水草情迷

見個草缸得果幾條三角燈冷清清, 终是去魚街用18蚊買一袋紅蓮燈番嚟熱鬧吓個缸喇, 點知....一日死三四條 , 係咪呢d平魚死亡率特別高, 有菌?? 6蚊一條果d就成年都冇事, 唔通平嘢係差d? 有乜辦法能夠養得好呀? 唔該指教

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

袋魚死亡率特別高係岩
不過一次過加咁多魚先係問題
你個缸又幾大?

多數都是特然太多魚了

我三年前開始玩返魚,就係買一袋袋的燈,18元100條死得好快,冇次掂,問間店,仲嬲,條肥妹話係用來餵魚,我以後唔幫佢買,30元一袋50條好d,你買大條一d,我問過一個專家,佢都係同你咁講,係缸度d魚己定好多,仲有係個袋度,d魚的排泄物由咁多條魚放出來,跟住又自己又吸返,對水都冇用,己經中左招,仲有紅蓮燈係咁多燈最weak的一種,稍有不慎,都死得,fs中間有一間我見佢擺係到個缸,成缸燈好靚,個多星期去到,差不多成為癈墟,我二年多以來,一個月起碼死過百元的燈,買返來幾日又死清光,今次由咸水魚轉返淡水以來,己個多月了,一袋30元50條,一袋18元100條的,仲有很多生存,算最好今次了,去水x世界買的,覺得佢的好c

袋裝魚係咁
袋裝魚只好買四間班馬生命力強個d
紅連燈養定都會死
反而缸畢新品種紅連燈可以養3-5年

我六呎都未敢一次加幾廿條魚，佢地講得岩，除左餵魚我唸唔到點可以一次買咁多魚，根本就實死， 係個袋處以經注定要死…… 又唔好話佢地真係易死，真係咁易死就養唔到咁大賣比你啦，只係器材環境比唔到佢。

買袋魚，由其係明顯唔夠水，多魚，或者大魚，其實有個 trick。 就係對水時要立刻放可除亞麼尼亞既定水劑， 因為佢地係個袋咁小水一段時間，其實以經有大量既 Ammonia， 只不過由於佢地不停呼吸， CO2 含量就不停上升， 水變酸咁 Ammonia 變回 Ammonium。 但係你一開袋 equalibrium 便開始， 水好快就會有毒。 我唸好多人都試過一對水就開始死魚，又或者對完水無耐就死， 原因就係咁簡單。

_________________
Bye Bye Mash BB! 你要保重， 你永遠係我既乖BB。

原本袋的水咁快變返有毒,咁不如對左水溫,一開袋就唔要d水,即放魚落缸仲好d,起碼淡水魚少驚一樣就係咸度

我個草缸打成 40ppm CO2， 對少些水有些魚都唔得。 雖然一般唔會有事， 我都係對半個鐘到， 但係試過唔記得咩魚， 對水對左半個鐘落缸， 一落缸全部即係浮頭， 搞到又要捉番哂出尼狂打氣，再對成兩個鐘先落到缸。

_________________
Bye Bye Mash BB! 你要保重， 你永遠係我既乖BB。

你個缸落左野,水質同人地賣魚的唔同

我一向都係買袋袋魚，貪佢平，唔知係咪好彩，死亡率一向好低。
如果係魚街買，都係4條一袋，飛狐、小精靈之類，對好水就冇問題。
如果係天光墟買，50條一袋，咁就大陣象一d，早兩日我會起定個臨時缸，有泥加氣泵，40L水左右，買翻黎對一次水就成批放入去，第二日開始分三日落缸。
對上一次係三年前買既新燈，$2.5一條，養到依家重有三十幾條，去缸買邊度有咁平。
無可否認缸中魚一定好過袋中魚，不過功夫做唔足，缸中魚一樣死比你睇。

samwat兄, 雖然唔知你呢個缸有幾大，不過較大可能性都係一次個放太多魚之故。

其實成日都見話買一大袋果Ｄ紅蓮燈都傷忙

_________________
養緊鯛、養緊酋長、學緊養鯛、學緊養酋長；日日學、點解學極都學唔完！

水族圖庫

多謝晒上面各路英雄高見 , 我個係24"缸, 落缸前淨係倒咗袋水, 就咁放晒落缸, 賴冇對水囉 , 可能已是致命原因之一, 第二發覺死去的燈, 大多數魚身背部先出晒一笪笪白色(算唔算是白點?), 會唔會係袋入邊已受污染呢 ? 加上用草燈太光會唔會對魚有多少冇咁好? d魚鍾意呢埋係沉木d陰位多

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

沒對水已經係死亡大因
仲要袋魚.....
鏍絲兄想袋魚不死之迷
除左佢係高手外,係有係佢所有準備功夫做得好足
當然仲有佢選魚功力啦
買袋魚有太多不明因數
小弟我約年半前開缸
30條袋魚經連燈到現在只有2條在生
但果28條7成係頭一兩個星期死晒
但相返的新燈一條條買每次3條3條咁加
到現在9條都可以同佢地做生日啦

我比較認同老柯三點原因,因為我以前死足二年多,但又好鍾意紅蓮燈,一直問人點解,問過個專家,佢所講同老柯一樣,袋中魚多排泄,中水毒,袋中魚好多係一返就入袋,運送途中幾大波動,d魚都未定,我自己買一袋魚回家,係巴士度係擺住的,不敢放在椅上,因為會鄧到五癆七傷死少少魚,係曾經觀察過,
有咁的事,我而家落多少少本錢,用seacharm的除硝酸水,因為佢話可以幫條魚做保護膜,保護魚鰓同身體,今次買的二包雖然有死亡,但己不是日日幾條,而係d水不定時才會死,攪返掂d水就冇事,而且係缸中都幾活躍,以前個d成日late埋一邊,不過紅蓮燈真係好難飼養,我識個人都係玩魚好耐,而家玩咸水魚,佢都係養紅蓮燈投哂降,提起都話怕怕,總之太weak的魚唔好買細條個d,最好買缸個d,係碼機會大d,個身白左係病,不是白點,死左九成九,好易惹開哂,我以前都成日有呢d病,今次只有一條有

你個缸幾大..?
一次過加100條魚~
如果個缸唔大~就超晒養~唔死就奇~
100條18蚊果d係好week的~你見到d水清d~d魚大d同埋生猛d~
仲要冇爛尾等先好買啦=.=

_________________
立定心志～恆久靠主