大家d相都好正wor! 在其他網分享左整個行程, 在此也post一下, 希望幫到有機會到台灣旅行的網友!
前言:
今年去第二次旅行lu, 其實來的突然, 是預期之外!
事因4月頭我的姑丈把一封信給我, 原來是一張coupon, 免費可換取台北或泰國的機票! 他因工作的關係不能抽身, 所以就把coupon給我了, 而且coupon在4月中要confirm 起程和回港的日期, 一時間要在一星期內決定所有的東西, 也要找找我另一個姑姐, 和她夾一夾時間......最後我們決定了30/5出發, 3/6回程的5日4夜台灣之旅(哈哈, 因為我3月才去過泰國, 所以不在我選擇之內!)
我們一家人其實在7年前都到過台灣, 對台北的感覺一d都唔好, 除了食野, 台北真係冇咩好做; 又因為上次是跟團, 去景點的時間少, 聽講座的時間多, 真的討厭!
今次自由行, 我問了很多到過台北遊樂的朋友, 淡水, 九份, 野柳等是必去的地方, 另外我想到一些比較relax和舒服的地方, 上網search過, 最後就選擇了台中的清境了!
台中清境農場:
清境 - 在台灣的中部南投縣的山區, 四季分明, 看雪, 看花, 賞楓, 食水蜜桃, 樣樣都可以 :
http://chingjing.twtrip.net/index2.html
由台北到清境, 車程大約5小時, 未計等車和轉車的時間! 台北乘客運坐往台中,再搭南投客運到埔里,在埔里搭南投客運往翠峰或松崗的班車, 之後call民宿主人接你~
我沒有選擇這個方法, 因為要拿住行李, 又要轉幾次巴士, 又不懂路, 去到清境也沒辦法到處遊玩, 因為我沒有車牌073.gif 073.gif
最後我在網上book了豐田農場,
http://www.fengtyan.com.tw/home.htm 也參加了他的套裝行程, 由台北車站, 坐豪華巴士直到清境民宿, 還有農場主人駕車帶我們去幾個景點: 青青草原, 小瑞士花園, 合歡山.........2日1夜, 大約每人$800(包車, 住宿, 用膳, 入場券) 算是合理吧!
DAY 1
早上6:30已經到機場check-in, 8:10am起飛, 9:30am 已經到台北桃園機場了, 因為太早的原固, 過關好快, 在機場兌了錢就坐飛狗巴士到我預訂了的"國聯大飯店",
http://www.unitedhotel.com.tw/
(選擇這酒店, 是因為它鄰近國父紀念館捷運站, 也因我太遲才book酒店, 最後才選了這比較貴的酒店, 大約$880/晚) 我們都幾滿意這間酒店, 因為可以早check-in, 房間又大又乾淨!
放下行李, 撇下我的女朋友(5D), 就走到台北街上去了; 手上一本借來的新版"台北旅遊全攻略" (絕對推介, 有地圖有相, 有店舖介紹, 交通資料又準, 我第一次去台灣都攪得掂! 正文社出版) 去了度小月吃了個下午茶, 擔仔麵, 炸豆腐都好好味, 也去了porter, x-large, graniph (
www.graniph.com)度入番d貨, 行呀, 買呀, 又到夜晚!
去了一間叫"就是好客"的日式料理醫肚, 大約$150, 任食日式炭燒, 真係用炭wor, 好好味! 食完再去埋誠品, 就回酒店pack野, 預備明天到台中了.......
第一天, 幾不多一張相都冇影過, 因為我女朋友全程在酒店保險箱, 哈哈!!
DAY 2
早上5:30 morning call, 6:00am就要check-out, 拿住酒店預備好的早餐和行李, 乘捷運到台北車站找那架直通豪華巴士了~
豪華巴士真的幾豪華, 大巴士得24個位, 座位是飛機的頭等位; 最後原來只得6個乘客就開車了, 正!!
5個小時的車程, 中途停了兩次, 加油站附近竟是大商場, 我可以食埋lunch, 唔怕肚餓! 車上一路聽住iPod, 一路看風景, 有時又訓下覺, 好快就到清境了! 到其餘幾個乘客都下了車, 我和姑姐都要起來問問司機幾時到豐田農場, 原來豐田農場在比較高的位置, 下了車, 還要等農場主人駕車來接我們! 大約12:00pm, 終於到農場了, 一下車, 嘩....好清新的空氣, 亦都好清涼, 大約20度左右, 夏天真是個避暑的好地方!
