水草情迷

請問慮水器如何選擇呢? 幾大個缸要用幾大水流既慮水器呢? 水流重要定水既清澈重要呢?
點解要養菌呢? 點樣先樣得好?
我想學種水草,有咩水草又平又易種? 用0左AdA 黑泥仲使唔使落基肥呀?
太多問題 , 唔好意思希望你地有人幫到我 :d :d

濾水器選擇, 以缸容量 乘 3至4 為標準, 即 如果缸水是 100 公升, 就買一個每小時水流量為 300-400 公升的灑水器, 而如果用 ada 泥, 過濾器的功能就更加要好些, 因為ada 泥會有很細的微粒漂浮. 我的三百公升缸, 都要用 兩個 1300公升流量的富華筒.

普遍如果有位置, 都會買外置濾筒, 外國牌子, 價錢由三百多 至 二千元都有, 以 eheim 為濾水器的名牌, 亦最貴, 其次可以用中價的 富華, 最平的是 金霸.

如果用國產的, 最貴亦只是三百多, 不過質數就沒有保證了.

水流量足夠, 水才濾得清喔.

養菌, 易種水草, 基肥等問題, 可以搜尋以前的貼文.



謝謝.

SuperCTW 兄:
我個缸係 18' x 12' X 16' , 我依家有一個700 l/h 既慮水器 , 咁夠唔夠呢? 我仲未買泥 , 桀左Ada 泥外有咩好介紹呢? 唔該晒!!

18"缸用700l/h應該無問題...
但你那隻是什麼牌子呢?
如果你係種草
以平為原則, ADA泥最適合你...
另外Power House出了種新泥
有網友話比ADA泥乾淨和硬淨
但也比ADA泥貴1倍
不過你個缸咁細
用1包9L已經足夠
可以一試...

我個慮水器係Fluva (富華?) ，好唔好用? 使唔使用生物環? 我之前個慮水器有D黑色好似個波咁上面有幾條坑既野，有咩用家? 可唔可以用番? 有冇需要落人造硝酸菌?

我都是用富華,都ok,你話果係同生物環一樣

我個缸都係18"(x10"x12"), 因為只得12"高所以沒有舖太厚泥, 結果半包9L ADA都用唔曬, 舖左前2"後3". 令外我用個ATMAN3335桶話有600l/h, 但我都覺水流太大, 有時都會把inlet valve收細小小. 開缸時用一件舊缸生化綿, 濾左3日就清曬. 所以你個700l/h應該ok.

JF, 你話那些黑色有坑的球体應該係生物球, 通常都係用於鹹水魚缸的乾濕漏加快有毒物質同空氣氧化, 桶內濕用生物環應該較為適合, 因為体積細及有大表面面積養菌.

如果覺得水流太慢最好的方法都係加多些厚棉係濾桶內
免得過都唔好較細個閘掣

我只係用沈缸式既慮水器 , 比起桶會唔會差好多?

一定差好多陪
因為沉水式並沒有空間去放其他濾材
只有一塊細小的疏棉
通常人家只會用沉水式濾頭才增加水流之用

唉呀!! 我已經買左個沈水式既 , 不過仲未用過 , 你估加$換個桶得唔得呢?
咁如果用慮桶既話又有咩比較平既牌子同型號介紹呢?

如果你未用過
即係連盒都未整爛過或有什麼損傷
一般都換俾你的
你去到咪同佢講話原來你買錯了...
應該係買桶濾咪得囉
至於補幾錢...
第一, 我唔知你個沉水頭幾錢
第二, 我唔知你買邊隻桶濾
第三, 我唔知你係邊間買
所以答你唔倒

如果要平的話可以買Hydor Prima 20
中文名叫金霸
但唔係間間都有
卡奇賣$400

較細左個 inlet value 會對個濾水器有壞影響架?

因為較細個閘掣
會令閘掣受到較大的沖力
久而久之就會令閘掣快些損壞