屎),成個學期都係講中國以往的慘痛經歷,有邊次唔係比人打到嘔泡傢?相比西史(威水史,雖然唔係所有西人都咁勁)的話,以一個細路黎講,你會想自己係中國人定係西人???

識得出街浦果陣...見到 d "竹昇仔/竹昇妹" 好唔抵得,又有錢,又 talk 得,身邊既人非富則貴,或多或少都會有 d 自卑感, 有邊個夠膽大聲講"我係中國人"???

喺社會工作果陣...老闆大多數係西人, 身邊既同事又大多數以識講英文而自豪.有待權,有職升,有人工加,仲有得玩你......(果陣有邊個唔係叫大陸人做"呀燦"傢???邊個唔係返大陸玩扮大爺傢???)

為人父母果陣...有 d 錢既家庭,有邊個唔想個仔女讀國際學校?? 以滿口流利既英語自豪???

到而家...有邊個見到大陸人隨街"放飛劍",係迪士妮响洗手盤"方便",財粗氣大,有錢大晒........呢 d 行為唔講粗口??

有細到大,潛移默化........香港人就係一群有缺憾既人,缺少左民族意識,缺少左"安全感",缺少左"身份"的人,難免會助長"走捷徑","咩都要快","最緊要搵到錢"呢 d 風氣........搵食艱難,家陣有邊個香港人唔驚比大陸人搶走個飯碗先??? 自相殘殺中,仲有邊個有時間"尋根"???

(以上的感受係好"主觀",但試問有幾多人可以"客觀"去處理問題??? 以少數服從多數的習性去睇的話,係需要好長的時間先會有改變...)

不過事實歸事實,到現今中國的發展的確係令人意外既,雖然有好多野都仲係 "得個殼",但係只不過係時間既問題,以我所見(由於工作的關係),內地的大學生同香港的大學生相比,經已係超班傢啦....內地"真係"幫手發展國家的官員的質素同香港的官員比較,大家又有眼睇...就連日常生活遇到既 sales & waitress 好過香港既........

咁多歷史既問題,社會既問題 & 時間既問題..........與其"兄弟相認",不如自我檢討同衡量一下本身的競爭能力同價值好過啦.

一睇就知你未有用腦諗過過問題
問題係國語吾係我地定,根本吾係自己母語
用國語的確係因為大陸人口更多,而且台灣都可以一樣咁賣
但以用家角度,理佢因咩理由先有病!世界上會講英文既人比法文既人多,咁係法國賣英文game,相對起法文game,你以為邊樣d人會鍾意d?
有病?買既人為賣既人去諗理由自有病!
更加有病係諗到d完全吾關係既野
日本動畫如果賣英文版都一樣會比人要回水,美國電影如果係香港放日文版結果都係一樣,咩都拉去愛國?
試下港產片放英文版睇睇有幾多人會講想死

其實有必要講到咁燥咩?一開口就要沖住人黎講,咁又點討論呢?唔該講野之前除左用腦諗過過問題之外,加多少少禮貌啦,唔該!

其實係香港賣普通話遊戲,就外國人公司黎講我覺得都可以話係合理。因為佢地開始有個諗法,香港係中國既一部份,咁中國咁大都係用普通話版啦,所以好自然就將香港都歸納入去。

我去旅行時識左幾個外國人,你會發現要佢地搞清楚 中國台灣香港澳門既分別, 繁簡體既分別都比較難。我了解樓主既慨嘆,也明白到現今大多數年青人思想上既單薄(我身邊大多數的朋友也是如此,沒有打算,沒有看法,沒有夢想,只知道玩和溝女)。基於對他們的認識,我想樓主是太多心了, 這個"想死"問題對他們來說並未能上升到愛不愛國這樣高層次呢, 可能當時只是一句輕佻的一句, 就是這麼多, 只有這麼多了。唉...

好有可能會接近香港甚至超越
咁香港d經濟就慘~~

中國內陸經濟起飛，好有可能會接近香港甚至超越，如果作為中國人，會覺得自豪的話，無人會覺得自己不是中國人

是誰令國家富強, 是誰令人民豐衣足食, 是誰令炎黃子孫龍的傳人站立起來?
這個簡單問題, 如果不知道答案或找不到答案的話, 會否是一個笑話呢?

剛剛相反至真
你試下係大陸用港紙就知咩事
你又試下唔俾貼士睇下會點