水草情迷

又係我呀,我有一條中等身型養左一段日子既頭尾燈呢幾日個口係咁開開合合,餵食既時候亦呢埋唔出黎,平時勁搶食嫁
佢個口下面個位凸左出黎,見到有粒紅色類似魚糧既野係入面,
請問佢係咪食唔到粒糧又吐唔返出黎?我平時餵開bbs同普通魚糧,
佢係咪冇得救嫁啦?有冇辦法幫到佢?唔該晒!

如果係哽親的話,請你影張相出來看看,我未見過魚硬親的樣子,除了比魚鈎釣中,基本上吞唔落的東西,條魚唔會夾硬吞,以前用珊瑚沙時,d魚將魚糧同沙一齊吞下,都可將沙吞返出來.而且魚糧浸了水後,會變軟,時間耐了會溶,d魚糧浸得一日多,d魚一吞一吐都會散開,你條魚己幾日,應該係病了,以前我的紅蓮燈同孔雀都見過咁樣,你見到口內的東西可能只係口腔裡 面而己,我看很難救,睇下其他高手有沒有藥教你用啦

[b]可能甩

_________________
穀精系列：霧島產穀精、鹿児島產朝日穀精、日本產穀精、日本白玉穀精、玻利維亞穀精2000, 2002, 2004型、南美Mini Taco、聖弗朗西斯科穀精、印尼蘇拉威西穀精、印尼火燄穀精、香港尼泊爾穀精、越南芒楊縣穀精......

今日捉左隻飛蟻連翼成寸長，一掉入缸，條金三角燈就「輯」一聲食左，蟲頭入先，有成半ｃｍ翼吞唔哂，但兩三個字之後咪餵魚咪又冇事食埋一份

sony兄都講得幾婉轉架啦，講得衰ｄ，如果真係哽左o野，一係就吐，唔得就死架啦，捱唔得耐。今日我條金三角都唔知係吞得哂定被其他魚監硬成條蟲扯返出o黎

記得當年屋企有條菠蘿，後來市場出現金塘蚤，見佢細細條咁可愛（加上年少無知，唔知佢終須有日龍穿鳳 ），買左一對，但估唔到條菠蘿都好識貨，一啖由尾咬住就吞！咁就好明顯知道佢唔學得蛇咁識食啦，被塘蚤對胸鰭卡住喉嚨唔上唔落，沉左o係底度半死，好彩被我發現，於是用條竹起勢追趕下，佢先吐返半條會郁o既塘蚤出o黎

_________________
我ｄ缸：
30" x 14" x 22" ＋ 幾個缸仔
ex120，t5ho 39Wx4

我ｄ魚：
三間鼠+新燈+櫻桃燈+黑裙+燕子美人+黑摩利+班馬+金翅珍珠鼠+印第安鼠+紫羅蘭鼠+精靈鼠+白雲山+金三角燈+琥珀燈+紅衣夢幻旗+小鬍子+紅肚鉛筆+火焰熊貓+安瓊

死馬當活馬醫，捉佢出黎同佢按摩下個咀，睇下得唔得，唔得妳又肯定如妳所講，用鉗睇下鉗唔鉗到粒糧出黎，叫做做過下野，好過睇住佢死，其他睇佢造化。

骨子兄的意思是否用條竹追趕,嚇一嚇條波蘿,等佢吐返出來,原因係佢自己唔知要吐呢,我以前細個初玩魚時,好迷金波羅,,佢個咀好似係細d,食蝦乾都要咬住慢慢吞,成日有半隻哽係度,都驚佢哽死架,我轉咸水魚時,放一隻蝦落缸,條摩本身細條都係哽住成好耐,但都會吞得落,我個住客條狗仔鯨吞左成條金老虎,第二日都吐返成堆野出來,由此看來d魚係好難哽親,至於係未魚糧哽係度,我認為不是魚糧,浸左水咁耐,係條魚口內咁耐,都散哂架啦,我有一看法,大家唔好笑,由條魚正面看入去見到的,應係口腔內壁,很可能是條脷,大家食魚頭都見過條脷,我估係咁,如果鉗佢,可能更加傷害佢.
係呀,你看清楚條魚個身有沒有比平時漲左同有魚鱗鬆鬆地,如果係鬆鱗病,個咀都好多時會張開合不來,紅蓮燈就常有這情形,咁你就同佢講聲阿彌陀佛啦

sony講得冇錯 佢而加立鱗加上成個魚頭腫晒啦,好可憐
而加放左佢去個9吋清缸度加左少量黃粉,不過睇怕都...
立鱗係咪會傳染嫁?同缸其他魚洗唔洗都捉出黎落藥??

我以前問人呢種病點醫,答案係冇,太難了,比佢早點安樂死好過

_________________
友朋知所剔，何患少交遊。

其實樓主問d魚有乜病痛時,應將全部異樣的情況講出來,多種病徵觀察下,才可準確講出係乜病,起碼唔駛要搵黃師父醫跌打