水草情迷

各位高手你們好，本人養草都已經有二年多，而且反缸多次，但還解決不了機個問題 請各高手賜教？(我是用鹵素燈300Wx2支，距離水面15吋，魚缸尺碼是15x18x36吋，用Tetra的四層桶濾[最底層是生物石，上三層都是不同大小的日本貴價生物環因不記得名字，加一包nitrat reduct"不知是除消酸定除麟酸"，缸中有20隻大和藻蝦，5隻藍蝦，7條燈魚，5條小精靈，4條金青苔，8隻太空角螺，生活得很好)。
1/為何我已經把燈照時間，由下午三時半至晚上七時，這些短，葉面和泥邊都有出現青苔和綠/啡澡，我已經每星期都換3/5水，小肥(肥料是NATURE AQUARIUM GOODS GREEN BRIGHTY SPECIAL LIGHTS和ECA及AqualPharm的Color up還有我已經沒有餵魚很久，但我不想換燈，因為我愛看鹵素燈的這種光線照在魚缸中，請問如何可以改善。
2/因為要防止爆藻和苔，我減少了下肥，每次換水後只下消化細菌水和靜水濟，只是隔次換水才下一些液肥，但我的草都不太粗壯，而且還有一些草出現脫葉和爛葉，真頭痛，都不知道點算。
請你們各位高手賜教。謝謝！

肥料不平衡所至。 我以前也是 36" 缸兩支 150W， 仲係只離水面 7"。 追氮同追磷肥要很多， 鉀肥真頭係要多得恐怖， 才有好既效果。 你唔餵魚明顯就無乜磷， 而又加有 Nitrat reduct 就又可能無乜氮。

_________________
Bye Bye Mash BB! 你要保重， 你永遠係我既乖BB。

你種左D乜草，兩支大燈射住，草未瞓醒已經熄燈，又冇肥，D草唔強壯就更易生藻。
你試下每日落少少肥，燈照改為5個鍾，照平時咁換水，不過唔好加你以為係好既野，淨換水就可以。

1.三尺缸,缸高18",約160L水,用兩枝300w鹵仔,真係太過多。由於燈具火數過大而刻意縮

_________________
40"x14"x16",Eheim2028x2,Mr.Aqua CO2 set,Atman PL36Wx2, AB Volcanic sand,JBL base-fertilizer,Sunon cooling fanx1(25-28C)

其實我缸中種了大約10棵變種紅百葉，迷你珍珠、拉鏈、還有大約三十幾棵不記得名的草，這樣各位高手我是否雖要把光照時間慢慢加長，但我害怕會爆黑毛澡，因為早年增經試過，之後就反缸，現在就沒有。我不想再買O2T5，因為又要用一千幾百。還有雖要停肥嗎？最後想問我缸中現在有4成的草葉面都有小量青苔，雖要剪嗎？請各位高手賜教。謝謝！

咁少水， 咁光真係會好難搞， 不過唔係唔得， 只係只好多時間同耐性。 咁光就要高濃度既肥， 高濃度既肥要保持平衡的話， 要很小心， 加上一定要種滿草， 唔可以小。

_________________
Bye Bye Mash BB! 你要保重， 你永遠係我既乖BB。

高手，請你可以詳細指教一下小弟，如何可以使水草生得又漂亮，又健康，而且又無青苔，還有我缸中在泥邊的啡/綠澡如何正走他。是否真的需要缸中的每一吋都種上草。還有肥料如可控制，光照的設定有如何，什麼時間開和關最好，開多久才正確。請求你幫忙。萬二份感謝

我諗....好多高手都冇法百分百可以做得到.

可否指點一些正確的改善方法。謝謝

睇得出個缸困擾左你一段時間，重有冇其他硬件？co2、uv燈、水冷等？水溫如何？缸中有冇石之類裝飾？個缸擺得近唔近窗？如果可以影幅相，睇睇個缸同器材更好。
就試下用僅有既資料答多一次：
濾材方面，唔使額外落，nitrat reduct係除硝劑，除磷會係phosphate reduct之類既名，氮、磷、鉀係草既主要養份，缺一不可，試下濾桶最底層放生化棉，中間兩層放生化環，最上層夜白棉，其他一概不要。
燈方面(係咪應該150w x 2支=300w)，吊高吊底影響唔大，因為空氣阻力有限，反而對照射角有影響，放低至十吋較為適合。如果兩盞燈可以獨立開關，一盞開四個鐘、一盞開六個鐘，冇既拉勻五個鐘，睇下效果如何。
換水一星期換3/5冇問題，不過一般1/4已經足夠，硝化(唔係消化，兩樣野黎架)菌同淨水劑真係唔好落，菌自己會生長，當然亦會死亡，一個正常個缸，菌量既多少係睇環境，食物多時...生長>死亡...；生長到某一個階段變成--->食物少時...死亡>生長...，自己會平衡，唔係博命落，越多越好。淨水劑重衰，一般主要成份係名礬，祗不過將d浮游物攬落缸底，攪到缸底越黎越污糟，d水越黎越杰。
肥方面可以照落，除左換水個日唔落，每日照建議份量除12咁落，個缸順翻先作加減。
糧都可以落，食得晒就可以。
依家d草好弱，一次過換晒佢，至多津貼你些少。

