水草情迷

其實出呢個 post 都想知道女魚友在什麼環境下開始鐘意玩水族

會唔會係男人唔明D sales 講野都會話明然後自己返屋企去學....但係女仔就會不停咁問.....反正大部分魚街D sales都唔係真係識咁多野, 所以佢就會拋一大堆專用詞出來.
而老點呢樣野就無分男女, 老細話要咪要囉, 揾飯食者, 唯有自己小心D囉
我最俾人老點就係第一次開缸, 12"缸仔10L水左右俾人點左買 2包 ADA 3L 泥, 不過好彩之後都有用, 哈哈, 半缸係泥喎老細

屋企唔比養狗;唯有養魚 ;初頭都以為好易養;佔ge空間少 ;又唔會周圍大小二便 ;點知.............

我真係自發性去鍾意ga,
男友養魚都係見我養左一缸魚仔而開始,
之後我都唔知點解,養下養下,一缸又一缸,
then 一架又一架,
不過講真,玩水族真係好需要人支持ga,
如果唔係男友支持,
我一早比老媽子推翻左啦~!
我記得個陣時為左買一條魚,
衫都唔夠膽買多件呀~!
之後又唔知點解,
唔只玩魚,咩都玩lu...........
直到現在...............

我以前毒我女友養魚...
教佢養一晚水！開頭都無事...
到佢自已換過一次水之後.....
就....d魚同缸比番哂我喇

我冧住毒下d friend養魚;同佢買完魚;叫我幫佢養住先;就黎一年do唔link;激死人

抵你

其實我是覺得唔知點解有部份的主題街好似仲好分性別咁
好似深水步的電腦商場、鴨寮街，多數都是男性為主
如果一個女仔入去行，感覺好怪咁
有時走去問下野，佢地就會講好多專有名詞
一般傻下傻下的女仔都未必聽得明

養魚、水族，我覺得應該是中性一點的興趣
基本上無乜分性別的
但是就我所見，一般有養魚的女性對養魚的知識水平仲係維持在亞媽果陣的理論
就好似我岩岩養魚時，都碰過不少灰
到想認識多一點時就當然去魚街行下睇下
點知初時都是像去電腦商場咁
店員又係講好多你無乜可能會明白的東西出來
再想深入了解，而又唔想有 hard feeling 的話就唯有買書看
近幾年當然有了 forum 方便很多喇
想識多點就可以勤力點刨多點 post

最近去返魚街行，都見到有女仔去看的
但大部份都是有男仔同埋一齊去
真是好少見到有單身女仔沉迷地看
我都有去問店員一些好普通的問題
得出來的態度好像和之前差唔多
一係問一句答一句，一係一輪咀講一大堆新手未必聽得明的問題
唔知係咪因為咁樣而令好多女仔唔會獨自一個去呢？

我覺得女仔在玩些技術性的 hobby 比較困難，去問人時點都需要時間去消化，可能我問問題時比唔到即時的反應出來，所以 d sales 覺得我1都唔知有無心去聽的，所以問多兩問就開始拋一大堆專用詞出來，開始玩電腦時係咁，去鴨記睇工具係咁，就算去 sony 買野都比人
老點
有時都覺得興趣呢家野原來都有性別歧視的，所以有時要做好多 research 先好一點
今次個缸我就要花多點時間來慢慢搞，好多以前學到的都唔記得晒，要看返多點才有返點記憶，不過看完 post 後就覺得自己好 out 了，咁都好的，又學識左好多新野，吸收多點來消化下再慢慢應用

其實並非所有的技術性話題是必須的, 基礎性如 n-cycle 最好儘力啦, 但大部份其實只需要明白應用層面 (what 和 when) 而不需入到技術層面 (how) 的, 記住這是取向問題, 不是個人不足, 所以千萬不要因此而不舒服. 我從未見過去買 Benz 跑車的女仔比 sales 窒唔識野, 所以個 sales 解釋唔到應用層面而大拋技術書色的話, 是個 sales 有問題, 唔係你有問題.

另外互聯網亦起了很大的協調作用, 多了請教之門賂, 現在最怕的是你無心玩, 有心的就唔明問到明, 讀多兩次問多兩句, 一定掂的!

我女朋友雖然自己唔養魚, 但佢都幾支持我養魚(唔知點解佢話我屋企條3~4吋長的金青苔好Q), 而且有時都會陪我行魚街, 佢有時都會話D魚好得意叫我養...

好似今年我生日, 佢知我鐘意玩魚玩草就問我洗唔洗買D魚缸設備當生日禮物, 咁我就話暫時D野都OK唔駛啦推左佢, 雖然女朋友唔玩, 不過有個人支持自己就真係好開心!!

PS. 不過花子你身為女仔竟然敢去清洗一個幾年無行過的濾筒真係勇氣可嘉!!