到達後, 第一件事就是.........付錢, 之後就到我們的房間! 房間不大, 不過都幾舒服, 幾乾淨, 唔錯!
大約1時, 主人就駕車接我們到"青青草原"了, 這裡可以看看剪羊毛, 騎馬, 餵下羊咁, 又有大草地, 幾寫意!
在草原逗留了兩小時, 就離開了, 在草原的出口, 我們買了兩個比香港還貴的水蜜桃($12/個), 一口咬下去.........好"林", 超多水, 仲多過西瓜, 同香港的很不同, 有機會一定要試試!!
我們開始步行落山, 由"青青草原"到"小瑞士花園", 慢慢行大約要半小日時, 沿途景色優美!
到了"小瑞士花園", 太陽伯伯突然離去了, 一陣子整個花園都是霧, 還下起大雨來!! 到5:30pm, 主人就駕車接我們回農場了~
6:30pm, 農場已經預備好晚飯, 3菜一湯, 白飯任"裝", 好有住家菜的味道, 清清地, 好味!
8:30pm, 主人就叫我們到餐廳享用宵夜, 蜜糖蛋糕, 一壺玫瑰花茶, 聽著7,80年代的英文懷舊金曲, 一切煩惱盡消~
宵夜後還可在農場看看四周看看星! 好寫意!!
DAY 3
4:50am 起床看日出, 諗住睇雲海, 不過就睇唔到lu~
日出半小時, 霧水打的很快, 我部機, 我d lens............好快我就帶它們回房間了, 回房前拍下了露珠:
7:00am 早餐, 就出發到合歡山了! 主人一路駕車一路介紹, 還不時停車讓我拍照! 合歡山有3千幾米, 山上得16-7度左右, 我一件長褸都冇, 凍死我! 好彩又冇病! 山上開滿高山杜鵑(和香港的不同, 細d), 不過山區天氣大變化好大, 一時大太陽, 一時好大霧! 有時還可腳踏浮雲!
大約12:00pm, 我們就離開清境了, 又要坐5個小時巴士.........沿途天氣一時大雨, 一時天氣極佳, 我在車上都忍唔住隔住玻璃影了幾張!
回台北的酒店check-in後, 就到台北101的 WASABI(4樓)食自助餐, $180左右, 多野食到爆炸!!
DAY 4
最沒有PLANNING的一天, 本來想去九份+野柳, 點知姑姐話去過, 唔想再去; 臨時改去北海岸, 在台北車站乘皇家客運到金山, 差不多1個半小時, 不過去到金山, 找不到玩滑翔傘的地址, 半小時後只好放棄; 後轉乘淡水客運到白沙灣, 麟鼻山, 嘩..............好曬呀! 我full gear出動, 差d中暑!
不久, 我們就決定去淡水看日落了, 在淡水行行市集, 有街頭表演, 不過那時任何東西都吸引唔到我, 因為實在很重, 很熱! 只好找一間coffee shop坐下, 食下午茶! 之後坐紅26巴士到漁人碼頭看日落, 仲有magic!
大約8時, 食了一塊大個頭的"豪大大雞排"就走了, 回到敦化站, 再去通化夜市掃街就回酒店了, 整個人都散了!!!
DAY 5
10:00am起來, 吃完早餐就到中正紀念堂逛逛, 不過原來封了, 只在堂外拍下記錄相就走了, 捷運隧道有攝影展覽, 也隨手拍下來:
大約2時就乘巴士到機場回港了!!!
後記:
5日4夜 如要到台中的話真的太短! 其實真係玩的得2日多d, 唔夠喉!
好喜歡清境的純樸和清幽, 就像未被污染的世外桃源! 農場主人熱情好客, 同城市人好唔同! 山上天氣變化好大, 大太陽, 大雨, 一日幾次, 最快試過由一舊雲都冇的藍天, 10分鐘內變成厚雲還下雨! 就算是夏天, 山上都係得10幾度, 切記要帶衫!
台北有左本天書就邊都去到, 唔駛跟團, 自由自在~
今次Full-gear出動, Canon EOS 5D, 17-40mm F4L, 50 F1.4, 100mm marco F2.8, 580 EX II, 碳腳, iPod80G連camera connector!
不過原來80%相都用17-40L影, 100也佔了15%, 其餘5%才用50 1.4, Total影左300張相左右, 一路影一路delete, 一張4G card都打唔爆! 有電池夾的5D完全未減過一格電, 下次去短trip都係唔好帶咁多野去啦!!
登入
註冊
問答集
