水草情迷

我個24吋草缸養有十幾廿條魚, 其中所有新燈生白點, 可以點做呢?
除左落葯外有乜辦法呢? 我怕落葯會影响水草及其他魚

「白點病」for Dummies !
http://www.aqugrass.com/phpBB2/viewtopic.php?t=54448

_________________
我ｄ缸：
30" x 14" x 22" ＋ 幾個缸仔
ex120，t5ho 39Wx4

我ｄ魚：
三間鼠+新燈+櫻桃燈+黑裙+燕子美人+黑摩利+班馬+金翅珍珠鼠+印第安鼠+紫羅蘭鼠+精靈鼠+白雲山+金三角燈+琥珀燈+紅衣夢幻旗+小鬍子+紅肚鉛筆+火焰熊貓+安瓊

太詳細了, 謝謝你.

落藥,市面上都有d藥可依白點~
不過要先分開左d有事同冇事d魚~以免佢地會傳染

_________________
立定心志～恆久靠主

隔開ｄ魚，　用鹽水浸　＋溫到３０度
快就幾日，　慢就一星期到

我用azoo的去白點藥,次次都得,用時冇用加水溫,d草都冇事,我家常備一支

分開d魚,冇事的魚一樣可能有事,我將近從海水魚的網站見過有人這樣描述白點病,那篇文章講過,落藥只可消除缸內白點蟲的胞子,魚身上的白點蟲係消除不到,所以你撈走有病的魚,但缸內己有很多白點病的胞子,到佢地變成白點蟲時一樣使其餘原本沒事的魚有白點,我通常原缸落藥,azoo個隻我每次用左,第二天便見白點減少,試過有朋友的黑燈全部有白點,但他家中沒有藥,叫他將溫度較到29-30,第二天白點開始減少很多,因為超過28度,白點會死亡,這方法其實很有效,因為海水魚不能用白點藥,藥內的copper會毒死海水魚,很多魚友都是將溫度較到29度的,也看過另一篇文,那漁友說其實白點出現時,害死魚的是飼養魚那個人,因為很多人一見少少白點,便己亂哂陣腳,d魚有病時狀態一定比平時差,亂攪只會另牠們冇法適應,用簡單而不擾魚的方法先,白點病主要是吸取魚的營養,魚兒會體力越來越差,那怎樣再應付其它隆重的醫療方法,我玩淡水魚從不用醫生缸,從未試過因白點而反缸,除了我很長時間不理d魚,己到不可收拾的嚴重地步,其中一次就是餘下的二條新燈,沒有留意牠們,全身己有白點才知,都心知沒有得救,二條都己經雪花蓋頂,成頭都是白點,用azoo再較溫度到30,結果救返一條,另一條第二天己死,是發現得太遲

「白點病」for Dummies 其實已描述得很詳細，高溫令白點成熟，白點蟲在鹽水中快速死亡，加上在泥面汲走掉落o既白點蟲，真係萬試萬靈。本著盡量不加化學品同慳錢o既原則，我覺得粗鹽真係窮鬼靈芝。

　　　「其實白點出現時,害死魚的是飼養魚那個人」

sony兄呢句就最腰心腰肺啦，想當年靚仔時養魚，落到成缸藍藥水，真係該煨．．．

_________________
我ｄ缸：
30" x 14" x 22" ＋ 幾個缸仔
ex120，t5ho 39Wx4

我ｄ魚：
三間鼠+新燈+櫻桃燈+黑裙+燕子美人+黑摩利+班馬+金翅珍珠鼠+印第安鼠+紫羅蘭鼠+精靈鼠+白雲山+金三角燈+琥珀燈+紅衣夢幻旗+小鬍子+紅肚鉛筆+火焰熊貓+安瓊

骨子兄,我唔知你年記,但本人40多了,回想讀中學時,就是因為魚的熱誠,同班中一個同學由不相熟變成老友,那時我們讀中三,一早去花墟睇魚,那時d魚一有白點,就唔知點算,那年代邊有咁多資訊,更不會想到有上網這回事,去魚店問d魚有病,梗係叫你買藥,不會教你有效而實際的做法,甚麼黃粉,藍水,成日叫你買,買左唔得又話呢隻甚麼國家出,很勁,都是沒用,後來有一天,我同學係深水步基隆街市一個魚檔仔,見到個檔口有個牌話收購病魚,點解病魚都收購,我地都攪唔掂,我同學看了很耐,發覺佢熱天都開暖管,開始懷疑病魚是否加高水暖會有效,到左d魚有白點時,買藥後自己再加水溫,果然有效,之後就唔駛買咁多藥了,而家冇azoo係屋企,咪加高水溫頂住先,我畢業後因為喜歡魚,去fs的卡x做過parttime,有個伙計佢教我的,白點在28度以上便死,水溫時高時低又係好易有白點,我朋友家中的魚係秋天時,生哂白點,佢話秋天未太凍唔用暖管,但佢唔明日間同晚間的水溫相差大時,d魚低抗力會變差,同人一樣,其實近來玩左三個月咸水魚,因為又要較水,而且樣樣野仲緊張過淡水魚,今晩開始轉返淡水,咸水魚最忌水變化大,一大d魚好快死,中左招你做未知,水溫變化太急,會影響魚的內部,以前都未想過,以為涼快d姐,又會影響新陳代謝,淡水魚一樣,儘量keep 住d水質穩定,d魚健康d,病少d,最為理想,以下愚見,不喜勿小

[quote="骨子"]「白點病」for Dummies 其實已描述得很詳細，高溫令白點成熟，白點蟲在鹽水中快速死亡，加上在泥面汲走掉落o既白點蟲，真係萬試萬靈。本著盡量不加化學品同慳錢o既原則，我覺得粗鹽真係窮鬼靈芝。

　其實(鹽水中快速死亡)係有另一個解釋,可能唔同書本中的理論,淡水魚的病係咸水會消除,咸水魚的病會係淡水消除,白點病為例,係咸水魚中的白點比淡水更為利害,用淡水浴主要作用係淡水同咸水水壓不同,白點蟲因水壓問題澎漲而從魚身脫落,相反將淡水魚放進咸水的道理也一樣.
咸水魚因不能用copper,也有人用蒜汁加落魚糧給魚吃,等魚身有蒜的氣味,令白點蟲脫落,蒜汁在fs有得賣,都係有牌子的藥廠出品,但蒜汁在淡水魚能否合用就未試過,d魚肯食便沒問題,不過玩淡水魚就未聽過人用蒜汁,咸水魚就很多人試,因為咸水的白點真頭痛,週期有21日,好返又出,好返又出,攪到你冇哂心機,又唔用得藥,所以自己唔鎮定,一見白點便亂攪,d魚有乜唔死
　

要講聲sorry先,太長氣了,因為未返工,太多時間,返工後要早睡沒有這麼多時間了,最後,在海水魚網見過人這樣說,白點蟲晚上(即沒有光線情況下)會自動脫離魚身,所以我落藥後都會關了燈,但未能證實是否真有關係,但可作參考,不過魚有病時,不長時間照射對魚也沒有那麼辛苦

我記得好似係白點蟲到夠時間可交配就會離身，唔係一黑就離身。不過係底床係會係無光時才會遊上水中找目標。

_________________
Bye Bye Mash BB! 你要保重， 你永遠係我既乖BB。

我係海水魚佬網站看到的

不過呢樣未必係重要,醫得好先重要,我用慣azoo有效就費先左轉右轉,以不變應萬變

高溫好似係加速白點虫既生命週期

_________________
香港鱂魚友討論區
http://killieclub.hk/