螺絲，真的多謝你的指點，因為我家中所有相機及手機的像素都超過上載的限制，所以給不到照片你看，我只有再詳細說明細點，我的缸有UV管，有CO2、風扇、軟水樹支溫度大約在(21-24.7)度這機天，魚缸放在距離窗戶二尺但向窗那面已經用咕紙遮蓋了。。缸中只有一件沉木，其餘全都是草，草占了缸中3/5，我作天還加了新草，其實我想知道？我支鹵素燈正確要離水面多小？我的濾筒中已經有一片很舊的過濾白棉(多次使用已經不是白色)什麼是夜白棉，加生化棉有什麼作用，我已經有生物環和生物石，你說依家d草好弱，一次過換晒佢，是否要反缸，但有四成草又很好，而且還開支散葉，如水蓉、迷你珍珠、拉鏈及一棵不記得名。我剛買了一支消化細菌水，是否不要落？我今天開始落了少量的除苔劑(4ml)。你說肥方面可以照落，除左換水個日唔落，每日照建議份量除12咁落，個缸順翻先作加減。 即是把我之前在換水的時候下的肥料NATURE AQUARIUM GOODS GREEN BRIGHTY SPECIAL LIGHTS和ECA及AqualPharm的Color up的份量除12份，一天下兩次，但是我反工反輪班，有時不在家，家中又無人，應如何處理？你又說糧都可以落，食得晒就可以，不會影響嗎？

1) 你的缸有2年多，應該硝化系統已ok、不用再加，除非你洗濾筒時洗得太乾淨。

2) 糧可以落，2分鐘內食晒就可以。一般市面的水草肥是沒有氮的、適量喂魚是氮肥來源。沒氮肥草會好弱。

3) 生青苔的草是否小水容之類陰草？太強的光這些陰草是很易生青苔的。換去其它草的陰影下可能有助。

4) 剪走弱的草，讓強的有多些空間，讓新芽有光照。

5) 魚缸有少量青苔很正常。不太多就自已動手刷。

6)有些草是很食底床的肥，一定要知道草的特性才能對症下藥。照片是很重要的，Resize應該不困難，看看置頂的文章吧！

噢，用簡易輸入，4打左3，係"放白棉"先岩。
軟水樹脂都可以唔落，香港d水算軟，有d草反而有些少硬度生長得更好，唔係零硬度為之最好。
你個缸唔係太深，吊得高會射左落玻璃，10"算係適中。
生化棉(有顏色、硬硬地、疏窿個隻)主要係隔一隔枯葉之類比較大既廢物(機械過濾)，先到生化環及生化石作化學過濾，最後用白棉，再濾一濾d微粒。
唔使反缸，如果四乘有事，就唔好要個四乘，因為咁先比較到之前之後既效果，缸中變數太多，有時好左或者壞左未必知道關邊樣事，所以當實驗咁做，盡量將變數剔除，易於觀察。
如果有新芽，可以剪掉老葉，刺激生長，如minsc99講，水榕或者一d比較深綠色既草，比較怕光，可以種係d淺色既草下面，冇咁易野藻。
除苔劑作用唔大，相信你都體會到，同硝化菌一樣，唔好落喇。
一般跟肥既說明書，都當你係密種，所以我地一般都係將佢打五折，同埋都係教你每星期落一次，依d都係就懶人，我真係識人一星期煲7日份量既湯，放入雪櫃，每日飲一份，當然唔及每日煲一份好。
所以先將份量除12，每日落一次(唔係兩次)，有人開燈落，有人中段落，亦有人熄燈先落，大路係開燈後一小時落，都冇一個確實既定論，就到自己就可以。
肥落住brighty-k(鉀肥)同special light(主肥)先，eca(複合酸)同color up(鐵肥)都係助長發育，不過比較易野藻，暫時唔好落。
你個缸唔係咁多魚，照餵都冇問題，食得晒就可以。
唔使灰心，有藻係養魚人事必經階段，多d觀察，發覺有事就立即行動，唔好比佢坐大就可以。

Thank you all!!!

好

_________________
魚魚魚魚魚