水草情迷

想試下diy CO2...
但係唔知個樽幾大...diy既份量又要幾多？
請各位幫幫手....

我果個係12"缸....
有莫絲，矮珍珠...兩種唔知咩草...
有差唔多20隻蝦....
咁要幾多CO2好？

我都係12"缸，最初用diy 1.25L樽，co2出氣量對細缸泥講太多，一兩小時後D魚已經浮上水面呼吸，你D蝦可能早就無哂，之後改用500ml，出氣量剛剛好。
1/4樽沙糖+3/4水糖差不多溶哂就+3/4至1茶匙乾依士粉(想多氣就加多少少)
我就3/4茶匙已夠，半個小時有氣出。

okok....
咁等我試下先....唔該晒ar！師兄！

其實個樽既大小關係唔太大，最緊要係落幾多酵母(乾依士/dry yeast)!
只不過係大樽小酵母可能等幾粒鐘到一日先有氣出!!

我14"缸密植莫絲&矮珍珠+1棵鐵皇冠+數棵蘋果草+3棵迷你水蓉。
但因為比較懶，唔想成日溝，所以用2L樽，加1/3沙糖，加水到3/4，再加1茶匙乾依士粉，用到1個月多D。約4個鐘之後便開始有氣出，矮珍珠&鐵皇冠&水蓉都有嘔泡
(嘔泡 = 水中氧氣飽和)

我養紅水晶都無問題，照可以抱卵，有蝦B

咁o者係樽既大細冇咩關係.....
只係落幾多酵母同糖....
如果唔想成日加或者溝....用大d既樽都冇問題？？？

但係會唔會因為太大個樽....出泡出得太多....d蝦會死呢？