花子 寫:
佢淨係鐘意睇電視，幫佢錄漏節目就會呱呱叫
我等左幾年那缸大魚終於都死淨一條，所以而家唔理咁多，重新投入返我鐘意的水族世界
等左幾年.....照顧批自已唔鐘意的魚終老，好偉大呀，真係要比 10 個叻你！
多謝你先 ^^
講真丫，點唔鐘意都好，都係生命，點都要養埋佢地過世，而家淨返一條搬左去個 17"缸，反而多左時間去睇佢，而佢又好識得點樣引我注意，原來感情不知不覺間建立左，都幾得意
花子 寫:
我就是果3成聽左唔係咁明都聽住先的人囉，最後都是覺得比人老點，但是又搵唔到人問之後，無辦法之下終於都失敗左。
講真丫，開頭聽到佢地講一大堆化學名詞時，真是有點後悔返學時無好好上堂。跟住唯有惡補睇好多呢方面的水草書，其實睇完都仲係一知半解，諗住買齊晒所有野就應該無問題喇，點知真是好多環境因素都是唔得，而且開始時投入了太多資金了，好怕再繼續比人老點，身邊的朋友又不停潑冷水，想找些真正可以幫到手的朋友又找不到，都幾心淡下
今次再接觸返水族的資料時，才發覺原來呢幾年變化真是幾大，器材平左好多，有關的 web site 好左好多，所以有個動力比我再試多次
粹是主觀的觀察所得，可能因男女的重點和取向唔同，所以班 sell 慣比男性顧客的 sales 一下子轉唔到台，便會咁樣拋書包了。男性玩 hobby, 某情度上要有一定的技術性挑戰和控制因素，在克服技術難關和成功 gain control 的過程中來培養自已對 hobby 的投入，但女性玩 hobby 則對這兩項因素較淡，她們對數據和技術層面方面會選擇較實用性的知識而不會鑽研理論，較小追求硬件上的滿足，但會選擇買件好D嘅唔駛煩。所以玩攝影男的會追新機買大光圈鏡，女的會較隨意和多從個人喜好挑選題材，玩影音的話男的會玩機而女的會多睇 (影)和聽(音)。好老實說，對你所說的將一大堆化學名詞掛在口邊的 sales, 我十分懷疑佢知唔知自已講緊乜！:-n04
呢幾年水草這 hobby 真是成熟了好多，特別是大陸出的水草種植書，其中一些圖文並茂，確是對鐘意睇書的新手幾有用，有了概念後上網討論和發問都事半功倍。其實你在之前開了頭，今次重拾舊好應該唔難，加油呀！
我覺得女仔在玩些技術性的 hobby 比較困難，去問人時點都需要時間去消化，可能我問問題時比唔到即時的反應出來，所以 d sales 覺得我都唔知有無心去聽的，所以問多兩問就開始拋一大堆專用詞出來，開始玩電腦時係咁，去鴨記睇工具係咁，就算去 sony 買野都比人老點
今次個缸我就要花多點時間來慢慢搞，好多以前學到的都唔記得晒，要看返多點才有返點記憶，不過看完 post 後就覺得自己好 out 了，咁都好的，又學識左好多新野，吸收多點來消化下再慢慢應用
登入
註冊
問答集
