水草情迷

我昨日買了兩條紅鼻回來, 我同老婆都好鍾意, 今晚正與老婆一起欣賞個缸, 剛剛見個兩條紅鼻生生猛猛, 唔夠兩分鐘見到條紅鼻在缸底己經唔得了,見它的美部像被襲擊. o 依家宣報死亡. 我諗應受到攻擊, 請大家協助找出真兇, 那兇手應有其他案在身, 因今晚拜年回來, 見到條米奇老鼠死在缸底, 本來以為它是自然死亡, 但現在回想起來,它的死狀如紅鼻好相似.

本人草缸內有:

螺, 蝦,
燈魚
班馬
蛇魚
孔雀
紅鼻
小精靈
飛狐
(有條唔記得咩名, 型狀似石班, 藍色間條, sales 話它可以長得好大條, 大條到好似倉魚咁, 但它的身形得紅鼻的2/3)我諗好可能是它, 它經常係d草底.

請各位如有任何線索,請即與本人聯絡, 一定要把真兇繩之於法

應該係蛇魚吧,唉!其實你新set缸唔應該放咁多魚落去,所有生化都夫建立,冇可能唔死魚,我諗接住仲繼續有魚仙遊.暫時不要再買魚了.經常見到魚死掉,其實心裏都唔好受0架.
只是依話直說,別介意.

多謝提點, 我昨晚監視左好耐, 相信係0個條藍色有黑色豹紋的魚做的好事, 買它時個sales話它大個左會咬魚, 我諗住俾個機會佢重新做魚, 點知佢地唔生性, 我見倒佢兩個分別在我缸的左右後方盤踞, 陰陰濕濕, 有魚走近, 佢會失驚無神咁發難追魚咬.

我和老婆昨晚試過捉佢地出來繩之於法, 但係佢地好狡猾, 係d草後面, 點都捉佢地唔到, 為左唔會再有兇殺案發生, 請各位前輩賜教, 點樣把佢地秋出來.

果條係咪非洲魚 bb ?

呵......果條咪係亞里囉~(如果無記錯,重有同種既,皇子果D)
小弟第一次養魚就養著佢地~
身形雖少,但就惡到無比.....
見住佢既同類俾佢打到半身癱瘓,仲要整個勝利既姿態咁
係條魚上面遊幾個轉~
最後再加速,用上最後一擊ko.......
養呢類魚真係要小心.....
有錯請指正~

應該係佢啦, 佢同藍鳳凰, 橙鳳凰果d應該係親戚......
睇黎你都要攞起晒d野, 放水先捉到.

班馬都有可能

斑馬都有可能, 不過要好肚餓先會~~~
我估都似係個條不知名的魚, 聽個款都似王子呀,阿里呀,藍斑馬, 0個類魚了<===殘忍到不堪~~~~

我都估係"藍黑間魚"lo
雖然斑馬有時會猛追住燈魚同孔雀條尾
但絕不會傷害它們
其它魚我想冇可能吧

Patrick,
蛇魚不太適合在水草缸因為它會鑽泥。
藍色一間間的我估是藍鳳凰, 是屬"間"性水和偏向硬水, 你的ada泥是令水質帶酸和軟, 未必養得耐。及脾性兇惡。
班馬脾性較兇惡會追打魚, 不過不是100%有時可以幾順。
孔雀小心會燒尾, 因酸性水, 它水性是中性。

好開估, 我今日專程到魚街調查, 去番買魚間舖, 原來0個條魚叫鵝頭班馬, 或藍班馬, 今日返到屋企, 又死左條孔雀, 另一條尾部已受重傷, 看來命不久已, 一恕之下就進行捉兇手行動, 執行行動的隊員就係我同老婆, 老婆負責情報(即係睇水), 我負責執行, 呀!天網灰灰, 其中一條居然夠擔游上水面, 我就立即手到拿來, 搞掂, 立即把牠放進停屍房,同受害魚一齊.

另外一條被通緝魚, 非常猾, 在沈木低死都唔出來, 搞左好耐, 終於收隊先, 因為搞到我條腰都好鬼痛.

皇子,班馬,重有好多惡魚,不能同孔雀一齊養.

斑馬是一種好惡的魚........我估係佢
之前養佢果陣,都不知死o左幾多魚........T.T

用兩個網捉，成功機會大好多會

哈......講講下~
有咁多受害者,睇黎呢種魚都無咩可取之處囉~
遲早可能係魚街絕跡囉~~